សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កុងត្រាផលិតយន្តហោះចម្បាំង F-35 ថ្មីប្រមាណជាង១៤៥គ្រឿងពីសំណាក់ក្រុមហ៊ុនអ្នកផលិតសព្វាវុធអាមេរិក Lockheed Martin ត្រូវបានចុះហត្ថលេខាដើម្បីបំពេញការបញ្ជាទិញរបស់អង្គភាពកងទ័ពជើងទឹករបស់អាមេរិក។
យោងតាមរបាយការណ៍មួយដែលចេញផ្សាយដោយ The Zacks Equity Research បានរកឃើញថា កុងត្រាដ៏ធំនេះមានទំហំជាទឹកប្រាក់ប្រមាណជា ១១,៨ពាន់លានដុល្លារ ហើយតាមផែនការវានឹងត្រូវបញ្ចប់ទៅនៅត្រឹមខែមិថុនា ឆ្នាំ២០២៧ខាងមុខនេះ។
យន្តហោះទាំង១៤៥គ្រឿងនឹងមានគ្រប់ម៉ូដេលនៃ F-35 ដែលមានដូចជា F-35A, F-35B និង F-35C ហើយពួកវានឹងត្រូវបញ្ជូនទៅឲ្យអង្គភាពជើងទឹកអាមេរិក U.S. Navy និងបន្តបញ្ជូនដោយអង្គភាពទ័ពអាកាសអាមេរិក U.S. Air Force ព្រមទាំងដៃគូរដ្ឋមួយចំនួនទៀត។
គួរកត់សម្គាល់ថា បណ្តាប្រទេសនានានៅទូទាំងពិភពលោកកំពុងព្យាយាមពង្រឹងសមត្ថភាពលើវិស័យការពារសន្តិសុខ ដោយបានការចំណាយលើសព្វាវុធយោធាកម្រិតខ្ពស់ រួមទាំងយន្តហោះចម្បាំងដែលចាំបាច់សម្រាប់ប្រតិបត្តិការផ្លូវអាកាសក៏កំពុងមានសន្ទុះកើនឡើងខ្លាំងដូចគ្នា។ ដូច្នេះ និន្នាការនេះបានរុញច្រានកុងត្រាយ៉ាងច្រើនទៅឲ្យក្រុមហ៊ុន Lockheed Martin ដែលជាក្រុមហ៊ុនផលិតយន្តហោះប្រយុទ្ធឈានមុខគេរបស់អាមេរិក តាមរយៈការបញ្ជាទិញជាប់គ្នាពីមន្ទីរបញ្ចកោណផ្ទាល់ផង និងពីសំណាក់សម្ព័ន្ធមិត្តរបស់សហរដ្ឋអាមេរិកផង។
ពិភពលោកបានទទួលស្គាល់ថា F-35 គឺជាយន្តហោះចម្បាំងជំនាន់ចុងក្រោយ និងទំនើបជាងគេបំផុតរបស់អាមេរិកលើគ្រប់ប្រភេទបេសកកម្ម។ F-35 មានបំពាក់មុខងារ sensors កម្រិតខ្ពស់ព្រមទាំងប្រព័ន្ធទំនាក់ទំនងល្អបំផុតដោយអាចចែករំលែកព័ត៌មានបានត្រឹមត្រូវឥតខ្ជោះទាំងផ្លូវគោក ផ្លូវអាកាស និងផ្លូវទឹក ខណៈដែលតម្លៃនៅលើទីផ្សារពេលនេះអាចមានចន្លោះពី៨០ទៅ១០០លានដុល្លារក្នុងមួយគ្រឿង។
គួរឲ្យដឹងដែរថា ដោយសារតែកំណើននៃតំរូវការខ្លាំងពីបណ្តាប្រទេសជាដៃគូអាមេរិកសម្រាប់ពង្រឹងវិស័យការពារសន្ដិសុខជាតិ គិតរហូតមកដល់ពេលបច្ចុប្បន្ននេះ ក្រុមហ៊ុន Lockheed Martin បានបង្ហាញវត្តមានយន្តហោះ F-35 សរុបប្រមាណជា១០៤០គ្រឿងរួចមកហើយ ហើយក៏បានបញ្ជូនទៅដល់ដៃអតិថិជនដែលបញ្ជាទិញរួចរាល់ផងដែរ៕
Account
Security
Favourite Content