សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កិច្ចព្រមព្រៀង RCEP បានចូលជាធរមានសម្រាប់សមាជិកទាំង១៥របស់ខ្លួននៅក្នុងហ្វីលីពីននៅថ្ងៃទី២ ខែមិថុនា ឆ្នាំ២០២២ និងត្រូវបានគេចាត់ទុកថាជាកតិកាសញ្ញាពាណិជ្ជកម្មសេរីដ៏ធំបំផុតរបស់ពិភពលោកមួយទាំងចំនួនប្រជាជន ទាំងទំហំពាណិជ្ជកម្ម។
កាលពីពេលថ្មីៗនេះ អ្នកជំនាញជប៉ុនដ៏ល្បីម្នាក់បានលើកឡើងថា ការអនុវត្តពេញលេញនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) ដែលជាកិច្ចព្រមព្រៀងពាណិជ្ជកម្មសេរីដ៏ធំនេះពិតជាមានសារសំខាន់ណាស់ក្នុងការគាំទ្រ និងជំរុញដល់សមាហរណកម្មសេដ្ឋកិច្ចក្នុងតំបន់ និងការលើកកម្ពស់សេរីភាវូបនីយកម្មពាណិជ្ជកម្ម និងក៏ដូចជាការវិនិយោគជាមួយនឹងទីផ្សារសកល។
លោក Masahiro Morinaga ដែលត្រូវបានគេស្គាល់ថា ជាប្រធាននៃក្រុមប្រតិភូការិយាល័យតំណាងនៅ Chengdu នៃអង្គការពាណិជ្ជកម្មក្រៅប្រទេសជប៉ុន (Japan External Trade Organization) បានថ្លែងប្រាប់ក្រុមអ្នកយកព័ត៌មានរបស់ទីភ្នាក់ងារព័ត៌មានចិនស៊ីនហួ Xinhua កាលពីដើមសប្តាហ៍នេះថា កិច្ចព្រមព្រៀង RCEP នឹងជួយដល់ការជំរុញជាវិជ្ជមាននៃកំណើនស្ថិរភាពរយៈពេលវែងនៃសេដ្ឋកិច្ចពិភពលោក។ មិនត្រឹមតែជួយកាត់បន្ថយរបាំងពន្ធ និងតម្លៃទំនិញរវាងសមាជិកទាំង១៥ប្រទេសដោយគោរពតាមបទប្បញ្ញត្តិបង្រួបបង្រួមក្នុងវិស័យវិនិយោគ និងពាណិជ្ជកម្មនោះទេ វាថែមទាំងអាចជួយពន្លឿនសេដ្ឋកិច្ច និងការអភិវឌ្ឍក្នុងតំបន់បានយ៉ាងប្រសើរទៀតផង។
ការពន្យល់របស់លោក Morinaga ធ្វើឡើងដោយពឹងផ្អែកទៅលើការពិតជាក់ស្តែងថាទាំងចំនួនប្រជាជនសរុបរបស់ប្លុក និងផលិតផលក្នុងស្រុកសរុប (GDP) ព្រមទាំងទំហំពាណិជ្ជកម្មនៃសមាជិក RCEP ទាំង១៥មានចំណែកសរុបប្រហែលទៅដល់៣០ភាគរយនៃចំនួនពលរដ្ឋចំនួនពាណិជ្ជកម្ម និងផលិតផលក្នុងស្រុករបស់ពិភពលោក។
អ្នកជំនាញរូបនេះបានសង្កត់ធ្ងន់ថា កន្លងមកប៉ុន្មានឆ្នាំចុងក្រោយនេះពាណិជ្ជកម្មអន្តរជាតិបានរងផលប៉ះពាល់យ៉ាងខ្លាំងតាមរយៈសកម្មភាពបែបគាំពារនិយមដែលក្នុងនោះកត្តាមួយផ្នែកកើតឡើងដោយសារតែការកំណត់របស់អង្គការពាណិជ្ជកម្មពិភពលោក WTO និងស្ថាប័នអន្តរជាតិផ្សេងទៀតក្នុងការបំពេញទំនួលខុសត្រូវរបស់ពួកគេ និងវិធានការការពារពាណិជ្ជកម្មជាច្រើនដែលធ្វើឡើងដោយសហរដ្ឋអាមេរិក និងប្រទេសមួយចំនួនទៀត។
លោកក៏បានពន្យល់ថានៅក្នុងបរិបទនៃការអនុវត្តពេញលេញរបស់ RCEP វានឹងអាចផ្តល់ឱកាសសម្រាប់ភាគីទាំងអស់ដើម្បីត្រឡប់ទៅរកផ្លូវនៃការពង្រឹងកិច្ចសហប្រតិបត្តិការអន្តរជាតិជាមួយនឹងពាណិជ្ជកម្មសេរីឡើងវិញ។ បន្ថែមពីលើនោះ លោក Morinaga ក៏បានពណ៍នាទឿតថា ពិភពលោកបច្ចុប្បន្នមិនត្រូវការភាពបែកបាក់គ្នា និងការប្រឈមមុខគ្នានោះទេ ហើយប្រទេសនានាគួរតែងាកទៅរកកិច្ចសហប្រតិបត្តិការជាមួយនឹងកិច្ចព្រមព្រៀង RCEP វិញ ដើម្បីជំរុញកិច្ចសហប្រតិបត្តិការ កសាងប្រព័ន្ធពាណិជ្ជកម្មដែលមានសេរីភាព និងបើកចំហ ព្រមទាំងជំរុញសេដ្ឋកិច្ចពិភពលោកឲ្យកាន់តែល្អប្រសើរឡើងវិញ៕
Account
Security
Favourite Content