សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រដ្ឋាភិបាលតាមរយៈទីស្តីការគណៈរដ្ឋមន្ត្រី បានដាក់ចេញ “វិធានការជាកញ្ចប់“ ដើម្បីបង្កើតជំនឿទុកចិត្តវិនិយោគនិងតម្រូវការទីផ្សារក្នុងរយៈពេលខ្លី មធ្យម និងវែង សម្រាប់ដោះស្រាយគម្រោងវិនិយោគជាប់គាំងក្នុងខេត្តព្រះសីហនុ។
យោងតាមលិខិតដែលចុះហត្ថលេខាដោយលោក ហ៊ីង ថូរ៉ាក់ស៊ី រដ្ឋលេខាធិការនៃទីស្តីការគណៈរដ្ឋមន្ត្រី ចុះថ្ងៃទី២៩ ខែមីនា ឆ្នាំ២០២៣ បញ្ជាក់ថា “វិធានការជាកញ្ចប់” នេះ រួមបញ្ចូល ទី១) ការកំណត់និយមន័យនិងវិសាលភាព, ទី២) វិធានការទូទៅ និង ទី៣) វិធានការលើកទឹកចិត្ត សម្រាប់ដោះស្រាយភាពជាប់គាំង ក្នុងទិដ្ឋភាពរួមផង និងតាមករណីនីមួយៗផង ដោយផ្អែក តាមច្បាប់និងបទប្បញ្ញត្តិជាធរមាន ខណៈដែលភាពជាប់គាំងនីមួយៗមានភាពខុសគ្នា អាស្រ័យតាមស្ថានភាពរបស់ម្ចាស់ដី ម្ចាស់អគារ និងគម្រោងវិនិយោគ ដូចមានរៀបរាប់លម្អិតក្នុងឧបសម្ព័ន្ធនៃលិខិតលេខ ១៤៣៨ សហវ.លស ចុះថ្ងៃទី២៣ ខែកុម្ភៈ ឆ្នាំ២០២៣ របស់ក្រសួងសេដ្ឋកិច្ច និងហិរញ្ញវត្ថុ ។
លិខិតនេះបន្តថា “វិធានការជាកញ្ចប់” នេះ ត្រូវអនុវត្តតាមលំដាប់អាទិភាពមុនក្រោយ ស្របតាមផែនការសកម្មភាពជាក់លាក់ និងកម្រិតត្រឹមនិយមន័យនិងវិសាលភាពនៃគម្រោងវិនិយោគជាប់គាំងចាប់ពីឆ្នាំ២០១៦ មក ក្នុងខេត្តព្រះសីហនុ។
ខេត្ដព្រះសីហនុគឺជាខេត្ដមួយដែលមានសក្ដានុពលខ្លាំង និងទាក់ទាញវិនិយោគិនទាំងជាតិ និងអន្ដរជាតិមកធ្វើការវិនិយោគ ពិសេសលើសំណង់អគារពាណិជ្ជកម្ម និងសណ្ឋាគារយ៉ាងច្រើននៅមុនពេលការរីករាលដាលនៃជំងឺកុវីដ ១៩។ ប៉ុន្តែដោយសារតែវិបត្ដិកូវីដ១៩ កន្លងមក ក៏បានធ្វើឲ្យគម្រោងអគារមួយចំនួនត្រូវបានផ្អាកការសាងសង់។ អ្នកជំនាញរំពឹងថា ក្រោយពេលដាក់ចេញវិធានការ “វិធានការជាកញ្ចប់” របស់ដ្ឋាភិបាលនៅពេលនេះ នឹងធ្វើ ឱ្យគម្រោងទាំងនោះ ចាប់ផ្តើមដំណើការសាងសង់របស់ខ្លួនឡើងវិញ ហើយអាចទាក់វិនយោគិនជាតិ និងអន្តរាជាតិចូលមកកាន់ខេត្តនេះ ផងដែរ៕
Account
Security
Favourite Content