សិង្ហបុរី អាចរកចំណូលបានពី ២៦០ ទៅ ៣៧៥ លានដុល្លារ ពីការធ្វីម្ចាស់ផ្ទះសម្រាប់ការប្រគំ​តន្ត្រីរបស់តារាចម្រៀង Taylor Swift

បរទេស៖ យោងតាមប្រភពព័ត៌មានពី The Washington Post បានរាយការណ៍ថា ប្រទេសសិង្ហបុរីអាចរកប្រាក់ចំណូលបានរាប់លានដុល្លារពីការធ្វើជាម្ចាស់ផ្ទះតែមួយគត់នៅអាស៊ីអាគ្នេយ៍សម្រាប់ការប្រគុំតន្ត្រឹ Eras Tour របស់តារាចម្រៀង Taylor Swift ។

Erica Tay នាយកស្រាវជ្រាវផ្នែកម៉ាក្រូសេដ្ឋកិច្ចរបស់ធនាគារ Maybank បានលើកឡើងថា ការប្រគុំតន្ត្រីរបស់តារាចម្រៀង Taylor Swift រយៈពេល ៦ ថ្ងៃ ត្រូវបានរំពឹងថានឹងរកចំណូលដល់ទេសចរណ៍សិង្ហបុរីប្រមាណពី ២៦០ លានដុល្លារទៅ ៣៧៥ លានដុល្លារអាម៉េរិក។

ទន្ទឹមនឹងនេះ សិង្ហបុរីត្រូវបានគេហៅថាជាប្រទេសថ្មីចុងក្រោយដែលទទួលផលប្រយោជន៍ពី “Swiftonomics” ជាពាក្យដែលគេពិពណ៌នាអំពីការជំរុញសេដ្ឋកិច្ចពីការប្រគំតន្ត្រីខ្នាតធំជុំវិញពិភពលោករបស់តារាចម្រៀង Taylor Swift ដែលបានលក់លើសពី ១ ពាន់លានដុល្លារទូទាំងពិភពលោក។ បន្ថែមពីនេះ អ្នកសេដ្ឋកិច្ចបានបង្កើនការប៉ាន់ប្រមាណថា កំណើនប្រចាំឆ្នាំរបស់សិង្ហបុរីនឹងកើនឡើងពី ២,៣ ភាគរយទៅ ២,៥ ភាគរយ ដែលមានន័យថា GDP របស់ប្រទេសសិង្ហបុរីត្រូវបានគេរំពឹងថានឹងកើនឡើងដល់ ២,៩ ភាគរយនៅក្នុងត្រីមាសទីមួយនៃឆ្នាំនេះ ដែលជាកម្រិតខ្ពស់បំផុតក្នុងចំណោម ៦ ត្រីមាសមុនៗ។

មិនត្រឹមតែប៉ុណ្ណោះ អាកាសយានដ្ឋានសឹង្ហបុរី Changi ត្រូវបានប៉ាន់ប្រមាណថា មានការកើនឡើងអ្នកដំណើរជាង ២០ ភាគរយចន្លោះថ្ងៃទី ១ និងទី ៧ ខែមីនា បើធៀបនឹងរយៈពេលដូចគ្នាកាលពីឆ្នាំមុន។ លើសពីនេះ អាជីវកម្មគ្រប់ទំហំអាចរកប្រាក់ចំណូលពីអ្នកគាំទ្រដែលជាភ្ញៀវទេសចរ ដូចជា ហាងប្រេនម៉ាកធំៗ ហាងលក់អង្កាំ និងស្ទូឌីយ៉ូរូបថតជាដើម។ Marina Bay Sands ដែលជាគោលដៅទេសចរណដ៏ប្រណិត និងជាអ្នកឧបត្ថម្ភដំណើរកម្សាន្ត បានរៀបចំដាក់ភ្លើងតាមអាល់ប៊ុមនីមួយៗរបស់ Taylor Swift តាមផ្លូវដើរនៅក្នុងផ្សារទំនើបរបស់ខ្លួន។ លើសពីនេះ កញ្ចប់ស្នាក់នៅរបស់ Marina Bay Sands តម្លៃចាប់ពី ៧ ៥០០ ដុល្លារដល់ ៣៥ ០០០ ដុល្លារត្រូវបានលក់អស់ ហើយ ៩០ ភាគរយគឺជាភ្ញៀវមកពីបរទេស។

