កម្ពុជា-ឥណ្ឌូណេស៊ីនឹងបន្តពង្រឹងកិច្ចសហប្រតិបត្តិការលើការអភិវឌ្ឍវិស័យធនាគារនៃប្រទេសទាំងពីរ

ភ្នំ​ពេញ ៖ ធនាគារជាតិនៃកម្ពុជា និងធនាគារកណ្តាលឥណ្ឌូណេស៊ី គ្រោងចុះអនុស្សរណៈយោគយល់ទ្វេភាគីក្នុងឆ្នាំ២០២៤នេះ ដើម្បីបន្តពង្រឹងកិច្ចសហប្រតិបត្តិការបន្ថែមទៀត ជាពិសេសលើការពង្រឹងការអភិវឌ្ឍវិស័យធនាគារនៃប្រទេសទាំងពីរ និងការតភ្ជាប់ប្រព័ន្ធទូទាត់ទ្វេភាគី។

គម្រោងចុះអនុស្សរណៈយោគយល់ទ្វេភាគីនេះ ត្រូវបានលើកឡើងក្នុងជំនួបពិភាក្សាការងាររវាងលោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា និងឯកឧត្តម Santo Darmosumarto ឯកអគ្គរដ្ឋទូតវិសាមញ និងពេញសមត្ថភាពនៃសាធារណរដ្ឋឥណ្ឌូណេស៊ី ប្រចាំព្រះរាជាណាចក្រកម្ពុជា កាលនារសៀលថ្ងៃទី២៦ ខែមិថុនា ឆ្នាំ២០២៤ នៅធនាគារជាតិនៃកម្ពុជា។ ក្នុងជំនួបនេះ លោកជំទាវ ទេសាភិបាល បានវាយតម្លៃខ្ពស់ចំពោះកិច្ចសហប្រតិបត្តិការល្អរវាងប្រទេសទាំងពីរនាពេលកន្លងមក។

លោកជំទាវទេសាភិបាល មានប្រសាសន៍បន្តថា ធនាគារជាតិនៃកម្ពុជាមានកិច្ចសហប្រតិបត្តិការល្អជាមួយធនាគារកណ្តាលឥណ្ឌូណេស៊ី និងគ្រោងចុះអនុស្សរណៈយោគយល់ទ្វេភាគី ក្នុងឆ្នាំ២០២៤នេះ ដើម្បីបន្តពង្រឹងកិច្ចសហប្រតិបត្តិការបន្ថែមទៀត ជាពិសេសលើការពង្រឹងការអភិវឌ្ឍវិស័យធនាគារនៃប្រទេសទាំងពីរ និងការតភ្ជាប់ប្រព័ន្ធទូទាត់ទ្វេភាគី ដែលទាំងនេះនឹងរួមចំណែកជំរុញកំណើនភ្ញៀវទេសចរ ការដោះដូរពាណិជ្ជកម្ម និងការវិនិយោគទៅវិញទៅមក។ ឯកឧត្តម Santo ក៏បានបង្ហាញការគាំទ្រយ៉ាងពេញទំហឹងលើការពង្រឹងកិច្ចសហប្រតិបត្តិការទាំងនេះ។

លោកជំទាវបណ្ឌិត បានថ្លែងថា ធនាគារជាតិនៃកម្ពុជាបានចូលរួមយ៉ាងសកម្មនៅក្នុងការគាំទ្រសេដ្ឋកិច្ចនិងសង្គមឌីជីថលរបស់រាជរដ្ឋាភិបាល និងការពង្រឹងសន្តិសុខសាយប៊័នៅក្នុងប្រព័ន្ធធនាគារកម្ពុជា តាមរយៈការបង្កើនការយល់ដឹងរបស់សាធារណជនទៅលើចំណេះដឹងផ្នែកហិរញ្ញវត្ថុ ការពង្រឹងសុវត្ថិភាពប្រព័ន្ធព័ត៌មានវិទ្យា និងកិច្ចសហប្រតិបត្តិការជាមួយភាគីពាក់ព័ន្ធទាំងក្នុងក្របខណ្ឌជាតិ និងអន្តរជាតិ។ ជារួម លោកជំទាវបណ្ឌិត និងឯកឧត្តមឯកអគ្គរដ្ឋទូត បានឯកភាពគ្នាលើការពង្រឹងកិច្ចសហប្រតិបត្តិការក្នុងការអភិវឌ្ឍវិស័យធនាគាររបស់ប្រទេសទាំងពីរឱ្យកាន់តែរីកចម្រើនថែមទៀត៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

៥ខែ ឆ្នាំ២០២៤ កម្ពុជា នាំចេញបង្កងប៉ាករស់ ២,៥តោន អន្ទង់០.២០តោន និងកំពិសបង្កកជាង៣៥តោនទៅទីផ្សារចិន

ព្រឹត្តិការណ៍, សេដ្ឋកិច្ច

• 16/07/2024

៥ខែនៃឆ្នាំ២០២៤ កម្ពុជាបាននាំចេញបង្កងប៉ាករស់ ២,៥តោន អន្ទង់០.២០តោន និង កំពិសបង្កកជាង​៣៥តោនទៅទីផ្សារប្រទេសចិន

ទីផ្សារហ៊ុននៅអាស៊ីកំពុងស្ថិតក្រោមស្រមោលនៃព្រឹត្តិការណ៍ប៉ុនប៉ង់បាញ់សម្លាប់លោក Trump

