សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ល្ហុង ជាដំណាំមួយដែលបងប្អូនប្រជាពលរដ្ឋអាចដាំបាននៅតាមលំនៅដ្ឋាន ជាពិសេសអ្នកនៅតំបន់ជនបទដែលមានដីទំនេរច្រើន ខណៈដែលបច្ចុប្បន្ននេះ ភាគច្រើនដែលគេនិយមដាំដូចជាប្រភេទល្ហុងហូឡែន ដែលជាពូជល្ហុងមានសាច់ក្រាស់ ផ្អែម និងមានទីផ្សារល្អ។
លោក យន់ សារិន ជាម្ចាស់អាជីវកម្មយីហោ «មោលីកសិផលខ្មែរ» នៅខេត្តពោធិ៍សាត់ បានមានប្រសាសន៍ឱ្យដឹងថា ៖
«ល្ហុងប្រភេទ ហូឡែន គេនិយមដាំនៅលើទឹកដីខេត្តពោធិ៍សាត់ ហើយជាធម្មតាអាចប្រមូលផលជាមធ្យមបានចន្លោះពី ៣០០-៥០០គីឡូក្រាមក្នុងមួយថ្ងៃ តែដោយសារអាកាសធាតុក្ដៅ ការប្រមូលផលបានថយចុះនៅត្រឹមប្រមាណ ១០០គីឡូក្រាម និងលក់ទៅកាន់ទីផ្សារគ្រប់ខេត្ត ប៉ុន្តែតំបន់ដែលពេញនិយមគឺនៅរាជធានីភ្នំពេញ ខេត្តសៀមរាប និងព្រះសីហនុ ដែលអតិថិជនទិញយកទៅលក់បន្តនៅតាមម៉ាត់ឆ្នេរ តាមផ្សារកសិផលធម្មជាតិ និងតាមហាងលក់ផ្លែឈើស្រស់ ឬកិនជាភេសជ្ជៈផងដែរ»។
ចំពោះតម្លៃល្ហុងវិញ គេអាចលក់រាយចន្លោះពី ៥០០០-៦០០០រៀល ក្នុងមួយគីឡូក្រាម ចំណែកឯការបោះដុំអាចលក់បានប្រមាណ ២៥០០-៣ ០០០រៀល ក្នុងមួយគីឡូក្រាម ឬអាចប្រែប្រួលទៅតាមស្តង់ដាររបស់ផ្លែល្ហុងរួមមាន លេខ១ និងលេខ២ ក៏ដូចជាប្រែប្រួលទៅតាមតម្រូវការទីផ្សារផ្ទាល់តែម្ដង។ ល្ហុងហូឡែននេះមានការគាំទ្រច្រើនដោយសារវាជាល្ហុងធម្មជាតិ មានរស់ជាឆ្ងាញ់ ផ្អែមដិត សាច់តាន់ក្រាស់ល្អ។ នេះអ្វីដែលម្ចាស់អាជីវកម្មខាងលើបានលើកឡើង។
បើតាមគេហទំព័រសុខភាព Hello Krupet ល្ហុងទុំ ជាប្រភពនៃសារធាតុសំខាន់ៗដូចជា ជាតិខ្លាញ់ ប៉ូតាស្យូម កាបូអ៊ីដ្រាត ជាតិសរសៃ ស្ករ ប្រូតេអ៊ីន និងពពួកវីតាមីន A, C ជាតិកាល់ស្យូម និងជាតិដែក ដែលអាចផ្ដល់អត្ថប្រយោជន៍ដូចជា ប្រឆាំងអុកស៊ីតកម្ម ប្រឆាំជំងឺមហារីក ជំនួយសុខភាពបេះដូង ប្រឆាំងការរលាក ជួយប្រព័ន្ធរំលាយអាហារ និងជួយដល់សុខភាពស្បែកថែមទៀតផង។
ហេតុនេះ យើងគួរតែបញ្ចូលល្ហុងទុំទៅក្នុងរបរអាហារប្រចាំថ្ងៃរបស់យើង មិនថាច្នៃជាបង្អែមលាងមាត់ ឬទទួលទានផ្ទាល់នោះទេ ព្រោះវាមានរសជាតិផ្អែមឆ្ងាញ់ អាចជួយបន្ថែមសារធាតុចិញ្ចឹមទៅក្នុងរាងកាយផង ក៏ដូចជាចូលរួមមួយផ្នែកក្នុងការគាំទ្រកសិផលក្នុងស្រុក ដាំដោយបងប្អូនកសិករខ្មែរផ្ទាល់តែម្ដង៕
Account
Security
Favourite Content