សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
តាមផែនការ និងការប្តេជ្ញាចិត្តធ្វើឲ្យគ្មានការបំពុលបរិស្ថាន ឬ Net Zero របស់សកលលោកបានកើនឡើងដល់ទៅ២០០ភាគរយនៅតាមបណ្តាប្រទេសនានាលើសកលលោកចន្លោះពីឆ្នាំ២០១៩ ដល់ ឆ្នាំ២០២០ ប៉ុន្តែយោងតាមការស្រាវជ្រាវ និងចេញផ្សាយដោយ BAIN បានឲ្យដឹងថា ក្នុងនោះមានមិនដល់ពាក់កណ្តាលនៃផែនការផងដែលកំពុងស្ថិតនៅលើដំណើរឆ្ពោះទៅរកគោលដៅ។
ជាផ្នែកមួយដ៏សំខាន់នៃការកាត់បន្ថយការបំពុលបរិស្ថាន គឺជាការកាត់បន្ថយឧស្ម័នកាបូនិច ឬយើងហៅថាធម្មតាថាជាកាបូនដែលបច្ចុប្បន្នក៏កំពុងមានឈ្មោះជាទីផ្សារដ៏មានសក្តានុពលខ្លាំង ពីព្រោះថាកាបូនអាចយកទៅធ្វើការជួញដូរបានដោយសារតែកាបូនអាចយកទៅផលិតបានជាផលិតផលជាច្រើនប្រភេទសម្រាប់ការប្រើប្រាស់ប្រចាំថ្ងៃជាច្រើនបូករួមតាំងពីសម្លៀកបំពាក់ គ្រឿងសិង្ហារឹម ប្លាស្ទិក និងគ្រឿងម៉ាស៊ីនផ្សេងទៀតផងដែរ។
តើគេអាចទាញយកកាបូនដោយវិធីសាស្ត្រណាខ្លះ?
វិធីសាស្ត្រទាញយកកាបូនអាចនិយាយបានថា ជាការងាយស្រួល ប៉ុន្តែចាំបាច់ត្រូវការចូលរួមសហការពីភាគីទាំងរដ្ឋ និងឯកជន។
វិធីទី១ គេអាចទាញយកកាបូនបានគឺជាការបង្កើនស្តុកកាបូននៅក្នុងប្រព័ន្ធអេកូឡូស៊ីតាមរយៈការដាំដើមឈើឲ្យបានកាន់តែច្រើនឡើងពីព្រោះថាកាបូននឹងត្រូវស្រូបយកពីបរិយាកាសចូលទៅក្នុងដី។
វិធីទី២ គេអាចធ្វើការស្តុកកាបូនបានដោយការប្រើប្រាស់បច្ចេកវិទ្យា Direct Air Capture (DAC) ឬការទាញយកដោយផ្ទាល់ពីបរិយាកាសហើយបញ្ជូនវាទៅស្តុកទុកនៅក្នុងឃ្លាំងក្រោមដីដើម្បីអាចទាញវាទៅជាវត្ថុធាតុដើមសម្រាប់ផលិតនូវផលិតផលផ្សេងៗបាន។
The Bain បានចេញផ្សាយថា មកដល់ពេលនេះទីផ្សារជួញដូរកាបូននៅក្នុងតំបន់អាស៊ីអាគ្នេយ៍គឺជាទីផ្សារដ៏មានសក្តានុពល និងគួរឲ្យវិនិយោគបំផុតពាក់ព័ន្ធទៅនឹងការកសាងប្រព័ន្ធស្តុកកាបូន ខណៈដែលទីផ្សារសកលលោកកំពុងមានតម្រូវការខ្លាំងបែបនេះ។ គេជឿជាក់ថា នៅត្រឹមឆ្នាំ២០៣០ ទីផ្សារកាបូនក្នុងតំបន់នឹងអាចទទួលបានចំណូលពីការទាញយកកាបូននេះយ៉ាងហោចណាស់ ១០ពាន់លានដុល្លារ ជារៀងរាល់ឆ្នាំជាមិនខាន។ ទីផ្សារកាបូនស្ម័គ្រចិត្ត គឺជាទីផ្សារដែលមានឱកាសច្រើនជាងគេក្នុងការទាញយកចំណូលបានយ៉ាងច្រើនជាពីការជួញដូរកាបូនដែលបច្ចុប្បន្នគេបានដឹងថាតម្លៃជាមធ្យមរបស់កាបូនក្នុងមួយតោនអាចលក់បានក្នុងតម្លៃប្រមាណជា ៣ដុល្លារអាមេរិក ហើយរំពឹងទុកថានឹងត្រឹមឆ្នាំ២០៣០ខាងមុខនេះតម្លៃវានឹងកើនឡើងទៅដល់១៧ដុល្លារក្នុងមួយតោន ប៉ុន្តែបើយោងតាមកិច្ចព្រមព្រៀងស្តីពីបញ្ហាបម្រែមប្រួលអាកាសធាតុនៅទីក្រុងប៉ារីសវិញ តម្លៃកាបូននឹងអាចមានតម្លៃរហូតទៅដល់៥០ដុល្លារក្នុងមួយតោន៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ប៉ង់តាហ្គោន ផ្តល់កុងត្រាតម្លៃ២៥០លានដុល្លារឲ្យទៅ Anduril ទិញប្រព័ន្ធស្ទាក់ចាប់ដ្រូនរាប់រយគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/10/2024
Roadrunner ជាប្រព័ន្ធអាវុធអាចបំផ្ទុះបំផ្លាញដ្រូនគ្រប់ប្រភេទមានប្រសិទ្ធភាពខ្ពស់និងបច្ចេកវិទ្យាចុងក្រោយបំផុតរបស់ Anduril ដែលទើបតែបានដាក់បង្ហាញខ្លួនជាផ្លុវការកាលពីខែធ្នូឆ្នាំទៅប៉ុណ្ណោះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content