សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងយុគសម័យឌីជីថល ប្រជាជនកម្ពុជា បាន និងកំពុងងាកទៅប្រើប្រាស់បច្ចេកវិទ្យាឌីជីថល ដើម្បីសម្រួលដល់ការរស់ប្រចាំថ្ងៃរបស់ខ្លួន ជាពិសេសគឺការប្រើប្រាស់ឌីជីថលប៊ែងឃីងក្នុងការទូទាត់តាមប្រព័ន្ធអនឡាញ ដែលអាចចំណេញទាំងពេលវេលា និងសន្សំសំចៃថវិកាទៀតផង។ ឃើញដូច្នេះ ធនាគារ ហត្ថាបានដាក់ចេញបច្ចេកវិទ្យាឌីជីថលចុងក្រោយបំផុតក្នុងការរចនាកម្មវិធីធនាគារចល័ត ឬកម្មវិធី Hattha Mobile ដែលអាចឱ្យអតិថិជនធ្វើប្រតិបត្តិការសាច់ប្រាក់ គ្រប់ពេលវេលា និងគ្រប់ទីកន្លែង តាមរយៈទូរសព្ទស្មាតហ្វូនរបស់ពួកគេ។
លោក យឹម ទិត្យា អគ្គនាយកឌីជីថល នៃធនាគារ ហត្ថា បានឱ្យដឹងថា បច្ចុប្បន្ន កម្មវិធី Hattha Mobile ត្រូវបានអភិវឌ្ឍន៍ដល់ជំនាន់ ៣.០ បន្ទាប់ពីធនាគារ ហត្ថា បានអភិវឌ្ឍន៍ជំនាន់ទី ១ និងទី ២ កន្លងមក ដោយ Hattha Mobile ជំនាន់មុនៗ ត្រូវបានអភិវឌ្ឍន៍ដោយធនធានក្រៅប្រទេស ប៉ុន្តែ Hattha Mobile ជំនាន់ចុងក្រោយនេះ ត្រូវបានអភិវឌ្ឍន៍ដោយកូនខែ្មរក្នុងស្រុកផ្ទាល់តែម្តង។
លោកបានថ្លែងបន្តថា ៖
“Hattha Mobile ជំនាន់ចុងក្រោយនេះ យើងទើបតែបញ្ចេញឱ្យប្រើប្រាស់នៅដើមខែមករា ឆ្នាំ២០២៣ នេះ ហើយ Hattha Mobile ជំនាន់ចុងក្រោយនេះ យើងងាយស្រួលគ្រប់គ្រង ដោយសារយើងអភិវឌ្ឍន៍វាដោយខ្លួនឯង។”
លោកបានឱ្យដឹងទៀតថា តាមពិតទៅ ធនាគារ ហត្ថា បានចាប់យកបច្ចេកវិទ្យាហិរញ្ញវត្ថុចាប់តាំងពីឆ្នាំ២០១២ ដែលពេលនោះ ខ្លួននៅជាគ្រឹះស្ថានមីក្រូហិរញ្ញវត្ថុនៅឡើយ ហើយនៅពេលគ្រឹះស្ថានបានប្រែក្លាយខ្លួនទៅជាធនាគារនៅឆ្នាំ២០២០ ធនាគារ ហត្ថា បានធ្វើបច្ចុប្បន្នភាពលើ Hattha Mobile របស់ខ្លួន មកជំនាន់ចុងក្រោយ ដែលយើងហៅថា ជំនាន់ ៣.០ អាចធ្វើឱ្យអតិថិជនកាន់តែមានភាពជិតស្និទ្ធជាមួយធនាគារ។
លោក យឹម ទិត្យា បានបញ្ជាក់ថា ៖
“នៅក្នុងសម័យកាលនេះ គឺសម័យកាលឌីជីថល យើងចង់ឱ្យអតិថិជនកាន់តែមានភាពជិតស្និទ្ធជាមួយធនាគារ ព្រោះនៅពេលគាត់មកកាន់សាខា គាត់ត្រូវចំណាយពេលច្រើន ប៉ុន្តែនៅពេលមានកម្មវិធី Hattha Mobile អតិថិជននឹងទទួលបានសេវាកម្មជាច្រើននៅកម្មវិធីផ្ទាល់ រាប់ចាប់តាំងពីការទូទាត់ និងការស្កែន KH QR Code ជាដើម។ កម្មវិធី Hattha Mobile ជំនាន់ចុងក្រោយនេះ គឺត្រូវបានអភិវឌ្ឍ និងធ្វើបច្ចុប្បន្នភាពដោយផ្តោតលើសុវត្ថិភាព និងឯកជនភាពសម្រាប់អតិថិជន។”
សូមបញ្ជាក់ផងដែរថា ធនាគារ ហត្ថា ប្រើប្រាស់បច្ចេកវិទ្យាឌីជីថលចុងក្រោយបំផុតក្នុងការរចនាកម្មវិធីធនាគារចល័ត ដែលអាចឱ្យអតិថិជនធ្វើប្រតិបត្តិការសាច់ប្រាក់បានគ្រប់ពេលវេលា និងគ្រប់ទីកន្លែង តាមរយៈទូរសព្ទស្មាតហ្វូនរបស់ពួកគេ។ កម្មវិធី Hattha Mobile នាំមកនូវបទពិសោធនៃការប្រើប្រាស់ដ៏ងាយស្រួលដែលអនុញ្ញាតឱ្យអតិថិជនកំណត់មុខងារកម្មវិធីតាមតម្រូវការផ្ទាល់ខ្លួន ហើយថែមទាំងផ្ដល់ជូនមុខងារយ៉ាងសម្បូរបែបសម្រាប់ការគ្រប់គ្រងសាច់ប្រាក់ប្រកបដោយប្រសិទ្ធភាព និងសុវត្ថិភាពកម្រិតខ្ពស់ ដែលនាំមកនូវសុវត្ថិភាពផ្លូវចិត្ត និងភាពរីករាយក្នុងការប្រើប្រាស់មុខងារទាំងអស់នោះដោយឥតគិតថ្លៃ។ តាមរយៈកម្មវិធី Hattha Mobile អតិថិជនអាចប្រើប្រាស់សេវាធនាគារសំខាន់ៗ ដូចជា ត្រួតពិនិត្យសមតុល្យគណនី ទាញយកនិងព្រីនរបាយការណ៍គណនី ផ្ទេរប្រាក់ (ទៅកាន់គណនីធនាគារ ហត្ថា ដូចគ្នា ឬ ធនាគារដទៃ) ផ្ទេរប្រាក់ទៅកាន់ម៉ាស៊ីនអេធីអឹម បញ្ចូលលុយទូរសព្ទ បង់វិក្កយបត្រ ទូទាត់ចំណាយតាម KHQR មុខងារ KHQR ID និងមុខងារសំខាន់ៗជាច្រើនទៀត៕
Account
Security
Favourite Content