សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ សមាគមមីក្រូហិរញ្ញវត្ថុកម្ពុជា (CMA) កាលពីថ្ងៃទី២៣ ខែធ្នូ ឆ្នាំ២០២៤ បានសហការជាមួយនឹងសាជីវកម្មហិរញ្ញវត្ថុអន្តរជាតិ (International Financial Cooperation – IFC) រៀបចំសិក្ខាសាលាអនឡាញដ៏សំខាន់មួយស្តីពី «ការអនុវត្តការប្រមូលល្អក្នុងការផ្តល់ឥណទានខ្នាតតូច៖ តុល្យភាពគោលដៅអាជីវកម្មជាមួយនឹងសុចរិតភាព»។
សិក្ខាសាលានេះមានគោលបំណងបង្កើនការយល់ដឹង និងពង្រឹងការអនុវត្តក្នុងការប្រមូលឥណទានប្រកបដោយក្រមសីលធម៌ និងប្រសិទ្ធភាពក្នុងវិស័យមីក្រូហិរញ្ញវត្ថុ និងឥណទានខ្នាតតូចនៅកម្ពុជា ខណៈពេលដែលរក្សានូវតុល្យភាពគោលដៅអាជីវកម្មជាមួយនឹងកិច្ចការពារអតិថិជនក៏ដូចជាជំរុញការផ្តល់ឥណទានប្រកបដោយនិរន្តរភាព និងទំនួលខុសត្រូវ។
ប្រធានបទសំខាន់ៗដែលបានលើកយកមកជជែកពិភាក្សាក្នុងកិច្ចប្រជុំរួមមាន៖ តួនាទីដ៏សំខាន់នៃការប្រមូលឥណទានខ្នាតតូចប្រកបដោយប្រសិទ្ធភាព, ការកំណត់ស្តង់ដារដ៏ល្អនៅក្នុងការប្រមូលឥណទានខ្នាតតូច, យុទ្ធសាស្ត្រអនុវត្តជោគជ័យ និងប្រមូលឥណទានប្រកបដោយក្រមសីលធម៌ ,ករណីសិក្សាលើការប្រមូលឥណទានល្អ និងមិនបានល្អ ។
សិក្ខាសាលាដដែលនេះបានផ្តោតលើសារៈសំខាន់នៃការចាត់ទុកអតិថិជនថា ជាដៃគូ ការជំរុញការជឿទុកចិត្ត និងការកំណត់អាទិភាពវិធីសាស្រ្តប្រមូលឥណទានប្រកបដោយក្រមសីលធម៌ ដើម្បីគាំទ្រដល់វឌ្ឍនភាពសេដ្ឋកិច្ច។
កិច្ចប្រជុំនេះដឹកនាំដោយ លោក សុខ វឿន អនុប្រធានក្រុមប្រឹក្សាភិបាល នៃសមាគមមីក្រូហិរញ្ញវត្ថុកម្ពុជា និងមានការចូលរួមពី លោក Jinchang Lai នាយកប្រតិបត្តិការមកពី IFC , លោកស្រី Pauline Tee ជាវាគ្មិនក្នុងកម្មវិធី ព្រមទាំងតំណាងគ្រឹះស្ថានសមាជិកសមាគមប្រមាណជិត ១០០នាក់ ដែលការចូលរួមទាំងនេះបានបង្ហាញពីការប្តេជ្ញាចិត្តរួមគ្នាក្នុងគោលដៅជំរុញប្រព័ន្ធអេកូឡូស៊ីហិរញ្ញវត្ថុឱ្យកាន់តែមានភាពរឹងមាំបន្ថែមទៀត៕
Account
Security
Favourite Content