សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ តាមរយៈតួលេខជាផ្លូវការដែលត្រូវបានបង្ហាញក្រុមហ៊ុនជំនាញស្រាវជ្រាវទីផ្សារអចលនទ្រព្យកាលពីពេលថ្មីៗនេះបានឲ្យដឹងថា ទីផ្សារលំនៅឋានបែបឯកជនថ្មីនៅប្រទេសសិង្ហបុរីបានធ្វើការលក់ចេញបានប្រមាណជា ១,២៦២ខ្នង កាលពីខែមេសាកន្លងមកនេះ ដែលស្ថិតនៅក្នុងអត្រាកំណើន ២.៦ ភាគរយធៀបទៅនឹងខែចាស់។
អ្នកជំនាញផ្នែកទីផ្សារអលចនទ្រព្យ លោក Mark Yip ប្រធានប្រតិបត្តិនៃក្រុមហ៊ុន Huttons Asia បានលើកឡើងថា តាមការមើលឃើញជាក់ស្ដែង និងស្ថានភាពសេដ្ឋកិច្ចក្រោយការធ្លាក់ចុះភាពប្រឈមនៃជំងឺកូវីដ ទីផ្សារអចលនទ្រព្យ ជាពិសេសផ្នែកលំនៅឋាននឹងអាចបន្តសញ្ញាវិជ្ជមានរបស់ខ្លួន ពោលគឺនឹងមិនធ្លាក់ចុះសាជាថ្មីទៅដល់ចំណុចដែលទាបបំផុតធ្លាប់បានជួបប្រទះកាលពីឆ្នាំក្នុងអំឡុងឆ្នាំ២០២០នោះទេ។
អ្នកជំនាញរូបនេះបានបន្តថា ស្ថិតក្នុងស្ថានភាពដែលកំពុងប្រឈម សិង្ហបុរីបានធ្វើសមាហរន្តកម្មទៅលើវិស័យឌីជីថលភ្លាមៗបន្ទាប់ពីវិបត្តិកូវីដបានកើតឡើងកាលពីឆ្នាំកន្លងទៅ ជាពិសេសទៅលើឧស្សហកម្មអចលនទ្រព្យ ដូចជាការកែប្រែហេដ្ឋារចនាសម្ព័ន្ធបច្ចេកវិទ្យាថ្មី ដែលអាចឲ្យខ្លួននៅតែបន្តធ្វើការផ្សព្វផ្សាយ និងមានឥទ្ធិពលចំពោះទីផ្សារនៃវិស័យមួយនេះ។
គួរកត់សម្គាល់ផងដែរថា វិស័យអចលនទ្រព្យគឺជាផ្នែកមួយយ៉ាងសំខាន់ក្នុងចំណោមវិស័យផ្សេងទៀតដែលដើរតួជាឆ្អឹងខ្នងនៃកំណើនសេដ្ឋកិច្ច ខណៈដែលរដ្ឋាភិបាលបានយកចិត្តទុកដាក់យ៉ាងខ្លាំងទៅលើការទ្រទ្រង់ និងជ្រោមជ្រែងទីផ្សារមួយនេះ។ ជាក់ស្ដែងបើទោះជាស្ថិតនៅក្នុងកំឡុងពេលដែលប្រឈមទៅនឹងវិបត្តិនៃជំងឺកូវីដ ប៉ុន្តែចាប់តាំងពីអំឡុងខែឧសភា ឆ្នាំ២០២០ សញ្ញាវិជ្ជមាននៃទីផ្សារអចលនទ្រព្យ ជាពិសេសផ្នែកលំនៅឋានបែបឯកជនចាប់ផ្តើមមានភាពល្អប្រសើរឡើងវិញជាបណ្តើរ ហើយបន្តរហូតដល់មកដល់ខែមេសា ដើមត្រីមាសទី២ ឆ្នាំ២០២១កន្លងទៅនេះដែលអាចសម្រេចបានកំណើននៃការលក់ប្រមាណ២.៦ភាគរយ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content