បរទេស៖ អតីតប្រធានាធិបតីអាមេរិកលោក Donald Trump កាលពីថ្ងៃពុធម្សិលមិញបានដាក់ពាក្យប្តឹងប្រឆាំងទៅនឹងក្រុមហ៊ុនបច្ចេកវិទ្យាធំៗដូចជា Twitter, Facebook និង Google ព្រមទាំងប្រធានប្រតិបត្តិរបស់ពួកគេផងដែរដោយចោទប្រកាន់ថាពួកគេបានព្យាយាមបំបិទសិទ្ធិសម្លេងអ្នកអភិរក្សនិយម។
បណ្តឹងដែលត្រូវបានរៀបចំសំណុំរឿងនៅក្នុងតុលាការនៃរដ្ឋ Miami ក៏បានចោទប្រកាន់ទៅលើក្រុមហ៊ុនបណ្តាញសង្គមយក្ស Facebook ដែរថា បានព្យាយាមរំលោភបំពានទៅលើសិទ្ធិបុគ្គលក្នុងការបញ្ចេញមតិដែលមានចែងនៅក្នុងការធ្វើវិសោធនកម្មរដ្ឋធម្មនុញ្ញសហរដ្ឋអាមេរិកជាលើកដំបូងនោះផងដែរ។
លោក Trump បានប្រកាសក្នុងការស្វែងរកអ្នកប្រើប្រាស់ទាំងឡាយណាដែលមានបំណងចង់ប្តឹងទៅលើក្រុមហ៊ុនបច្ចេកវិទ្យានោះដូចគ្នាផងដែរ ដើម្បីឲ្យលោកអាចក្លាយទៅជាតំណាងសម្លេងមួយដ៏សំខាន់សម្រាប់កិច្ចការងារប្តឹងផ្តល់គ្នាលើកនេះ។
ក្នុងនោះផងដែរ លោក Trump ក៏បានរៀបចំពាក្យបណ្តឹងចំនួន៣ ផ្សេងទៀត ដែលមានទម្រង់ដូចគ្នាប្តឹងប្រឆាំងទៅនឹងលោក Mark Zuckerberg ស្ថាបនិក Facebook , លោក Jack Dorsey ប្រធានប្រតិបត្តិរបស់ Twitter និងលោក Sundar Pichai ប្រធានប្រតិបត្តិរបស់ Google ។
នៅក្នុងសន្និសីទសារព័ត៌មានមួយនៅឯទីលានវាយកូនហ្គោល Bedminster លោក Trump បាននិយាយបែបនេះថា
“យើងនឹងទទួលបានជោគជ័យជាប្រវត្តិសាស្ត្រមួយសម្រាប់សេរីភាពជូនពលរដ្ឋអាមេរិកទាំងនោះ ហើយក្នុងពេលជាមួយគ្នានេះក៏ទទួលបានសិទ្ធក្នុងការបញ្ចេញមតិផងដែរ”
លោក Trump
គួររំលឹកដែរថា កាលពីឆ្នាំកន្លងទៅនេះ លោក Trump ត្រូវបានបណ្តាញសង្គមយក្សដូចជា Facebook និង Twitter ជាដើម លុបគណនេយ្យដ៏មានប្រជាប្រិយភាពរបស់លោកចោលដោយអះអាងថាលោកបានប្រព្រឹត្តខុសទៅនឹងគោលការណ៍របស់ខ្លួននៅក្រោយពេលដែលអ្នកគាំទ្ររបស់លោក Trump ជាច្រើនរយនាក់បានសម្រុកចូលទៅដល់អគាររដ្ឋាភិបាលអាមេរិក និងបានប៉ះទង្គិចគ្នាជាមួយនឹងក្រុមប៉ូលីសព្រមទាំងធ្វើឲ្យមានមនុស្សស្លាប់ និងរបួសជាច្រើន៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍សំខាន់
ព័ត៌មានទូទៅ
អាស៊ីទិញប្រេងបញ្ចុះតម្លៃពីរុស្ស៊ី បន្ទាប់ពីអឺរ៉ុបដែលបានដកខ្លួនចេញ
ពូជស្រូវសែនក្រអូបក្លាយជាជម្រើសមួយថ្មីសម្រាប់កសិករ និងអ្នកនាំចេញកម្ពុជាក្នុងទីផ្សារអន្តរជាតិ
ការសិក្សា ៖ ស្ថានភាពសេដ្ឋកិច្ចកម្ពុជាបន្តងើបឡើងក្នុងត្រីមាសទី១ ដើមឆ្នាំ២០២២
អ្នកជំនាញអចលនទ្រព្យ ៖ ការកើនឡើងនៃវិស័យសំណង់ និងអចលនទ្រព្យគ្មានផែនការ ធ្វើឱ្យការវិនិយោគវិស័យលើកសិកម្មត្រូវរំលង
កិច្ចប្រជុំកំពូល BRICS លើកទី១៤ ជាសារៈសំខាន់នៃកិច្ចអភិវឌ្ឍពិភពលោកទាំងមូល
កម្ពុជាកំពុងដំណើរការស្នើសុំបញ្ចូលតំបន់អភិរក្សចំនួន២ ទៅក្នុងបញ្ជីបេតិកភ័ណ្ឌធម្មជាតិពិភពលោក
ក្រសួងបរិស្ថានលើកទឹកចិត្តដល់ភោជនីយដ្ឋានដែលស្ម័គ្រចិត្តមិនលក់ម្ហូបធ្វើពីសាច់សត្វព្រៃ
ធនាគារពិភពលោកអនុម័តថវិកា ២០ លានដុល្លារជូនសមាគមអាស៊ាន ដើម្បីចូលរួមលុបបំបាត់ការបំពុលដោយកាកសំណល់ប្លាស្ទិកក្នុងដែនសមុទ្រ
ឆ្នាំ២០២១ ធនាគារជាតិនៃកម្ពុជាបានដាក់ដេញថ្លៃប្រាក់ដុល្លារ ៦០០ លាន ដើម្បីធ្វើឱ្យមានស្ថិរភាពនៃអត្រាប្តូរប្រាក់
ឯកឧត្តមឧបនាយករដ្ឋមន្ត្រី ជា សុផារ៉ា សម្រេចកែសម្រួលបែបបទនៃការផ្ដល់លិខិតអនុញ្ញាតសាងសង់មួយចំនួន
កម្មវិធីពិសេសរបស់ AMS ECONOMY
ព័ត៌មានសង្ខេប
