សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សហគ្រិនខ្មែរ បានរៀបចំកម្មវិធីអភិវឌ្ឍន៍ទីផ្សារនាំចេញសម្រាប់សហគ្រាស។ កម្មវិធីនេះត្រូវបានប្រព្រឹត្ដទៅក្រោមអធិបតីភាព ឯកឧត្តមបណ្ឌិត ឈៀង វណ្ណមុនិណ្ឌ ប្រតិភូរាជរដ្ឋាភិបាលទទួលបន្ទុកជានាយកប្រតិបត្ដិ សហគ្រិនខ្មែរ។ កម្មវិធីអភិវឌ្ឍន៍ទីផ្សារនាំចេញសម្រាប់សហគ្រាស មានគោលបំណង់ផ្តល់ជូនសហគ្រាសនាំចេញ និង សហគ្រាសដែលមានបំណងនាំចេញនូវ ចំណេះដឹងបច្ចេកទេស ការត្រៀមខ្លួន និងហិរញ្ញប្បទាន គាំទ្រសម្រាប់វិស័យនាំចេញ។
កម្មវិធីនេះជាយន្ដការយុទ្ធសាស្រ្ដក្នុងការផ្សារភ្ជាប់សហគ្រាសជាមួយទីផ្សារអន្តរជាតិដោយបំពេញតម្រូវការរបស់ប្រតិបត្ដិករទីផ្សារ និងគុណភាពផលិតផលសម្រាប់ទីផ្សារអន្ដរជាតិ។ កម្មវិធីនេះ ជាជំហានបន្ទាប់ដើម្បីបំពេញបន្ថែមតម្រូវការរបស់សហគ្រាសលើ អនុលោមភាពស្ដង់ដារ បច្ចេកទេស ប្រសិទ្ធភាពផ្នែកភស្តុភារ ការគ្រប់គ្រងខ្សែសង្វាក់ផ្គត់ផ្គង់ និងនីតិវិធីនាំចេញ ដែលមានសក្ដានុពលក្នុងការពង្រីកទីផ្សារធំជាងមុន ដែលគាំទ្រជាថវិកាដោយ សហគ្រិនខ្មែរ និងអនុវត្តន៍ដោយ ក្រុមហ៊ុន Prince Labore Bureau។
ឯកឧត្តមបណ្ឌិត ឈៀង វណ្ណមុនិណ្ឌ មានប្រសាសន៍ថា ៖
«នៅក្នុងបរិបទសកលភាវូបនីយកម្ម, ការពង្រឹងសមត្ថភាពរបស់ សហគ្រាសធុនតូចនិងមធ្យមក្នុងស្រុកក្នុងការនាំចេញផលិតផលទៅទីផ្សារ អន្ដរជាតិ មានសារៈសំខាន់ ដើម្បីលើកកម្ពស់ភាពប្រកួតប្រជែង។ រាជរដ្ឋាភិបាល តាមរយៈសហគ្រិនខ្មែរ បានជួយគាំទ្រសហគ្រាសជាច្រើន ទាំងផ្នែកហិរញ្ញវត្ថុ និងបណ្ដាញ ទំនាក់ទំនងសម្រាប់ការអភិវឌ្ឍន៍ប្រតិបត្ដិការអាជីវកម្ម»។
កម្មវិធីនេះក៏មានការចូលរួមពីដៃគូពាក់ព័ន្ធដូចជា៖ សភាពាណិជ្ជកម្ម ដៃគូអភិវឌ្ឍន៍ សមាគមអាជីវកម្ម ធនាគារ គ្រឺះស្ថានមីក្រូហិរញ្ញវត្ថុ ក្រុមហ៊ុនដឹកជញ្ជូន ក្រុមហ៊ុនអនុលោមភាពស្តង់ដារ អ្នកនាំចេញ និងសហគ្រាសធុនតូច និងមធ្យម ជាច្រើនទៀត។ សហគ្រិនខ្មែរ ក៏មានកម្មវិធីគាំទ្រសហគ្រាសនាំចេញផ្សេងៗទៀត ដែលមានដូចជា កម្មវិធី កញ្ចប់ជំនួយថវិកាអភិវឌ្ឍន៍ទីផ្សារនាំចេញ, ការចូលរួមពិព័រណ៍អន្ដរជាតិ ជាមួយសមាគមអាជីវកម្ម នានា និងការសម្របសម្រួលប្រតិភូធុរកិច្ចអន្ដរជាតិមកកាន់ប្រទេសកម្ពុជា។
Account
Security
Favourite Content