សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ កម្ពុជាត្រូវបានអញ្ជើញឱ្យចូលរួមក្នុងកិច្ចប្រជុំថ្នាក់រដ្ឋមន្ត្រីពាណិជ្ជកម្ម វិនិយោគនិងឧស្សាហកម្មរបស់ក្រុមប្រទេសG20 ដែលប្រទេសឥណ្ឌូនេស៊ីធ្វើជាម្ចាស់ផ្ទះ ដែលកិច្ចប្រជុំនេះធ្វើឡើងកាលពីចុងសប្ដាហ៍កន្លងទៅនេះ ។
ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម ក្នុងនាមជាប្រធានកិច្ចប្រជុំរដ្ឋមន្រ្តីសេដ្ឋកិច្ចអាស៊ានឆ្នាំ២០២២ បានដឹកនាំគណៈប្រតិភូកម្ពុជាចូលរួមកិច្ចប្រជុំថ្នាក់រដ្ឋមន្រ្តីពាណិជ្ជកម្ម វិនិយោគ និងឧស្សាហកម្មរបស់ក្រុមទេស G20 ដែលត្រូវបានរៀបចំឡើងនៅទីក្រុងបាលី ប្រទេសឥណ្ឌូនេស៊ី ក្នុងគោលបំណងផ្លាស់ប្ដូរទស្សនាទានល្អៗលើនិន្នាការសេដ្ឋកិច្ចតំបន់ និងសាកល ជាពិសេសនៅក្នុងបរិការណ៍នៃការស្ដារសេដ្ឋកិច្ចឡើងវិញបន្ទាប់ពីវិបត្តិកូវីដ-១៩។
កិច្ចប្រជុំនេះ មានការអញ្ជើញចូលរួមពីបណ្ដារដ្ឋមន្រ្តី ដែលមកពីក្រុមបណ្ដាប្រទេសជាសមាជិករបស់G20 និងប្រទេសមិនមែនសមាជិកផ្សេងទៀត ដែលត្រូវបានអញ្ជើញចូលរួម ព្រមទាំងអង្គការអន្តរជាតិពាក់ព័ន្ធនានា ប្រមាណជិត ៣០ ប្រទេស និងស្ថាប័ន។
ឯកឧត្តមរដ្ឋមន្រ្តីក្រសួងពាណិជ្ជកម្មកម្ពុជា បានចូលរួមផ្លាស់ប្ដូរទស្សនាទានល្អៗ ក៏ដូចជាអនុសាសន៍មួយចំនួន ទៅលើការងារសំខាន់ៗ ដូចជា កំណែទម្រង់អង្គការពាណិជ្ជកម្មពិភពលោក តួនាទីរបស់ប្រព័ន្ធពហុភាគីនិយមនៅក្នុងការសម្រេចបាននូវគោលដៅអភិវឌ្ឍប្រកបដោយចីរភាព ការឆ្លើយតបរបស់វិស័យពាណិជ្ជកម្ម ឧស្សាហកម្ម និងវិនិយោគ នៅក្នុងការវិបត្តិកូវីដ-១៩ និងការរៀបចំប្រព័ន្ធសុខាភិបាលសាកល ពាណិជ្ជកម្មឌីជីថល និងច្រវាក់តម្លៃសាកល ការវិនិយោគប្រកបដោយចីរភាពនៅក្នុងការស្ដារសេដ្ឋកិច្ចសាកល ឧស្សាហតូបនីយកម្មប្រកបដោយបរិយាប័ន្ន និងចីរភាពតាមរយៈបដិវត្តឧស្សាហកម្ម ៤.០។
បន្ថែមពីនេះ ឯកឧត្តមរដ្ឋមន្រ្តី បានចូលរួមកិច្ចពិគ្រោះយោបល់ក្រៅផ្លូវការ ស្ដីពីកំណែទម្រង់ប្រព័ន្ធដោះស្រាយវិវាទ របស់អង្គការពាណិជ្ជកម្មពិភពលោក ដែលជាព្រឹត្តិការណ៍អមមួយនៅក្នុងកិច្ចប្រជុំG20 ដែលត្រូវបានរៀបចំឡើងដោយតំណាងពាណិជ្ជកម្មសហរដ្ឋអាមេរិក (USTR) ផងដែរ។
ឯកឧត្តមរដ្ឋមន្រ្តី បានឆ្លៀតឱកាសអនុញ្ញាតទទួលជួបទ្វេភាគីជាមួយប្រទេសមួយចំនួន ដូចជា ចក្រភពអង់គ្លេស អេមីរ៉ាត់អារ៉ាប់រួម លោកជំទាវនាយកប្រតិបត្តិ របស់អង្គការ UNESCAP ប្រចាំទីក្រុងបាងកក ជាដើម ដើម្បីពិភាក្សាពង្រឹងពាណិជ្ជកម្មទ្វេភាគី និងកិច្ចសហប្រតិបត្តិការពាណិជ្ជកម្ម របស់កម្ពុជា៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ឧបនាយករដ្ឋមន្ត្រីប្រចាំការ វង្សី វិស្សុត អញ្ជើញសម្ពោធចង្កោមកម្មវិធីគាំទ្រសហគ្រិនភាព សម្រាប់គាំទ្រដល់សិស្ស-និស្សិត ធុរកិច្ចថ្មី កសិករខ្នាតតូច និង SME នៅខេត្តកំពង់ធំ
ព្រឹត្តិការណ៍, អត្ថបទពាណិជ្ជកម្ម
• 08/06/2026
ឧបនាយករដ្ឋមន្ត្រីប្រចាំការ វង្សី វិស្សុត អញ្ជើញសម្ពោធចង្កោមកម្មវិធីគាំទ្រសហគ្រិនភាព សម្រាប់គាំទ្រដល់សិស្ស-និស្សិត ធុរកិច្ចថ្មី កសិករខ្នាតតូច និង សហគ្រាសធុនតូច និងមធ្យម នៅខេត្តកំពង់ធំ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content