សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្រុមហ៊ុនអ្នកជំនាញផលិតសព្វាវុធដែលមានមូលដ្ឋាននៅក្នុងទីក្រុងឡុង ចក្រភពអង់គ្លេស (BAE Systems) ថ្មីៗនេះបានប្រកាសថា នឹងទទួលបានការបញ្ជាទិញរថពាសដែកប្រភេទ CV90 សរុបប្រមាណជាជិត២០០០គ្រឿងពីបណ្តាប្រទេសនៅក្នុងតំបន់អឺរ៉ុបចំនួន៦ ដែលក្នុងនោះក៏មានស៊ុយអែតផងដែរ។
ប្រធានផ្នែកអភិវឌ្ឍអាជីវកម្មរបស់ក្រុមហ៊ុន BAE Systems តំណាងឲ្យក្រុមហ៊ុនបុត្រសម្ព័ន្ធនៅក្នុងប្រទេសស៊ុយអែត លោក Peter Nygren បានបញ្ជាក់ថា នៅក្នុងត្រីមាសទី២ ឆ្នាំ២០២៦ខាងមុខនេះ កិច្ចព្រមព្រៀងទិញ- លក់នឹងត្រូវធ្វើឡើងជាផ្លូវការ។ បើមិនមានអ្វីប្រែប្រួលទេ កុងត្រានឹងត្រូវចុះហត្ថលេខានៅខែមិថុនាឆ្នាំក្រោយ ដើម្បីបញ្ជាទិញរថពាសដែក CV90 បន្ថែមប្រមាណជា៦០០គ្រឿងទៀត ខណៈដែលកន្លងមក រថពាសដែកប្រមាណជា១៣០០គ្រឿងត្រូវបាន BAE ប្រគល់ជូនរួចរាល់។
លោក Nygren បានបញ្ជាក់បន្ថែមថា ប្រទេសដែលបានចុះឈ្មោះបញ្ជាទិញទាំងនោះរួមមានដូចជា ប្រទេសហ្វាំងឡង់ ណ័រវេស លីទុយអេនី អេស្តូនី ហូឡង់ និងស៊ុយអែត។ សមាជិករបស់អឺរ៉ុបទាំង៦ប្រទេសនេះបានព្រមព្រៀងគ្នាក្នុងការបញ្ជាទិញម៉ូដេល CV90 ដែលស្ថិតនៅក្នុងស្តង់ដារួមគ្នាមួយ។
បុត្រសម្ព័ន្ធរបស់ BAE System ប្រចាំនៅប្រទេសស៊ុយអែតបានអះអាងថា មកដល់ពេលនេះ ក្រុមហ៊ុននៅបន្តរង់ចាំសំណើសុំស្តង់ដាពីសំណាក់ប្រទេសទាំង៦នៅឡើយ ហើយសង្ឃឹមថានឹងអាចទទួលបាននៅក្នុងរយៈពេលប៉ុន្មានសប្តាហ៍ខាងមុខនេះ ខណៈដែលបច្ចុប្បន្ននេះ មានត្រឹម ៣ប្រទេសប៉ុណ្ណោះ ដែលបានគូសបញ្ជាក់អំពីមុខងារ និងលក្ខខណ្ឌសំខាន់ៗមួយចំនួនដែលពួកគេចង់បានពី CV90។
គួរឲ្យដឹងដែរថា តម្លៃរបស់ CV90 បច្ចុប្បន្នគឺអាស្រ័យទៅលើម៉ូដេលនីមួយៗដែលបានរចនាឡើងសម្រាប់អតិថិជនផ្សេងៗគ្នា ជាក់ស្តែងកន្លងមក រថពាសដែកដែល BAE លក់ទៅឲ្យប្រទេសឆេក ដាណឺម៉ាកនិងស៊ុយអែត អាចមានតម្លៃជាមធ្យមមានប្រមាណជា ៩,៥លានដុល្លារ ទៅ ១៣លានដុល្លារក្នុងមួយគ្រឿង។
ដោយឡែក សម្រាប់ម៉ូដេល CV90 ជំនាន់ទី៤ ដែលជាជំនាន់ចុងក្រោយអាចមានទំងន់ផ្ទុកសរុបដល់ទៅ ៤១តោន ប៉ុន្តែយ៉ាងណាក្តី ម៉ូដេលជាច្រើនផ្សេងទៀតមានលក្ខខណៈខុសៗគ្នា អាស្រ័យទៅតាមអតិថិជនដែលកំពុងប្រើប្រាស់ និងអតិថិជនដែលកំពុងបញ្ជាទិញ មានសរុបប្រមាណជា ១០ប្រទេសមកហើយនៅទូទាំងទ្វីបអឺរ៉ុប៕
Account
Security
Favourite Content