សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ចំណេះដឹង ៖ Twitter Inc ជាក្រុមហ៊ុនបណ្តាញផ្សព្វផ្សាយសង្គមដ៏ធំមួយដែលបានបង្កើតឡើងកាលពីឆ្នាំ២០០៧ ហើយរហូតមកដល់សព្វថ្ងៃនេះមានអ្នកប្រើប្រាស់ជុំវិញពិភពលោករាប់សិបលាននាក់ ដោយបង្ហោះ tweets តាមគ្រប់ទម្រង់នៃប្រព័ន្ធផ្សព្វផ្សាយមិនថាជាសំណេរ រូបភាព ឬវីឌីអូនោះទេ។
Twitter ត្រូវបានគេស្គាល់ថាជាបណ្តាញសង្គមសម្រាប់ការផ្សព្វផ្សាយព័ត៌មានទាន់ហេតុការណ៍ពីអ្នកនយោបាយ និងក្រុមហ៊ុន ឬបុគ្គលល្បីៗ ដោយវាផ្តល់ជាវេទិកាសម្រាប់អ្នកប្រើប្រាស់រាប់លាននាក់ដើម្បីបណ្តុះគំនិតរបស់ពួកគេ ទំនាក់ទំនងគ្នា ចែករំលែកខ្លឹមសារ និងអានព័ត៌មានទាន់ហេតុការណ៍ជាដើម។
វេទិការបស់ Twitter ត្រូវបានដាក់ឲ្យប្រើប្រាស់ដោយឥតគិតថ្លៃ មិនថាសម្រាប់បុគ្គល ឬអាជីវកម្ម។ នៅពេលដែលអ្នកប្រើប្រាស់បានបង្កើតគណនីមួយ គេអាចបង្ហោះសារ (ឬហៅថា tweets) រហូតដល់ទៅ ២៨០ តួអក្សរ និងរហូតដល់ ២ ៤០០ ដងក្នុងមួយថ្ងៃ ដែលត្រូវបានចែកចាយដោយស្វ័យប្រវត្តិទៅកាន់អ្នកតាមដាន (ឬហៅថា Follower) ។ គេប្រើប្រាស់កម្មវិធី Twitter នេះដោយឥតគិតថ្លៃ តើក្រុមហ៊ុនបង្កើតកម្មវិធីនេះទទួលបានចំណូលតាមរបៀបណាទៅ?
នៅក្នុងឆ្នាំ២០២០ ក្រុមហ៊ុន Twitter បានរាយការណ៍ពីការខាតបង់ប្រាក់សុទ្ធចំនួន ១,១ពាន់លានដុល្លារ ដែលជាការផ្លាស់ប្តូរគួរឱ្យកត់សម្គាល់ពីប្រាក់ចំណូលសុទ្ធចំនួន ១,៥ ពាន់លានដុល្លារក្នុងឆ្នាំ២០១៩។ ការខាតបង់សុទ្ធក្នុងឆ្នាំ២០២០ ភាគច្រើនបណ្តាលមកពីការបង់ពន្ធប្រាក់ចំណូលលើទ្រព្យមិនមែនសាច់ប្រាក់ (non-cash )ចំនួន ១,១ ពាន់លានដុល្លារ។ ដូចគ្នានេះផងដែរ ប្រាក់ចំណូលសុទ្ធកាលពីឆ្នាំ២០១៩ ត្រូវបានបំប៉ោងមួយផ្នែកដោយអត្ថប្រយោជន៍នៃការមិនបានបង់ពន្ធប្រាក់ចំណូលលើទ្រព្យមិនមែនសាច់ប្រាក់(non-cash)ចំនួន ១,២១ ពាន់លានដុល្លារ។
ងាកទៅមើលចំណូលនៃក្រុមហ៊ុន Twitter នៅក្នុងរបាយការណ៍ហិរញ្ញវត្ថុ ក្រុមហ៊ុនបានបែងចែកចំណូលរបស់ខ្លួនជា២ប្រភេទ ៖ សេវាកម្មផ្សាយពាណិជ្ជកម្ម និងអាជ្ញាប័ណ្ណទិន្នន័យជាមួយនឹងចំណូលផ្សេងៗទៀត។ សេវាកម្មផ្សាយពាណិជ្ជកម្ម ក្រុមហ៊ុនរកប្រាក់ចំណូលបាន ៣,២ពាន់លានដុល្លារ ឬប្រហែល ៨៦ភាគរយនៃប្រាក់ចំណូលរបស់ Twitter ក្នុងឆ្នាំ២០២០។ ប្រាក់ចំណូលនៃផ្នែកនេះបានកើនឡើង ៧,១ភាគរយបើធៀបនឹងឆ្នាំ២០១៩។
