សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គម្រោងសាងសង់ផ្លូវតភ្ជាប់ពីខេត្តបាត់ដំបង និងខេត្តសៀមរាបប្រវែងប្រមាណជាង៧០គីឡូម៉ែត្រ ត្រូវបានក្រសួងសាធារណការ និងដឹកជញ្ជូនសិក្សាចប់សព្វគ្រប់ហើយតាំងពីឆ្នាំ២០២១ម្ល៉េះ ហើយគម្រោងនេះដែរក៏បានដាក់ចូលទៅក្នុងគម្រោងផែនការអភិវឌ្ឍន៍៥ឆ្នាំរំកិលរបស់រដ្ឋាភិបាលផងដែរ ។ តាមរយៈគម្រោងអភិវឌ្ឍន៍ផ្លូវមួយខ្សែនេះនឹងជួយជំរុញទំនាក់ទំនងទេសចរណ៍ និងការវិនិយោគរវាងខេត្តទាំងពីរបានមួយកម្រិតទៀតផងដែរ ។
អ្នកជំនាញនៃវិស័យអចលនទ្រព្យប្រចាំខេត្តបាត់ដំបងលោក អ៊ិន ដារា ប្រធានសាខានៃក្រុមហ៊ុន KW battambang បានមានប្រសាសន៍ប្រាប់ AMS ឱ្យដឹងថា ជាការពិតណាស់ផ្លូវមួយខ្សែតភ្ជាប់ពីបាត់ដំបង និងសៀមរាប នឹងជំរុញឱ្យការវិនិយោគ ការធ្វើពាណិជ្ជកម្ម និងទេសចររវាងខេត្តទាំងពីរបន្ថែម ដោយនឹងធ្វើឱ្យការដឹកជញ្ជូនទំនិញពីបាត់ដំបងទៅសៀមរាប និងពីសៀមរាបទៅបាត់ដំបងកាន់តែជិត កាត់បន្ថយថ្លៃដើម និងធ្វើឱ្យទំនិញទាបជាងមុនផងដែរ ។
លោកបន្តថា ៖
“នៅពេលដែលផ្លូវនេះសាងសង់រួចរាល់ពេលណានោះនឹងធ្វើឱ្យវិនិយោគិនចេញចូលខេត្តទាំងពីរកាន់តែមានភាពងាយស្រួល ហើយក៏នឹងធ្វើឱ្យតម្លៃដីធ្លីនៃខេត្តទាំងពីរកើនឡើង ជាពិសេសនៅតាមបណ្ដោយគម្រោងផ្លូវតែម្ដងដែរ។ ការឡើងនៃតម្លៃដីធ្លី ក៏បានបែងចែកទៅតាមដំណាក់កាលផងដែរ ដូចជាពេលគម្រោងនេះចាប់ផ្ដើមសិក្សា នៅពេលគម្រោងចាប់ផ្ដើមសាងសង់ និងនៅពេលគម្រោងនេះសាងសង់រួចរាល់”
លោកបានបញ្ជាក់ពីស្ថានភាពវិនិយោគអចលនទ្រព្យនៅក្នុងខេត្តបាត់ដំបងផងដែរថា ចាប់តាំងពីក្រោយបុណ្យចូលឆ្នាំខ្មែរមកឃើញថា មានការចាប់អារម្មណ៍ ច្រើនពីសំណាក់វិនិយោគិន និងមានគម្រោងចាប់ផ្ដើមអនុវត្តន៍មួយចំនួននៅក្នុងខេត្តបាត់ដំបង ដែលអាចបង្ហាញពីភាពល្អប្រសើរនៃវិស័យអចលនទ្រព្យ និងដីធ្លីក្នុងខេត្តមានភាពល្អប្រសើរ ។
ដោយឡែក លោក សំ សីហា ប្រធានសាខានៃក្រុមហ៊ុន Century 21 Zillion Holding ប្រចាំខេត្តសៀមរាបក៏បានឱ្យដឹងផងដែរថា ជាធម្មតាការអភិវឌ្ឍផ្លូវឬហេដ្ឋារចនាសម្ព័ន្ធអ្វីមួយ វានឹងផ្ដល់អត្ថប្រយោជន៍ដល់វិស័យដីធ្លី និងអចលនទ្រព្យនៃតំបន់ទាំងនោះផងដែរ ។ ជាក់ស្ដែងគម្រោងសាងសង់ផ្លូវតភ្ជាប់ពីសៀមរាបទៅបាត់ដំបងនេះ ក៏នឹងបង្កើនសក្ដានុពលវិនិយោគទេសចរណ៍ ការធ្វើពាណិជ្ជកម្មរវាងខេត្តទាំងពីរបន្ថែមទៀត ប៉ុន្តែវាស្ថិតនៅក្នុងកម្រិតណាមួយនោះគឺអាស្រ័យទៅលើស្ថានភាពសេដ្ឋកិច្ចជាក់ស្ដែង។
សូមរំលឹកថា គម្រោងផ្លូវតភ្ជាប់ពីសៀមរាបទៅបាត់ដំបងត្រូវបានសិក្សាចប់កាលពីអំឡុងពាក់កណ្ដាលត្រីមាសទី៣ឆ្នាំ២០២១កន្លងទៅ ហើយគម្រោងនេះដែរក៏បានដាក់ចូលទៅក្នុងផែន៥ឆ្នាំរំកិលរបស់រដ្ឋាភិបាល ។ បើសិនជារដ្ឋាភិបាលមានលទ្ធភាព ឬមានថវិកាគ្រប់គ្រាន់ផ្លូវនេះអាចនឹងសាងសង់មុនផែនការ ពោលគឺអាចនៅក្នុងអំឡុងឆ្នាំ២០២៣ ឬឆ្នាំ២០២៤ ដើម្បីបម្រើប្រយោជន៍ដល់ពលរដ្ឋ ជួយជំរុញសេដ្ឋកិច្ចពាណិជ្ជកម្ម និងទេសចរណ៍ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទីផ្សារការងារកម្ពុជា ឆ្នាំ២០២៥ រក្សាភាពរឹងមាំ ខណៈប្រជាជនក្នុងវ័យធ្វើការមានចំនួនប្រមាណ ១៣,១លាននាក់
Top News, ព្រឹត្តិការណ៍, សេដ្ឋកិច្ច
• 04/09/2026
ឆ្នាំ២០២៥ ប្រជាជនក្នុងវ័យធ្វើការមានចំនួនប្រមាណ ១៣,១លាននាក់ (ស្រី ៦,៨លាននាក់ និងប្រុស ៦,៣លាននាក់) ក្នុងនោះរស់នៅតំបន់ជនបទ ៧,៨លាននាក់ និងតំបន់ទីប្រជុំជន ៥,៣លាននាក់
BBC ចុះផ្សាយពីការបើកទ្វារស្វាគមន៍ភ្ញៀរទេសចររបស់កម្ពុជាមានភាពប្រសើរ និងងាយស្រួលជាងមុន
Top News, ព្រឹត្តិការណ៍, សេដ្ឋកិច្ច
• 04/09/2026
ប្រទេសកម្ពុជាកំពុងស្ថិតក្នុងរបត់ឆ្ពោះទៅរកភាពរីកចម្រើន និងផ្លាស់ប្តូរយ៉ាងលឿន ដោយសារការសម្រួលដល់ដំណើរការទទួលភ្ញៀវទេសចរមានភាពរលូនជាងមុន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content