រដ្ឋមន្ត្រីប្រតិភូអមនាយករដ្ឋមន្ត្រី ៖ ការជជែកពិភាក្សារវាងថ្នាក់ដឹកនាំកម្ពុជា-ចិន ផ្ដោតសំខាន់លើ​សេដ្ឋកិច្ច ជាជាងនយោបាយ

ចាប់ពីថ្ងៃទី១៤ ដល់ថ្ងៃទី១៧ ខែកញ្ញា នៃដំណើរទស្សនកិច្ចផ្លូវការនៅប្រទេសចិនរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានអញ្ជើញចូលរួមពិធីពិភាក្សាជាមួយបណ្តាប្រទេសសមាជិកជាច្រើន ជាពិសេសភាគីចិន ដោយនៅក្នុងកិច្ចជំនួបពិភាក្សាទាំងអស់ ភាគច្រើនគឺជជែក និងរកដំណោះស្រាយពាក់ព័ន្ធទៅនឹងសេដ្ឋកិច្ចច្រើនជាងនយោបាយ ដោយក្នុងនោះ សម្ដេចធិបតីក៏បានអញ្ជើញនៅក្នុងពិធីសម្ពោធបើកពិព័រណ៍ ចិន-អាស៊ាន​លើកទី២០ ក្រោមប្រធានបទ «រួមគ្នាកសាងសហគមន៍មួយប្រកបដោយភាព សុខដុម និងវាសនា​តែមួយ» ខណៈដែលកម្ពុជាក៏មាននាំយកផលិតផលរបស់កម្ពុជាទៅដាក់តាំងនៅទីផ្សារចិនផងដែរ។

ឯកឧត្តម ហ្សង់ ហ្វ្រង់ស្វ័រតាន់ រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកកិច្ចការបរទេស និងសហប្រតិបត្តិការអន្តរជាតិបានសង្ខេបពីដំណើរទស្សនៈកិច្ចរបស់នាយករដ្ឋមន្ត្រីកម្ពុជាថា ៖

«ជារួមទស្សនៈកិច្ច៤ថ្ងៃនេះ ភាគីទាំងសង​ខាង (កម្ពុជា-ចិន)មិនបានអង្គុយជជែកគ្នាលើរឿងនយោបាយនោះទេ សឹងថា ៧០% ជជែករួមគ្នាពីបញ្ហាសេដ្ឋកិច្ច ពាណិជ្ជកម្ម ក្នុងគោលដៅអនុញ្ញាតឱ្យប្រទេសកម្ពុជា និងចិនទាញយកប្រយោជន៍ទៅវិញទៅមក ដើម្បីនាំមកនូវឧត្តមប្រយោជន៍ជាតិសម្រាប់សាកល្បង ធ្វើឱ្យជីវភាពប្រជាជនកម្ពុជារីក​ចម្រើនទៅមុខ»។

ជាក់ស្ដែងការធ្វើទស្សនៈកិច្ចទៅកាន់តំបន់ខ្វាងស៊ីនេះ សុទ្ធតែផ្ដល់ផលប្រយោជន៍ផ្នែកសេដ្ឋកិច្ចដល់កម្ពុជា។ ផ្ដល់ផលដោយហេតុថា ត្រឹមតែតំបន់នេះមួយ មានប្រជាជនប្រមាណជា ៥៨ លាននាក់ ចំណែកឯ GDP នៃតំបន់នេះ មានទំហំ៥ដងលើសប្រទេសកម្ពុជា។ ទីផ្សារនៃតំបន់នេះទៀតសោត​មានទំហំ៣ដង ធំលើសទីផ្សារកម្ពុជា ម្លោះហើយទំនាក់ទំនងសហប្រតិបត្តិការរវាងតំបន់ និងកម្ពុជា​ក៏អាចហុច​ប្រយោជន៍មកឱ្យកម្ពុជាដែរ។

ម្យ៉ាងទៀត សមិទ្ធិផលដែលកម្ពុជាទទួលបាននៅក្រោយដំណើរទស្សនៈកិច្ចនេះគឺ ភាគីចិន-កម្ពុជា​បានចុះហត្ថលេខាលើឯកសារចំនួន ១៥ រួមមានឯកសារផែនការសកម្មភាពក្នុងការកសាង​សហគមន៍​វាសនារួមកម្ពុជាសម្រាប់២០២៤-២០២៨។ ដែលជារួមសុទ្ធសឹងជាគោលការណ៍ ដែលត្រូវផ្ដល់សន្ទុះដល់ទំនាក់ទំនងរវាងប្រទេសទាំងពីរឱ្យក្លាយទៅជាត្បូងពេជ្យពិតប្រាកដ។

ក្នុងនោះផងដែរ សម្ដេចធិបតី ហ៊ុន ម៉ាណែត និងគណៈប្រតិភូជាន់ខ្ពស់នៃកម្ពុជាក៏បានជួប​ក្រុមហ៊ុនខ្នាតយក្សមួយចំនួនដែលមានសាខានៅកម្ពុជាដូចជាក្រុមហ៊ុន Huawei ជាដើម។ ជាលទ្ធផល ក្រុមហ៊ុនទាំងនោះបានប្ដេជ្ញាក្នុងការសហការជាមួយរាជរដ្ឋាភិបាលកម្ពុជាដើម្បី​រួមចំណែកអភិវឌ្ឍន៍ហេដ្ឋារចនាសម្ព័ន្ធកម្ពុជាឱ្យកាន់តែរីកចម្រើន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