សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមការចេញផ្សាយរបស់ទូរទស្សន៍ BBC បានឲ្យដឹងថា ទីផ្សារប្តូរលុយអេឡិចត្រូនិកដ៏ល្បី និងនាំមុខគេបំផុតរបស់ជប៉ុនដែលមានឈ្មោះថា Liquid ត្រូវបានគេរាយការណ៍ថាបានទទួលរងការវាយប្រហារពីសំណាក់ក្រុម hackers មួយក្រុម ហើយប្រមូលយកប្រាក់បានរហូតទៅដល់ជិត១០០លានដុល្លារអាមេរិក។
ហេតុការណ៍នេះត្រូវបានគេចាត់ទុកថាជាព្រឹត្តិការណ៍លួចលុយអេឡិចត្រូនិកធំបំផុតលើកទី២ហើយក្នុងរយៈពេលតែប៉ុន្មានថ្ងៃនេះប៉ុណ្ណោះដោយកាលពីសប្តាហ៍មុនលុយអេឡិចត្រូនិកដែលមានទំហំប្រមាណជា ៦០០លានដុល្លារត្រូវបានលួចចេញពីបណ្តាញ Network របស់ Poly Network រួចម្តងហើយដែរ។
នៅក្នុងសេចក្តីថ្លែងការណ៍មួយដែលបានធ្វើឡើងដោយ Liquid បានបញ្ជាក់ទៀតថា ដោយសារតែបញ្ហានេះ បច្ចុប្បន្នខ្លួនកំពុងចាប់ផ្តើមផ្លាស់យកលុយអេឡិចត្រូនិកទាំងអស់នោះចេញពី Warm Wallets ផ្ទេរចូលទៅក្នុងគណនេយ្យ Cold Wallets បណ្តោះអាសន្ន ដើម្បីធានាឲ្យបាននូវសុវត្ថិភាព។
គួរឲ្យដឹងដែរថា Warm ឬ Hot Wallets គឺសំដៅទៅលើរបៀបនៃកិច្ចដំណើរការចូលទៅដល់គណនេយ្យរបស់អ្នកប្រើប្រាស់លុយអេឡិចត្រូនិកកាន់តែងាយស្រួល ឬអនឡាញ ខណៈដែលពាក្យថា Cold Wallets គឺជាវិធី និងទីកន្លែងរក្សាគណនេយ្យលុយអេឡិចត្រូនិកដោយមិនមានអនឡាញឡើយ ឬហៅថា Offline ដែលវាជាទូទៅគឺមានសុវត្ថិភាព១០០ភាគរយ និងខ្ពស់បំផុតពីការក្លែងបន្លំ និងលួច។
ក្រុមហ៊ុនអ្នកប្រឹក្សា និងវិភាគ blockchain ដែលមានឈ្មោះថា Elliptic បាននិយាយថា តាមរយៈការស្រាវជ្រាវរបស់ខ្លួនបានរកឃើញថាគណនេយ្យសាច់ប្រាក់ជាលុយអេឡិចត្រូនិកប្រមាណជា ៩៧លានដុល្លារ ត្រូវបាន hackers លួចយកទៅ ហើយភាគច្រើនគឺជាលុយអេឡិចត្រូនិករបស់ BitCoin និង Ethereum។
មកដល់ពេលនេះ Liquid កំពុងធ្វើការយ៉ាងមមាញឹកបំផុតដើម្បីតាមដានសកម្មភាពរបស់គណនេយ្យទាំងនោះ ហើយក៏កំពុងធ្វើការងារយ៉ាងកៀកកិតជាមួយនឹងក្រុមហ៊ុនដោះដូរលុយអេឡិចត្រូនិកផ្សេងទៀត ដើម្បីអាចបង្កក និងរារាំងដំណើរការផ្ទេរ ការដោះដូរលុយដោយក្រុម hackers ផងដែរ។
គួរឲ្យដឹងដែរថា Liquid ជាក្រុមហ៊ុនដែលបានបង្កើតឡើងតាំងតែពីឆ្នាំ២០១៤ មានអតិថិជនមកពីជុំវិញប្រទេសជាង១០០ប្រទេស និងមានចំនួនអតិថិជនរាប់សិបលាននាក់ផងដែរ ហើយក៏ជាក្រុមហ៊ុនស្ថិតនៅក្នុងចំណោមទីផ្សារដោះដូរលុយអេឡិចត្រូនិកធំបំផុតទាំង២០របស់ពិភពលោកដោយមាន CoinMarketCap Data ផងដែរ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋាភិបាលសម្រេចបង្កើតក្រុមការងារហិរញ្ញវត្ថុបៃតង ដើម្បីរៀបចំគោនយោបាយ និងយុទ្ធសាស្ត្រអភិវឌ្ឍន៍ជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 20/08/2026
រាជរដ្ឋាភិបាល បានសម្រេចបង្កើតក្រុមការងារហិរញ្ញវត្ថុបៃតង ក្នុងគោលបំណងដើម្បីចូលរួមរៀបចំគោលនយោបាយ យុទ្ធសាស្ត្រ និងវិធានការកៀរគរហិរញ្ញវត្ថុបៃតង សម្រា់បគាំទ្រដល់គោលដៅអភិវឌ្ឍន៍ប្រកបដោយចីរភាពរបស់រាជរដ្ឋាភិបាល
ក្រសួងនិងស្ថាប័នចំនួន៤ បានរួមគ្នាពង្រឹងការការពារបរិស្ថាន និងការរស់នៅប្រកបដោយចីរភាពនៅកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត
• 20/08/2026
អនុស្សរណៈនៃការយោគយល់គ្នា រវាងក្រសួងបរិស្ថាន ជាមួយអាជ្ញាធរមីន ជាមួយក្រសួងធនធានទឹកនិងឧតុនិយម និងក្រសួងធម្មការនិងសាសនា ត្រូវបានចុះហត្ថលេខារួមគ្នា
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content