ព្រឹត្តិការណ៍, សេដ្ឋកិច្ច

• 16/07/2024

គិតត្រឹមព្រឹកព្រលឹមថ្ងៃចន្ទសប្ដាហ៍នេះ សម្រាប់ទីផ្សារហ៊ុនរបស់លុយគ្រីបតូ Bitcoin បានហក់ឡើងទៅដល់ប្រមាណ ៦ម៉ឺនដុល្លារក្នុងមួយកាក់នៅក្នុងទីផ្សារលក់របស់សកល

សត្វចង្រៃ ដង្កូវ​ហ្វូង និង​រុយ​ស​ បំផ្លាញ​ស្រូវ​កសិករជាច្រើនហិកតា តែអាចគ្រប់គ្រងបាន

ព្រឹត្តិការណ៍, សេដ្ឋកិច្ច

• 16/07/2024

ឯកឧត្តម ងិន ឆាយ ប្រតិភូររាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានបញ្ជាក់ឱ្យដឹងថា ការខូចខាតដំណាំស្រូវ​ដោយសារសត្វល្អិតចង្រៃអាចគ្រប់គ្រងបាន

ការកើនឡើង​នៃគម្រោងបង្កើតរោងចក្រ​ សហគ្រាស ​ជំរុញ​ចលនា​ទិញ-លក់ដីធ្លី​នៅតាមតំបន់​សក្ដានុពល​

ព្រឹត្តិការណ៍, អចលនទ្រព្យ

• 16/07/2024

តម្រូវការនៃការ​ប្រើប្រាស់ដីធ្លីនៅតំបន់​រោងចក្រ​ ឧស្សាហកម្ម​នៅតែមាន​ខ្ពស់​ ខណៈការ​វិនិយោគលើ​វិស័យ​ឧស្សាហកម្ម​នៅតែ​លំហូរ

ចំណុចគួរប្រុងប្រយ័ត្ន ដើម្បីចៀសវាងការខាតបង់ប្រាក់ពីគណនីធនាគារចល័ត

ព្រឹត្តិការណ៍, ហិរញ្ញវត្ថុ

• 16/07/2024

ទន្ទឹមនឹងភាពងាយស្រួលដែលបច្ចេកវិទ្យាបានរួមចំណែកក្នុងការរស់នៅនាពេលបច្ចុប្បន្ន បច្ចេកវិទ្យាក៏អាចនាំឱ្យមានការខាតបង់ផងដែរ

រដ្ឋមន្ត្រីក្រសួងឧស្សាហកម្ម ៖ ស្តង់ដារជាតិមានសារៈសំខាន់បំផុតក្នុងក្របខ័ណ្ឌនៃការនាំចេញ

ព្រឹត្តិការណ៍, អាជីវកម្មថ្មី និងនវានុវត្ត

• 16/07/2024

រដ្ឋមន្ត្រីក្រសួងឧស្សាហកម្ម៖ «ស្តង់ដារជាតិមានសារៈសំខាន់បំផុតក្នុងក្របខ័ណ្ឌនៃការនាំចេញតាមរយៈការលើកកម្ពស់គុណភាព ការជំរុញផលិតកម្ម និងផលិតភាព»

ក្រុមហ៊ុន BYD Asia Pacific ចង់ដំឡើងយានយន្តអគ្គិសនីនៅកម្ពុជា ២ម៉ឺនគ្រឿងក្នុង១ឆ្នាំ

ព្រឹត្តិការណ៍, សេដ្ឋកិច្ច

• 16/07/2024

ក្រុមហ៊ុន BYD Asia Pacific ចង់សាងសង់រោងចក្រដំឡើងយានយន្តអគ្គិសនីនៅកម្ពុជា ដោយគ្រោងដំឡើងយានយន្តបាន២ម៉ឺនគ្រឿងក្នុងមួយឆ្នាំ។

ស្វែងយល់ប្រទេសទាំង ៥ ដែលផលិត semiconductor ឬ បន្ទះឈីបច្រើនជាងគេលើពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 16/07/2024

បច្ចុប្បន្ននេះ ពិភពលោកកាន់តែពឹងផ្អែកលើវិស័យបច្ចេកវិទ្យា ហើយបន្ទះឈីបកាន់តែមានសារៈសំខាន់នៅក្នុងវិស័យនេះ

រួមគ្នាចងក្រងបង្កើតជាសហគមន៍កសិកម្មបែបទំនើប ដើម្បីពង្រីកទីផ្សារ និងបង្កើនតម្លៃ

ជំនួញ, ព្រឹត្តិការណ៍

• 16/07/2024

ឯកឧត្តម ឃឹម ហ្វីណង់ ៖ «ចង់ដាំបន្លែក្នុងស្រុកជំនួសឱ្យការនាំចូលមកពីខាងក្រៅ ចាំចាប់ទាមទារឱ្យមានការរៀបចំខ្លួនទុកជាមុនសិន »

ផលិតផលគ្រាប់ស្វាយចន្ទីខ្មែរកែច្នៃរួច មានឱកាសចូលក្នុងផ្សារទំនើប និងបណ្តាម៉ាតនានា

ព្រឹត្តិការណ៍, សេដ្ឋកិច្ច

• 16/07/2024

ស្វាយចន្ទីផលិតផលខ្មែរដែលកែច្នៃរួច មានឱកាសចូលទៅកាន់ផ្សារទំនើប និង ម៉ាតនានា បន្ទាប់ពីការចរចារវាងភាគីពាក់ព័ន្ធ