ក្រុមហ៊ុនបង្កើតឱកាសផ្សាយពាណិជ្ជកម្មដោយប្រើ algorithm ដើម្បីធ្វើឱ្យសារបង្ហោះដែលត្រូវបានផ្សព្វផ្សាយចូលទៅកាន់អ្នកប្រើប្រាស់តាមពេលវេលាជាក់លាក់ណាមួយ ឬតាមតំបន់រស់នៅរបស់អ្នកប្រើប្រាស់។ អ្នកផ្សាយពាណិជ្ជកម្មក៏មានជម្រើសក្នុងការបង់ប្រាក់សម្រាប់ការផ្សាយពាណិជ្ជកម្មតាមវីដេអូដែលចែកចាយទៅកាន់ទស្សនិកជនគោលដៅ ឬឧបត្ថម្ភមាតិកាវីដេអូពីដៃគូផ្សព្វផ្សាយ។
ក្រៅពីចំណូលធំបានមកពីការលក់សេវាផ្សាយពាណិជ្ជកម្មប្រមាណជាជិត ១៤ភាគរយនៃប្រាក់ចំណូលសរុបរបស់ Twitter ក្នុងឆ្នាំ២០២០ (ឬស្មើនឹង ៥០៩ លានដុល្លារ) គឺបានមកពីការផ្តល់អាជ្ញាប័ណ្ណទិន្នន័យ និងប្រភពចំណូលផ្សេងទៀត។ ប្រាក់ចំណូលសម្រាប់ផ្នែកនេះក្នុងឆ្នាំ២០២០ បានកើនឡើង ៩,២ភាគរយបើប្រៀបធៀបទៅនឹងឆ្នាំ២០១៩។ ប្រភពចំណូលនេះរួមមានការលក់ទិន្នន័យសាធារណៈ លើសពីទិន្នន័យ API សាធារណៈរបស់ខ្លួនទៅឱ្យក្រុមហ៊ុន និងអ្នកអភិវឌ្ឍន៍។ គូសបញ្ជាក់ថា Twitter មានអ្នកប្រើប្រាស់សកម្មប្រចាំថ្ងៃចំនួន ១៩២ លាននាក់ ហើយ ៦៣ភាគរយនៃអ្នកប្រើប្រាស់ Twitter ទាំងអស់នៅទូទាំងពិភពលោកមានអាយុចន្លោះពី ៣៥ ទៅ ៦៥ ឆ្នាំ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អឺរ៉ុប ប្រឈមបញ្ហាផ្ទៃក្នុងធ្ងន់ធ្ងរ ពលរដ្ឋអស់ទំនុកចិត្ត ខណៈមេដឹកនាំធំៗបន្តដាក់អាទិភាពលើវិស័យយោធា
ព្រឹត្តិការណ៍, អាជីវកម្មថ្មី និងនវានុវត្ត
• 09/10/2026
បរទេស ៖ វិបត្តិដ៏ធ្ងន់ធ្ងរមួយកំពុងផ្ទុះឡើងយ៉ាងខ្លាំងនៅទូទាំងសហភាពអឺរ៉ុប តាមរយៈការតវ៉ាអំពីបញ្ហាប្រចាំថ្ងៃជាច្រើនរបស់ប្រជាពលរដ្ឋទូទៅ ខណៈដែលអាទិភាពភូមិសាស្ត្រនយោបាយបានបង្ខំឲ្យរដ្ឋាភិបាលរបស់ពួកគេបែរជាងាកទៅរកការត្រៀមខ្លួនដើម្បីធ្វើសង្គ្រាមទៅវិញ។ នៅក្នុងអត្ថបទវិភាគមួយដែលចេញផ្សាយដោយកាសែត RT បានសរសេរថា រាប់ចាប់ពីបញ្ហាហេដ្ឋារចនាសម្ព័ន្ធសាធារណៈ មានការទ្រុឌទ្រោម តម្លៃជីវភាពរស់នៅរបស់ពលរដ្ឋកើនឡើងកប់ពពក ហើយវិស័យឧស្សាហកម្មប្រឈមនឹងការកាត់បន្ថយយ៉ាងគំហុក ប៉ុន្តែមេដឹកនាំជាច្រើននៅទ្វីបនេះកំពុងបង្វែរធនធានរដ្ឋកាន់តែច្រើនឡើងទៅក្នុងកញ្ចប់ថវិកាការពារជាតិ ការបំពាក់អាវុធយោធាឡើងវិញ និងការត្រៀមខ្លួនផ្នែកសន្តិសុខ។ ការមើលរំលងបញ្ហាផ្ទៃក្នុងដែលកំពុងតែកើតមានកាន់តែធ្ងន់ធ្ងរ និងការបង្កើនកម្លាំងយោធាខាងក្រៅនេះបានគាស់រំលើងភាពវឹកវរជាសាធារណៈកាន់តែស៊ីជម្រៅនៅតាមបណ្តាតំបន់ទីប្រជុំជន និងទីក្រុងសំខាន់ៗនៅទូទាំងអឺរ៉ុបភាគខាងលិច។ ជាក់ស្តែង នៅក្នុងប្រទេសអេស្ប៉ាញ
សាខា ៤ ថ្មីបន្ថែមទៀតរបស់ អិលអូអិលស៊ី ត្រូវបានដាក់ឱ្យដំណើរការ «ឥណទានមាសកើនទ្រព្យ» ជាផ្លូវការ ដើម្បីបំពេញតម្រូវការសាច់ប្រាក់បន្ទាន់ជូនអតិថិជន
ព្រឹត្តិការណ៍, អត្ថបទពាណិជ្ជកម្ម
• 09/10/2026
ខេត្តកណ្តាល និងខេត្តកំពង់ស្ពឺ៖ ដើម្បីបន្តឆ្លើយតបទៅនឹងតម្រូវការហិរញ្ញវត្ថុរបស់អតិថិជនដែលរស់នៅតាមបណ្តាខេត្តនានា ក្រៅពីរាជធានីភ្នំពេញ ឱ្យទទួលបាននូវដំណោះស្រាយហិរញ្ញវត្ថុដែលមានភាពងាយស្រួលនិងមានសុវត្ថិភាព អិលអូអិលស៊ី បានដាក់ដំណើរការនូវផលិតផល «ឥណទានមាសកើនទ្រព្យ» នៅសាខាចំនួន ៤ បន្ថែមទៀត មានដូចជាសាខាក្រុងតាខ្មៅ – សង្កាត់រកាខ្ពស់ សាខាស្រុកកោះធំ – ឃុំព្រែកថ្មី សាខាស្រុកអង្គស្នួល – ឃុំបែកចាន
អាម៉េរិក-មីយ៉ាន់ម៉ា ចូលតុចរចាស្ងាត់ៗ ដើម្បីពិចារណាទណ្ឌកម្មឡើងវិញ ជាពិសេសកុងត្រារ៉ែកម្រ
ព្រឹត្តិការណ៍, អាជីវកម្មថ្មី និងនវានុវត្ត
• 09/10/2026
បរទេស ៖ រដ្ឋាភិបាលអាម៉េរិក កំពុងផ្លាស់ប្តូរនយោបាយរបស់ខ្លួនយ៉ាងស្ងៀមស្ងាត់ចំពោះប្រទេសមីយ៉ាន់ម៉ា ដោយជំនួសមកវិញនូវការផ្អាកទណ្ឌកម្មដែលខ្លួនបានដាក់ជាច្រើនឆ្នាំមកហើយនោះដើម្បីប្រាស្រ័យទាក់ទងដោយផ្ទាល់ និងពិចារណាឡើងវិញនូវការលើកលែងទណ្ឌកម្មទាំងនោះ។ នៅក្នុងអត្ថបទមួយដែលត្រូវបានចេញផ្សាយដោយ CNA នាពេលថ្មីៗនេះបានពន្យល់ថា មូលហេតុចម្បងនៅពីក្រោយការកែប្រែនយោបាយការទូតភ្លាមៗនេះ គឺដោយសារតែតម្រូវការបន្ទាន់របស់ទីក្រុងវ៉ាស៊ីនតោនក្នុងការទទួលបានសិទ្ធិចូលទៅកាន់ប្រភពធនធានរ៉ែកម្រ (Heavy Rare Earth Elements) ដ៏ច្រើនសន្ធឹកសន្ធាប់របស់មីយ៉ាន់ម៉ា ដែលជាវត្ថុធាតុដើមដ៏សំខាន់សម្រាប់ផលិតកម្មបច្ចេកវិទ្យា គ្រឿងអេឡិចត្រូនិក បរិក្ខាការពារជាតិ និងការផលិតយានយន្តអគ្គិសនី។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content