សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅពេលនិយាយដល់ផលិតផលក្នុងស្រុកគេជឿថា មានមនុស្សតិចណាស់ដែលមានទំនោរចិត្ត និងគាំទ្រ ខណៈដែលមួយភាគធំនៃអ្នកប្រើប្រាស់មានរសនិយមទៅលើផលិតផលបរទេសយ៉ាងសន្ធឹកសន្ធាប់ក្រោមហេតុផលភាពខុសគ្នារវាងគុណភាព សោភ័ណភាព និងកត្តាតម្លៃ រហូតស្ទើរតែបានក្លាយជាទម្លាប់មួយរបស់ប្រជាជនកម្ពុជាដែលមិនព្រមបើកចិត្តទូលាយសាកល្បងគាំទ្រផលិតផលក្នុងស្រុកនោះឡើយ បើទោះជាផលិតករចាប់ផ្ដើមពង្រឹងគុណភាពនៃការផលិតក៏ដោយ។
អ្នកជំនាញផ្នែកសេដ្ឋកិច្ចនៅកម្ពុជា បានលើកឡើងថា ដោយសារតែកម្ពុជាជាប្រទេសដែលមាននិន្នាការទីផ្សារសេរី មិនអាចបិទការនាំចូលពីបណ្ដាប្រទេសជាដៃគូបាន ជាហេតុធ្វើឲ្យផលិតផលដែលផលិតឡើងនៅក្នុងស្រុកមានភាពលំបាកក្នុងការប្រកួតប្រជែងជាមួយទីផ្សារប្រទេសក្នុងតំបន់ដែលមានជំហររឹងមាំរួចទៅហើយ។ យ៉ាងណាក៏ដោយ ស្ថិតនៅក្នុងបរិបទនេះ កម្ពុជានៅតែមានដំណោះស្រាយល្អដោយស្វែករក និងដាក់គោលដៅទីផ្សារជាក់លាក់ណាមួយនៅក្នុងស្រុក ដើម្បីអាចធានាស្ថេរភាពនៃតម្រូវការ ដើម្បីពង្រឹងការផលិតសម្រាប់ផ្គត់ផ្គង់ ខណៈដែលការនាំចូលមួយចំនួនធំត្រូវបានកាត់បន្ថយ។
លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចនៅរាជបណ្ឌិត្យសភាកម្ពុជាបានគូសបញ្ជាក់ និងឆ្លើយតបបញ្ហានេះថា៖
«យើងត្រូវធ្វើកសិកម្មដើម្បីគាំទ្រវិស័យផ្សេងៗទៀតដែលកំពុងទទួលរងនូវផលប៉ះពាល់ ជាពិសេសវិស័យទេសចរណ៍ ព្រោះកន្លងមកយើងមានសហគមន៍ទេសចរណ៍ តែយើងមិនបានយកទំនិញកសិកម្មរបស់យើងទៅផ្គត់ផ្គង់វិស័យនេះទេ យើងតែងតែនាំចូលផលិតផលពីបរទេសយកមកលក់នៅក្នុងតំបន់ទេសចរណ៍ទៅវិញ ដែលនេះជាទង្វើមួយខុស»
ការយករូបភាពផលិតផលកសិកម្មជួយគាំទ្រដល់វិស័យទេសចរណ៍ និងដើម្បីលើកស្ទួយផលិតផលក្នុងស្រុកនេះ គឺសុទ្ធតែអាចធ្វើឡើងបាននៅតាមបណ្តាតំបន់រមណីយដ្ឋាន មណ្ឌលកម្សាន្តនានានៅទូទាំងប្រទេស រាប់ទាំងការដាក់លក់ផលិតផល-កសិកផលខ្មែរ ឬផលិតផលក្នុងស្រុកដោយផ្ទាល់ ការយកវត្ថុធាតុដើមដូចជាបន្លែត្រីសាច់នានាសម្រាប់ធ្វើជាសេវាផ្គត់ផ្គង់ចំណីអាហារ និងភេសជ្ជៈជាដើម ដែលទាំងអស់នេះសុទ្ធតែជាការចូលរួមប្រើប្រាស់ និងគាំទ្រផលិតផលក្នុងស្រុកទាំងអស់។