ក្រុមហ៊ុនទេសចរណ៍ Klook ត្រូវបានរាយការណ៍ថា មានការកើនឡើង ៥០ ភាគរយពីការកក់សម្រាប់ Singapore Pass របស់ខ្លួន ដែលជាកម្មវិធីផ្តល់ជូននូវការទស្សនាកន្លែងទាក់ទាញល្បីៗរបស់ទីក្រុងសិង្ហបុរី។ Sarah Wan អ្នកគ្រប់គ្រងទូទៅរបស់ Klook ប្រចាំប្រទេសឥណ្ឌូនេស៊ី ម៉ាឡេស៊ី និងសិង្ហបុរីបានលើកឡើងថា ផ្អែកលើទិន្នន័យរបស់ពួកគេបង្ហាញថា ភ្ញៀវទេសចរណ៍ដែលចូលរួមការប្រគុំតន្ត្រីអាចចំណាយបន្ថែមលើស ៥ ដងពីសំបុត្ររបស់ពួកគេ ហើយអ្នកធ្វើដំណើរទាំងនោះអាចចំណាយ ៨០០ ដុល្លារសម្រាប់បទពិសោធន៍ទេសចរណ៍ក្នុងស្រុករបស់សិង្ហបុរី។

ទោះជាយ៉ាងណាក្តី ភាពជោគជ័យរបស់សិង្ហបុរីអាចបង្កភាពមិនសប្បាយចិត្តក្នុងចំណោមប្រទេសជិតខាង ដែលចង់ទទួលបានប្រយោជន៍ Swiftonomics សម្រាប់សេដ្ឋកិច្ចរបស់ពួកគេ។ នាយករដ្ឋមន្ត្រីថៃ Srettha Thavisin លើកឡើងថា សិង្ហបុរីបានចំណាយប្រាក់ដល់ទៅ ៣ លានដុល្លារអាម៉េរិកក្នុងមួយខនសឺត ដើម្បីធ្វើឱ្យសឹង្ហបុរីក្លាយជាការម្ចាស់ផ្ទះតែមួយគត់នៅអាស៊ីអាគ្នេយ៍ ហើយបណ្តាមេដឹកនាំឥណ្ឌូនេស៊ី  និងហ្វីលីពីនក៏បានតវ៉ាពីបញ្ហានេះផងដែរ។ យ៉ាងណាមិញ នាយករដ្ឋមន្ត្រីសិង្ហបុរី Lee Hsien Loong បាននិយាយថា លោកមិនមើលឃើញការរៀបចំនេះថាជា ការមិនរាក់ទាក់ចំពោះប្រទេសជិតខាងនោះទេ។ ទោះបីជារដ្ឋាភិបាលសិង្ហបុរីមិនបានបង្ហាញពីការចំណាយពិតប្រាកដទៅលើការប្រគំតន្រ្តីរបស់ Taylor Swift ក៏ដោយ ប៉ុន្តែស្ថាប័នព័ត៌មាន CNA គណនាថា វាទំនងជាមានតម្លៃចន្លោះពី ២ ទៅ ៣ លានដុល្លារអាម៉េរិកក្នុងថ្ងៃនៃខនសឺត ហើយខនសឺតនេះមានចំនួន ៦ ថ្ងៃ​។

Can Seng Ooi សាស្ត្រាចារ្យនៅសកលវិទ្យាល័យ Tasmania បាននិយាយថា ការដេញថ្លៃការប្រគុំតន្ត្រី Eras Tour គឺជាផ្នែកមួយនៃផែនការដ៏ធំដែលមានតាំងពីឆ្នាំ ១៩៨៩ ក្នុងគោលបំណងឲ្យសិង្ហបុរីក្លាយជាមជ្ឈមណ្ឌលសម្រាប់សិល្បៈ និងវប្បធម៌នៅក្នុងតំបន់។ នៅឆ្នាំនោះផងដែរ ក្រុមប្រឹក្សាសិល្បៈសិង្ហបុរី បានចេញផ្សាយរបាយការណ៍មួយដែលបង្ហាញពីយុទ្ធសាស្ត្រសម្រាប់ការជំរុញវប្បធម៌របស់សិង្ហបុរី ដែលជាការមលឃើញដ៏វែងឆ្ងាយសម្រាប់ទសវត្សរ៍ក្រោយៗទៀតនាពេលអនាគត។ អ្នកវិភាគនិយាយថា ដោយសារស្ថិរភាពនយោបាយ អត្ថប្រយោជន៍របស់សិង្ហបុរីអាចមានប្រៀបលើប្រទេសជិតខាងរួមមានហេដ្ឋារចនាសម្ព័ន្ធ ការតភ្ជាប់ និងរបៀបវារៈសិល្បៈជាដើម។ លើសពីនេះ ការប្រគុំតន្ត្រី Eras Tour គឺ​ជា​ការ​ដេញ​ថ្លៃ​ព្រឹត្តិការណ៍​ធំ​ចុង​ក្រោយ​បំផុតបន្ទាប់ពីការប្រគុំតន្ត្រីរបស់ Coldplay និង​ការ​ប្រណាំង Formula One៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