សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការអភិវឌ្ឍអគារបៃតងនៅក្នុងប្រទេសកម្ពុជានាពេលបច្ចុប្បន្ននេះ ត្រូវបានសង្កេតឃើញថាមានចំនួនតិចតួចនៅឡើយ ខណៈអ្នកជំនាញបានសិក្សាឃើញថាការអភិវឌ្ឍអគារប្រភេទនេះនឹងផ្ដល់អត្ថប្រយោជន៍ខ្ពស់ដល់អ្នកអភិវឌ្ឍន៍ និងសង្គមជាតិទាំងមូល ។
លោក ស៊ីម បូវិសាល ទីប្រឹក្សាសមាគមអ្នកផ្ដល់ប្រឹក្សាសំណង់អគារបៃតងកម្ពុជាបានប្រាប់ AMS តាមទូរសព្ទឱ្យដឹងថា ការអភិវឌ្ឍអគារបៃតងពិតជាអាចផ្តល់នូវភាពល្អប្រសើរដល់បរិស្ថាន និងសង្គម ដែលអាចផ្តល់ផាសុកភាពដល់អ្នករស់នៅក្នុងតួអគារ ក៏ដូចជាបានចូលរួមកាត់បន្ថយការបម្រែបម្រួលអាកាសធាតុផងដែរ ប៉ុន្តែអ្វីដែលសំខាន់គឺក្រុមអ្នកអភិវឌ្ឍន៍អាចខ្វះជំនាញផ្នែកសាងសង់ និងត្រូវចំណាយទុនច្រើន ។
លោកបានបន្តថា ៖ វត្តមាននៃអគារបៃតងពិតជាបានចូលរួមជាមួយសង្គមក្នុងការថែរក្សាបរិស្ថាន និងផ្តល់ផាសុកភាពខ្ពស់ដល់អ្នកស្នាក់នៅ ប៉ុន្តែការសាងសង់អគារបៃតងបែបនេះត្រូវចំណាយថ្លៃដើមខ្ពស់បើធៀបនឹងការសាងសង់អគារធម្មតា ដូច្នេះអ្នកអភិវឌ្ឍន៍មួយចំនួនធំមិនបានគិតពីផលប៉ះពាល់នៅពេលអនាគតនោះទេ គឺគេគិតតែផលចំណេញនៅពេលបច្ចុប្បន្នតែប៉ុណ្ណោះ។ ម៉្យាងទៀត នៅក្នុងប្រទេសកម្ពុជាធនធានមនុស្សលើជំនាញនេះក៏មានតិចតួច និងទាមទារឱ្យមានការអភិវឌ្ឍធនធានមនុស្សកាន់តែច្រើនបន្ថែមទៀត»។
លោកបានថា ៖
“ការសាងសង់អគារបៃតងមិនមែនសំដៅលើការសាងសង់ហើយដាំដើមឈើធ្វើឱ្យអគារនោះក្លាយជាពណ៌បៃតងនោះទេ ពោលគឺការសាងសង់ត្រូវគិតតាំងពីដំបូងម្ល៉េះ ។ គេគិតទៅលើវត្ថុធាតុដើមដែលយកមកសង់អគារនោះ វាបានប៉ះពាល់បរិស្ថានដែរ ឬអត់ ធ្វើឱ្យមានបម្រែបម្រួលអាកាសធាតុដែរឬទេ ហើយនៅពេលដែលវាយកំទេចចោល តើវានឹងមានផលប៉ះពាល់ដែរទេ ។ ទាំងអស់នេះហើយដែលធ្វើឱ្យអ្នកអភិវឌ្ឍន៍មួយចំនួនមិនសាងសង់អគារបៃតង”
ជាមួយនឹងការលើកឡើងខាងលើនេះ លោក វិសាល បានពន្យល់ឱ្យដឹងថា តាមពិតទៅការសាងសង់អគារបៃតង ថ្វីត្បិតតែវាត្រូវការចំណាយច្រើន និងពិបាកក្នុងការសាងសង់ ប៉ុន្តែអគារបៃតងនេះបានផ្ដល់នូវគុណសម្បត្តិច្រើនដល់ភពផែនដី ដូចជា ជួយទប់ស្កាត់ការបំពុលបរិយាកាសតាមរយៈការកាត់បន្ថយការប្រើប្រាស់ថាមពលនៅក្នុងអគារ ដោយមិនប្រើម៉ាស៊ីនត្រជាក់ជាដើម ហើយអគារនេះនឹងជួយឱ្យបរិយាកាសនៅតែមានស្ថានភាពល្អ ជាពិសេសអ្នកធ្វើការនៅក្នុងអគារនោះទទួលបានផាសុកភាពថែមទៀតផង ខណៈដែលម្ចាស់អគារក៏នឹងទទួលបានប្រាក់ចំណូលបន្ថែមដោយសារតែតម្លៃជួលនៅក្នុងអគារបៃតងនឹងមានតម្លៃខ្ពស់ជាងអគារធម្មតា។
យ៉ាងណាក៏ដោយ អ្នកជំនាញរូបនេះក៏បានស្នើដល់រាជរដ្ឋាភិបាលជួយលើកទឹកចិត្តដល់អ្នកអភិវឌ្ឍន៍អគារបៃតងនៅក្នុងប្រទេសកម្ពុជា ដោយការកាត់បន្ថយការយកពន្ធលើអគារនេះ ឬតាមរយៈមធ្យោបាយផ្សេងទៀត ដែលធ្វើយ៉ាងណាឱ្យមានការអភិវឌ្ឍអគារបៃតងនៅក្នុងប្រទេសកម្ពុជាកាន់តែច្រើន៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content