សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ធនាគារ ជីប ម៉ុង ដែលជាធនាគារក្នុងស្រុកមានគ្រឹះរឹងមាំ និងម្ចាស់ភាគហ៊ុនជាសហគ្រិនខ្មែរ ១០០ ភាគរយ កំពុងតែផ្តល់ផលប្រយោជន៍ និងលក្ខខណ្ឌពិសេសជូនទៅដល់ម្ចាស់បុរី ដែលមានបំណងត្រូវការហិរញ្ញវត្ថុទៅវិនិយោគលើការងារផ្សេងៗ។
អ្នកឧកញ៉ា លាង ម៉េង អគ្គនាយកធនាគារ ជីប ម៉ុង បានចេញមកថ្លែងសារពិសេសដែលមានខ្លឹមសារថា ៖ ធនាគារ ជីប ម៉ុង បានបើកទ្វារដ៏ធំចូលរួមសហការសម្រួលដល់ចរន្តសាច់ប្រាក់សម្រាប់ម្ចាស់បុរី និងខុនដូទូទាំងប្រទេសឱ្យកាន់តែល្អប្រសើរ។
នេះជាឱកាសមាសតែមួយគត់សម្រាប់ម្ចាស់បុរី និងខុនដូ ដែលមានបំណងចង់បានសាច់ប្រាក់បង្វិលមុន ឬបង្កើនការលក់ផ្ទះជូនអ្នកទិញឱ្យបានលឿន តាមរយៈការចាប់ដៃគូជាមួយធនាគារ ជីប ម៉ុង ហើយអាចផ្ទេរប្រាក់កម្ចីពីបុរីមកធនាគារជីបម៉ុងក៏បាន។
កិច្ចសហការជាមួយធនាគារ ជីប ម៉ុង ឥឡូវនេះ អាចជួយអតិថិជនកាន់តែមានលទ្ធភាពខ្ពស់ក្នុងការទទួលបានលំនៅឋានក្នុងក្ដីស្រមៃ រីឯម្ចាស់បុរី ក៏អាចមានភាពងាយស្រួលគ្រប់គ្រងចរន្ដសាច់ប្រាក់កាន់តែប្រសើរបានផងដែរ។
អ្នកឧកញ៉ា លាង ម៉េង បានបញ្ជាក់ច្បាស់ៗថា៖
«ឱកាសពិសេសបានមកដល់ហើយ ធនាគារ ជីប ម៉ុង បានផ្តល់កម្ចីទិញផ្ទះ រហូតដល់ទៅ៨០%នៃតម្លៃផ្ទះជាក់ស្ដែងជូនអតិថិជនរបស់ម្ចាស់បុរី ចំណែកការសិក្សាកម្ចីមានភាពសាមញ្ញ មិនទាមទារឯកសារច្រើន ព្រមទាំងផ្តល់លក្ខខណ្ឌក្នុងការបង់សងទៅវិញមានភាពបត់បែន។ អតិថិជនរបស់ម្ចាស់បុរី ក៏អាចទទួលបានកម្ចីរយៈពេលវែងរហូតដល់ទៅ២០ឆ្នាំ ដែលជាឱកាសអាចឱ្យម្ចាស់បុរីទទួលបានសាច់ប្រាក់ទៅវិនិយោគបន្ដសាងសង់ ឬតម្រូវការផ្សេងៗដែលអាចផ្ដល់ផលចំណេញត្រលប់មកវិញខ្ពស់»។
អ្នកឧកញ៉ាអគ្គនាយកធនាគារ ជីប ម៉ុង បានបញ្ជាក់បន្ថែមថា៖ ធនាគារ ជីប ម៉ុង បានសម្រួលក្នុងការសិក្សាកម្ចី និងផ្តល់លក្ខខណ្ឌទូទាត់មានភាពបត់បែនតាមម្ចាស់បុរី ឬតាមអតិថិជន។ នេះជាឱកាសដ៏ល្អសម្រាប់ម្ចាស់បុរីផ្ទាល់ឱ្យមានចរន្តសាច់ប្រាក់ប្រើប្រាស់កាន់តែងាយស្រួលក្នុងការបន្ត និងពង្រីកអាជីវកម្មកាន់តែល្អប្រសើរ៕
Account
Security
Favourite Content