សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តម្លៃអចលនទ្រព្យក្នុងឆ្នាំ២០២២នេះ ត្រូវបានគេមើលឃើញថាមានភាពល្អប្រសើរឡើងជាងឆ្នាំ២០២០ និងឆ្នាំ២០២១កន្លងទៅ ខណៈការទិញ-លក់ក៏ត្រូវបានកត់សម្គាល់ឃើញថាប្រសើរជាង២ឆ្នាំមុនដែរ បើទោះបីជាឆ្នាំនេះស្ថានភាពសេដ្ឋកិច្ចសកលមិនទាន់បានប្រសើរដូចកាលមុនវិបត្តិក៏ដោយ។
អ្នកស្រី Grace Rachny Fong អគ្គនាយិកាក្រុមហ៊ុនអចលនទ្រព្យ Century 21 Cambodia បានមានប្រសាសន៍ឱ្យដឹងថា ឆ្នាំ២០២២នេះ ចាប់តាំងពីដើមឆ្នាំមកឃើញថាតម្លៃអចលនទ្រព្យមានភាពប្រសើរជាង២ឆ្នាំមុន ពីព្រោះតែក្នុងរយៈពេល២ឆ្នាំកន្លងទៅស្ថានភាពអចលនទ្រព្យក្នុងប្រទេសកម្ពុជាក៏ដូចជាពិភពលោកទាំងមូលសុទ្ធតែជួបប្រទះនឹងបញ្ហា ដូច្នេះការទិញលក់បានថមថយ ដែលធ្វើឱ្យតម្លៃក៏មានការថមថយមួយកម្រិតដែរតែមិនមែនទូទៅនោះទេ។
អ្នកស្រីបន្តថា ៖
“ដើមឆ្នាំ២០២២ ក្រោយពីស្ថានភាពកូវីដ១៩បានប្រសើរ និងបន្ទាប់ពីរាជរដ្ឋាភិបាលបានបើកប្រទេស បើកសេដ្ឋកិច្ចឡើងវិញ យើងក៏បានឃើញថា ទីផ្សារអចលនទ្រព្យបានរើបៗឡើងវិញ និងមានការទិញជាហូរហែរផងដែរ ដែលបានជំរុញឱ្យតម្លៃអចលនទ្រព្យក្នុងឆ្នាំ២០២២ មានភាពប្រសើរជាង២ឆ្នាំកន្លង”
អ្នកស្រីបន្ថែមថា
“ឆ្នាំ២០២៣ខាងមុខ រំពឹងថាស្ថានភាពទីផ្សារអចលនទ្រព្យក្នុងប្រទេសកម្ពុជានឹងមានកំណើនឡើងបន្ថែមទៀតទាំងការទិញលក់ និងតម្លៃ ដោយសារតែឆ្នាំនេះកម្ពុជាបានរៀបចំនូវព្រឹត្តិការណ៍អន្តរជាតិដ៏ធំមួយ និងមានវត្តមានមេដឹកនាំពិភពលោក និងអាស៊ានមកចូលរួម ។ ឆ្នាំ២០២៣ ខាងមុខនេះ កម្ពុជាក៏គ្រោងនឹងរៀបព្រឹត្តិការណ៍អន្តរជាតិមួយទៀត ដែលព្រឹត្តិការណ៍នេះដែរក៏នឹងនាំមកនូវភ្ញៀវទេសចរបរទេស និងវិនិយោគិនអន្តរជាតិចូលមកម្ពុជា ដែលជាការរំពឹងមួយពីវិស័យអចលនទ្រព្យ”
អ្នកស្រីបញ្ជាក់ថា ការទិញលក់អចលនទ្រព្យក្នុងប្រទេសកម្ពុជា នាពេលបច្ចុប្បន្ននេះ ក៏ត្រូវបានធ្វើឡើងតាមប្រព័ន្ធបច្ចេកវិទ្យាផងដែរ ដែលតាមរយៈប្រព័ន្ធបច្ចេកវិទ្យានេះ បានជំរុញ និងពន្លឿនការទិញលក់អចលនទ្រព្យបានមួយកម្រិតទៀត និងជាការចូលរួមឱ្យវិស័យនេះបានងើបមួយកម្រិតទៀតផងដែរ ។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាក៏បានលើកឡើងផងដែរថា ឆ្នាំ២០២២នេះ តម្លៃអចលនទ្រព្យចាប់ផ្ដើមរើបៗឡើងវិញទាំងការជួល និងទិញលក់ ខណៈអាជីវកម្មនានាក្នុងប្រទេសក៏ត្រូវបានឃើញថាមានភាពប្រសើរឡើងវិញដែរ។
លោកបន្តថា តម្លៃអចលនទ្រព្យ ជាពិសេសដីធ្លីនៅតែបន្តឡើងថ្លៃ ប៉ុន្តែក្នុងកាលៈទេសៈដែលជួបនូវបញ្ហាប្រឈម ម្ចាស់អចលនទ្រព្យដែលមានបញ្ហានឹងហិរញ្ញវត្ថុក៏បានលក់ទ្រព្យនោះក្នុងតម្លៃក្រោមទីផ្សារ ដែលជាឱកាសសម្រាប់អ្នកមានទុនគ្រប់គ្រាន់ទិញទុកដើម្បីរកប្រាក់ចំណេញនៅពេលចប់វិបត្តិ ឬវិបត្តិបានធូរស្រាល ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រយៈពេល៦ខែ ឆ្នាំ២០២៦ កម្ពុជាទទួលបានចំណូលពីពន្ធគយប្រមាណ ១,៥៧ពាន់លានដុល្លារអាម៉េរិក
Top News, ព្រឹត្តិការណ៍, សេដ្ឋកិច្ច
• 21/07/2026
ក្នុងរយៈពេល ៦ខែ នៃឆមាសទី១ ឆ្នាំ២០២៦ នេះ អគ្គនាយកដ្ឋានគយ និងរដ្ឋាករកម្ពុជា ប្រមូលចំណូលបាន ៦,២៩ទ្រីលានរៀល ឬប្រមាណ ១,៥៧ពាន់លានដុល្លារអាម៉េរិក កើនឡើង ៤,៥ភាគរយ
ស្វែងយល់ពីឫសគល់ប្រវត្តិសាស្ត្រដែលសហរដ្ឋអាម៉េរិក និងសម្ព័ន្ធមិត្តមិនអាចផ្តួលរំលំរបបដឹកនាំអ៊ីរ៉ង់
Top News, ព្រឹត្តិការណ៍, សេដ្ឋកិច្ច
• 17/07/2026
ក្រុមអ្នកវិភាគភូមិសាស្ត្រនយោបាយ គូសបញ្ជាក់ថា ការព្យាយាមប្រើប្រាស់សម្ពាធយោធា និង ការដាក់ទណ្ឌកម្មសេដ្ឋកិច្ចនានាដើម្បីបង្ខំឱ្យអ៊ីរ៉ង់ផ្លាស់ប្តូររបបដឹកនាំគឺជារឿងដ៏លំបាកបំផុត ដោយសារតែរបបបច្ចុប្បន្នត្រូវបានកសាងឡើងនៅលើទ្រឹស្តីការពារខ្លួន និងការចងចាំដ៏ឈឺចាប់នៃការជ្រៀតជ្រែកពីបរទេសអស់រយៈពេលជាង ២ សតវត្សរ៍កន្លងមក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content