សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បច្ចុប្បន្ននេះ ពិភពលោកចំពោះមុខ បញ្ហាកាកសំណល់ គឺជាវិបត្តិដ៏ធ្ងន់ធ្ងរ និងមានភាពខាតបង់ច្រើនចំពោះសេដ្ឋកិច្ចសកលដោយជារៀងរាល់ឆ្នាំសំរាមដល់ទៅ ២,០១ពាន់លានតោនត្រូវបានបោះបង់ចោល ខណៈដែលសំរាមមួយចំណែកតូចប៉ុណ្ណោះដែលត្រូវបានកែច្នៃប្រើប្រាស់ជាប្រយោជន៍ឡើងវិញ។
មនុស្ស គឺជាកត្តាជំរុញយ៉ាងសំខាន់ដែលធ្វើឲ្យទំហំនៃកាកសំណល់របស់សកលោកមានការកើនឡើងឥតឈប់ឈរដោយសារមនុស្សម្នាក់ៗជាមធ្យមបានបោះបង់ចោលកាកសំណល់ប្រមាណជា ០.៧៤គីឡូក្រាម ឬចន្លោះពី ០,១១ ទៅ ៤,៥៤គីឡូក្រាមក្នុងមួយថ្ងៃ។
យោងតាមតួលេខដែលបានបង្ហាញដោយអង្គការឃ្លាំមើលអន្តរជាតិនានាបានឲ្យដឹងថា ការគ្រប់គ្រងកាកសំណល់បានធ្វើឲ្យសេដ្ឋកិច្ចសកលបាត់បង់ថវិកាដល់ទៅរាប់ពាន់លានដុល្លារជារៀងរាល់ឆ្នាំ ជាក់ស្តែងឆ្នាំ២០២០ ការចំណាយមានទៅដល់ ១ ៦១២ពាន់លានដុល្លារ ហើយទំហំនេះនឹងអាចកើនឡើងទៅដល់ ២ ៤៨៣ពាន់លានដុល្លារនៅក្នុងឆ្នាំ២០៣០ ប្រសិនបើគ្មានសញ្ញាថមថយ ឬការទប់ស្តាត់ទេនោះ។
ជាមួយគ្នានេះ គំនិតផ្តួចផ្តើម 4R ឬ «៤ក» គឺជាអ្វីដែលត្រូវបានបង្កើតឡើងដើម្បីឲ្យពិភពលោកអាចទប់ស្កាត់ការកើនឡើងនៃកាកសំណល់តាមរយៈការទាញឲ្យមនុស្សគ្រប់គ្នាចូលរួមក្នុងយុទ្ធនាការដ៏មានប្រសិទ្ធភាពមួយនេះ។ ការចាប់ផ្តើមចេញពីបុគ្គលម្នាក់ៗនេះហើយដែលអាចនឹងធ្វើឲ្យសេដ្ឋកិច្ចសកលកាត់បន្ថយការចំណាយច្រើនហួសហេតុ ជាពិសេសនឹងធ្វើឲ្យមានផលប៉ះពាល់កាន់តែតិចចំពោះបរិស្ថានដែលអាចជួយដល់កិច្ចការងារកាត់បន្ថយបម្រែបម្រួលអាកាសធាតុរបស់ពិភពលោកយើងផងដែរ។
«៤ក» ឬ 4R គឺជាសកម្មភាពជំហ៊ានវិលជុំចំពោះបញ្ហាកាកសំណល់ដែលវាមានងាយស្រួលអនុវត្ត ដែលជាភាសាអង់គ្លេសហៅថា Refuse, Reduce, Reuse និង Recyle ខណៈដែលជាភាសាខ្មែររបស់យើងមានន័យថា ៖
ទី១ ៖ កុំប្រើប្រាស់ ផលិតផលប្លាស្ទិកដែលអាចប្រើប្រាស់បានតែម្តង
ទី២ ៖ កាត់បន្ថយ ការប្រើប្រាស់ផ្លាស្ទិកតាមរយៈសំភារៈគិតគូរពីបរិស្ថានវិញ
ទី៣ ៖ ការប្រើប្រាស់ សំភារៈពីប្លាស្ទិកឡើងវិញ
ទី៤ ៖ កែច្នៃ សំភារៈពីប្លាស្ទិក មនុស្សគ្រប់គ្នា រួមជាមួយនឹងគោលការណ៍ «៤ក» ពិតជាមានសរៈសំខាន់ណាស់សម្រាប់ការងារអភិវឌ្ឍប្រទេស និងជំរុញកំណើនសេដ្ឋកិច្ចសកលឡើងវិញ ហើយមិនត្រឹមតែប៉ុណ្ណោះតែ វាក៏ជាកិច្ចការងារចូលរួមចំណែកយ៉ាងសំខាន់ក្នុងការថែរក្សាបរិស្ថានជុំវិញខ្លួន នឹងអាចជួយឲ្យជីវិតមនុស្សទូទៅ ក៏ដូចជាកូនចៅជំនាន់ក្រោយកាន់តែមានភាពស្រស់បំព្រង៕
Account
Security
Favourite Content