សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាធម្មតា ក្នុងឱកាសបុណ្យចូលឆ្នាំប្រពៃណីចិន-វៀតណាម សម្រាប់ជនជាតិចិនផ្ទាល់ ឬជាអ្នកជាប់សែស្រឡាយចិន តែងតែរៀបចំតុបតែងផ្ទះដោយមានការតាំងចង្កៀងគោម ត្រៀមសម្លៀកបំពាក់ពណ៌ក្រហម លោតម៉ុងសាយ ពិសេសគឺការជូនផ្លែក្រូចធ្វើជាអំណោយឱ្យបងប្អូន និងអ្នកដែលពួកគេស្រឡាញ់រាប់អាន។
បើតាមលោក វង្ស ហិរញ្ញនិយុទ្ធ សហស្ថាបនិកហាង «ផ្ទះផ្កាខ្មែរ» បានប្រាប់ AMS Economy ឱ្យដឹងថា ៖ សម្រាប់រដូវកាលចូលឆ្នាំចិននេះ ទីផ្សារក៏ដូចជាការកម្ម៉ង់កន្ត្រកផ្លែក្រូចហាក់មានការកើនឡើង ដោយសារតែមានតុបតែងកន្ត្រកជាមួយនឹងផ្កាពណ៌ក្រហមមានភាពស្រស់ស្អាតសម្រាប់ធ្វើជាអំណោយដ៏ពេញនិយមសម្រាប់បងប្អូនជាប់សែស្រឡាយចិនដែលមានទម្លាប់ជូនជាអំណោយនារដូវនេះ។
លោកបន្តថា ៖
«សម្រាប់កន្ត្រកក្រូចរបស់យើងមានតម្លៃចាប់ពី ២៥-១៥០ដុល្លារឡើងទៅ អាស្រ័យតាមទំហំ និងការតុបតែង ហើយចំពោះកន្ត្រកដែលអតិថិជនចូលចិត្ត និងនិយមកម្ម៉ង់ច្រើនជាងគេ គឺកន្ត្រកផ្លែក្រូចទំហំកណ្ដាលមានតម្លៃ ៥០ដុល្លារ ដែលគេតែងតែទិញជូនបងប្អូន ញាតិមិត្ត ឬមនុស្សជាទីស្រឡាញ់»។
គួរបញ្ជាក់ដែរ បើតាមជំនឿរបស់ជនជាតិចិន ផ្លែក្រូច ក៏ដូចជាដើមក្រូច គឺជារបស់ដែលនាំឱ្យមានភាពរីករាយ ពោរពេញដោយសំណាងល្អចូលក្នុងផ្ទះ។ ចំណែកមូលហេតុដែលគេជឿថាផ្លែក្រូចនាំសំណាងដោយសារនៅក្នុងភាសាចិនកុកងឺ ពណ៌ទឹកក្រូច គឺជា júzi ស្រដៀងនឹងការបញ្ចេញសំឡេង«ji» ហើយ Ji មានន័យថា សំណាង។ ម៉្យាងទៀត ចំពោះផ្លែក្រូច ជាពិសេសក្រូចឃ្វិច ក៏តំណាងឱ្យពណ៌មាសដែរ។ បន្ថែមពីលើនេះ និមិត្តសញ្ញាទាំងនេះគឺតំណាងឱ្យក្តីសង្ឃឹមសម្រាប់ឆ្នាំថ្មី ដែលពោរពេញទៅដោយសំណាងល្អ និងភាពរុងរឿង ទើបជនជាតិចិននិយមឱ្យជាអំណោយ ឬអាំងប៉ាវទៅអ្នកដទៃដោយភ្ជាប់ជាមួយនឹងផ្លែក្រូចមួយផ្លែធំដើម្បីនាំសំណាង និងបង្កើនភាពផ្អែមល្ហែមរវាងគ្នា និងគ្នា៕
Account
Security
Favourite Content