ជាមួយគ្នានេះ លោកក៏បានបង្ហាញពីការព្រួយបារម្ភផងដែរថា បើគ្រាន់តែទីផ្សារទេសចរណ៍ក្នុងស្រុកខ្លួនឯងសោះ ហើយនាំយកផលិតផលពីប្រទេសគេមកផ្គត់ផ្គង់ដែរ វានឹងធ្វើឱ្យបាត់បង់ការរួមចំណែកក្នុងការជួយគាំទ្រដល់ផលិតផលក្នុងស្រុក និងសង្វាក់ផលិតកម្មក្នុងស្រុកដទៃទៀតនោះឡើយ។ ការធ្វើកសិកម្មបែបទំនើប និងរកលក្ខណៈពិសេសរបស់ខ្លួន រួចយកទៅផ្គត់ផ្គង់តម្រូវការភ្ញៀវទេសចរ គឺជាចំណុចល្អបំផុតក្នុងការចាប់ផ្ដើមផ្សព្វផ្សាយនូវផលិតផលក្នុងស្រុក ក៏ដូចជាដំណោះស្រាយល្អក្នុងការបញ្ជ្រៀបខ្លួនចូលទៅវាយលុកទីផ្សារនាំចូលផងដែរ។
គួរបញ្ជាក់ថា នេះមិនមែនជាលើកទីមួយទេដែលបណ្ឌិតរូបនេះបានលើកឡើងពីដំណោះស្រាយចំពោះវិស័យកសិកម្ម។ កាលពីឆ្នាំកន្លងទៅ លោកបណ្ឌិត គី សេរីវឌ្ឍន៍ ក៏បានរំលេចឡើងពីបញ្ហានេះជាមួយនឹងយុទ្ធសាស្ត្រថ្មីដោយដូរមកធ្វើជាកសិផលសេរីរាង្គ ការរៀបចំឲ្យមានជាសហគមន៍ដើម្បីបង្កើតជាចង្វាក់ផលិតកម្មរឹងមាំក្នុងគោលបំណងជួយឲ្យកសិករមានកម្លាំងផលិតរួមគ្នា និងទទួលបានការផ្គត់ផ្គង់ក្នុងបរិមាណមួយអាចប្រកួតប្រជែងក្នុងទីផ្សារ ហើយក៏អាចរួមចំណែកក្នុងការកាត់បន្ថយថ្លៃដើមផងដែរ។
ប្រសិនបើអាចអនុវត្តនូវវិធីសាស្ត្រទាំងអស់នេះបាន នោះវានឹងអាចជួយបង្កើននូវសក្កានុពល និងលទ្ធភាពគ្រប់គ្រាន់ក្នុងការប្រកួតប្រជែងផលិតផលកសិផលក្នុងវិស័យកសិកម្មនៅកម្ពុជាជាមួយប្រទេសជិតខាងបាន៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
“សង្រ្កាន្តអម្រឹត ឆ្នាំ២០២៦” ផ្សារភ្ជាប់នឹងការគោរពដឹងគុណវីរៈកងទ័ពជួរមុខ
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
សង្គ្រាមនៅតំបន់មជ្ឈិមបូព៌ាអាចធ្វើឲ្យវិស័យទេសចរណ៍ខាតបង់ជាង ៦០០លានដុល្លារក្នុងមួយថ្ងៃ
និន្នាការនៃការប្រើថាមពលអគ្គិសនីពីពន្លឺព្រះអាទិត្យនៅកម្ពុជា មានការកើនឡើងខ្ពស់ក្នុងរយៈពេលប៉ុន្មានឆ្នាំចុងក្រោយនេះ
Account
Security
Favourite Content