សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី Al Jazeera បានរាយការណ៍ថា ធនាគារកណ្តាលរបស់ចិនបានកាត់បន្ថយអត្រាការប្រាក់គោលសំខាន់មួយ ដើម្បីទប់ទល់ទៅនឹងការធ្លាក់ចុះកំណើនក្រោយការរាតត្បាតនៃកូវីដ-១៩។
កាលពីថ្ងៃចន្ទកន្លងទៅនេះ ធនាគារកណ្តាលចិន People’s Bank of China (PBOC) បានកាត់បន្ថយអត្រាការប្រាក់កម្ចីគោលសម្រាប់សាជីវកម្មក្នុងរយៈពេលមួយឆ្នាំពី ៣,៥៥ ភាគរយមកត្រឹម ៣,៤៥ ភាគរយ។ ទន្ទឹមនឹងនេះ អត្រាប្រាក់កម្ចីប្រចាំឆ្នាំ (LPR) រយៈពេលប្រាំឆ្នាំដែលប្រើសម្រាប់គណនាអត្រាប្រាក់កម្ចីទិញផ្ទះ មានស្ថិរភាពនៅ ៤,២ ភាគរយ។
លើសពីនេះ ការធ្លាក់ចុះនៃតម្រូវការទំនិញរបស់ចិនដែលបណ្តាលមកពីទស្សនវិស័យសេដ្ឋកិច្ចពិភពលោកមិនច្បាស់លាស់ បញ្ហាក្នុងស្រុក ការដួលរលំនៃទីផ្សារអចលនទ្រព្យ និងអត្រាកំណើតទាបបានរារាំងដល់ការស្ទុះងើបឡើងវិញក្រោយកូវីដ-១៩ របស់ប្រទេសចិន។ បន្ទាប់ពីក្រុមហ៊ុនអចលនៈទ្រព្យធំទីពីររបស់ចិន Evergrande ជាប់បំណុលគេជាង ៣០០ ពាន់លានដុល្លារក្នុងឆ្នាំ ២០២១ បានធ្វើឲ្យមានការព្រួយបារម្ភកាន់តែខ្លាំងឡើងអំពីការរីករាលដាលនៃបញ្ហាក្នុងប្រព័ន្ធហិរញ្ញវត្ថុចិន ដោយសារក្រុមហ៊ុនអចលនៈទ្រព្យយក្ស Country Garden អាចនឹងជួបបញ្ហាដូចនឹង Evergrande ដែរ។ កាលពីសប្តាហ៍មុន ចិនក៏បានប្រកាសដែរថា ខ្លួននឹងមិនបញ្ចេញព័ត៌មានលម្អិតនៃតួលេខយុវជនអត់ការងារធ្វើទៀតទេ បន្ទាប់ពីអត្រាគ្មានការងារធ្វើបានកើនឡើងដល់ ២១,៣ ភាគរយកាលពីខែមិថុនាកន្លងទៅនេះ។
ទោះជាយ៉ាងណាក្តី អ្នកវិភាគទីផ្សារមួយចំនួនមានការខកចិត្តចំពោះការធ្លាក់ចុះនៃអត្រាការប្រាក់ ដោយសារពួកគេសង្ឃឹមថានឹងមានសកម្មភាពដ៏ខ្លាំងក្លាបន្ថែមទៀត ដើម្បីជំរុញកំណើនសេដ្ឋកិច្ច។ កាលពីថ្ងៃចន្ទដដែលនោះ ទីផ្សារហ៊ុនទីក្រុងសៀងហៃធ្លាក់ចុះ ០,៦ ភាគរយ ខណៈដែលភាគហ៊ុនរបស់ហុងកុងធ្លាក់ចុះ ១,៤ ភាគរយ។ លោក Masayuki Kichikawa ប្រធានអ្នកយុទ្ធសាស្រ្តម៉ាក្រូសេដ្ឋកិច្ចនៅក្រុមហ៊ុន Sumitomo Mitsui DS Asset Management បាននិយាយថា ចិនប្រហែលជាបានកំណត់ទំហំនៃការកាត់បន្ថយអត្រាការប្រាក់រួចហើយ ពីព្រោះពួកគេព្រួយបារម្ភអំពីការធ្លាក់ចុះតម្លៃប្រាក់យ័ន។ លោក Maggie Wei សេដ្ឋវិទូមកពី Goldman Sachs និយាយដែរថា ការផ្លាស់ប្តូរអាចនឹងផ្ទុយពីការរំពឺងទុក ប្រសិនបើអ្នកចូលរួមទីផ្សារយល់ឃើញថា វិធានការបន្ធូរបន្ថយទាំងនេះមិនមានកិច្ចខិតខំប្រឹងប្រែងគ្រប់គ្រាន់ពីអ្នកបង្កើតគោលនយោបាយ៕
Account
Security
Favourite Content