សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ រដ្ឋាភិបាល និងវិស័យឯកជន គ្រោងនឹងរៀបចំសិក្ខាសាលាមួយស្តីពី៖ «អត្ថប្រយោជន៍នៃការប្រើប្រាស់ស្លាកសញ្ញាស្ដង់ដារសម្រាប់ផលិតផល និងប្រព័ន្ធផលិតកម្ម» ក្នុងគោលបំណងផ្តល់ចំណេះដឹងដល់ម្ចាស់អាជីវកម្មអំពីនីតិវិធីក្នុងការប្រើប្រាស់ស្លាកសញ្ញាស្តង់ដារ និងការស្នើសុំហិរញ្ញប្បទាន ដោយម្ចាស់អាជីវកម្មទាំងអស់អាចចូលរួមដោយឥតគិតថ្លៃនៅក្នុងសិក្ខាសាលានារសៀលថ្ងៃទី១៩ ខែកុម្ភៈ ឆ្នាំ២០២៥ នៅមជ្ឈមណ្ឌលអភិវឌ្ឍធុរកិច្ច (ជាន់ទី១៥) តំបន់ជ្រោយចង្វារ ផ្លូវOIIC រាជធានីភ្នំពេញ។
សិក្ខាសាលានេះសហការរៀបចំដោយសភាពាណិជ្ជកម្មកម្ពុជា មូលនិធិអភិវឌ្ឍន៍ជំនាញ (SDF) និងមជ្ឈមណ្ឌលអភិវឌ្ឍធុរកិច្ច(BDC) ក្រោមការគាំទ្រដោយសហគ្រិនខ្មែរនៃក្រសួងឧស្សាហកម្ម វិទ្យាសាស្រ្ដ បច្ចេកវិទ្យា និងនវានុវត្តន៍។ សិក្ខាសាលា មានបទបង្ហាញជាច្រើន ដែលក្នុងនោះរួមមាន នីតិវិធីក្នុងការប្រើប្រាស់ស្លាកសញ្ញាស្ដង់ដារសម្រាប់ផលិតផល និងប្រព័ន្ធផលិតកម្មឱ្យបានត្រឹមត្រូវ និងការលើកទឹកចិត្តសម្រាប់ សហគ្រាសធុនតូច និងមធ្យមតាមរយៈការផ្ដល់ហិរញ្ញប្បទានសម្រាប់ការបណ្ដុះបណ្ដាលជំនាញ។
យោងសេចក្តីប្រកាសព័ត៌មានរបស់សភាពាណិជ្ជកម្មកម្ពុជា បានឱ្យដឹងថា៖ អត្ថប្រយោជន៍ដែលនឹងទទួលបានពីសិក្ខាសាលាគឺឱកាសចូលរួមក្នុងការប្រាស្រ័យទាក់ទងជាមួយអ្នកជំនាញដែលមកពីស្ថាប័នផ្សេងៗ បង្កើនឱកាសទំនាក់ទំនងជាមួយម្ចាស់អាជីវកម្មនានា និងយល់ដឹងអំពីនីតិវិធីក្នុងការប្រើប្រាស់ស្លាកសញ្ញាស្តង់ដារ និងការស្នើសុំហិរញ្ញប្បទាន៕
Account
Security
Favourite Content