សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រដ្ឋាភិបាលប្រទេសអូស្ត្រាលីបានបង្ហាញពីការគាំទ្រចំពោះកិច្ចខិតខំប្រឹងប្រែង និងការចូលរួមគ្រប់គ្រង ថែរក្សាបរិស្ថានតាមរយៈកម្មវិធីនានា រួមជាមួយនឹងកិច្ចអភិវឌ្ឍប្រទេសជាតិតាមរយៈការចាប់យកកាលានុវត្តភាព ដោយការវិនិយោគនៅក្នុងវិស័យសំខាន់ៗដើម្បីគាំទ្រ និងជំរុញកំណើនសេដ្ឋកិច្ចជាតិ។
រដ្ឋាភិបាលប្រទេសអូស្ត្រាលីបានផ្តួចផ្តើមឱ្យមានកិច្ចពិភាក្សាគ្នាអំពីការផលិតអគ្គិសនីដោយប្រើប្រាស់ឧស្ម័នអ៊ីដ្រូសែននៅក្នុងសន្និបាតសហប្រជាជាតិ ស្តីពីការប្រែប្រួលអាកាសធាតុ ដើម្បីជាជម្រើសមួយដ៏ប្រសើរសម្រាប់លើកកម្ពស់ផែនការកាត់បន្ថយការបញ្ចេញឧស្ម័នផ្ទះកញ្ចក់ឱ្យនៅកម្រិតសូន្យនៅឆ្នាំ២០៥០។
ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន នៅក្នុងកិច្ចជំនួបពិភាក្សាការងារជាមួយលោក James Larsen អ្នកសម្របសម្រួលកិច្ចការ ប្រែប្រួលអាកាសធាតុ និងលោក Pablo Kang ឯកអគ្គរដ្ឋទូតប្រទេសអូស្ត្រាលីប្រចាំនៅកម្ពុជា កាលពីថ្ងៃដើមសប្ដាហ៍ដោយបានសម្តែងនូវស្វាគមន៍ចំពោះការលើកឡើងរបស់ភាគីអូស្ត្រាលី ក្នុងការប្រយុទ្ធប្រឆាំងនឹងការប្រែប្រួលអាកាសធាតុ ក៏ដូចជាបញ្ហាបរិស្ថានសកល។
ឯកឧត្តមបានមានប្រសាសន៍ថា ៖
«បច្ចុប្បន្ននេះ រាជរដ្ឋាភិបាលបាននឹងកំពុងចាប់យកកាលានុវត្តភាព តាមរយៈការវិនិយោគចម្បងៗនៅក្នុងវិស័យមួយចំនួនដែលអាចជំរុញ និងគាំទ្រដល់កំណើនសេដ្ឋកិច្ចបានឆាប់រហ័ស ក្រោមសុខសន្តិភាពដែលជាកត្តាមិនអាចខ្វះបាន រួមជាមួយនឹងការគ្រប់គ្រងបរិស្ថាន ការដោះស្រាយបញ្ហាការប្រែប្រួលអាកាសធាតុ និងអភិវឌ្ឍន៍សេដ្ឋកិច្ចជាតិ»
នៅក្នុងឱកាសជាមួយគ្នានេះ ឯកឧត្តម ក៏បានលើកនូវសំណើចំនួនពីរ រួមមាន៖ ទី១- បង្កើតមជ្ឈមណ្ឌលចែករំលែកព័ត៌មាន អំពីថាមពលឧស្ម័នអ៊ីដ្រូសែន ដោយមានការចូលរួមពីក្រសួងបរិស្ថាន គ្រឹះស្ថានសិក្សាស្រាវជ្រាវរបស់ប្រទេសកម្ពុជា និងប្រទេសអូស្ត្រាលី និងទី២-បង្កើតឱ្យមានផែនទីបង្ហាញផ្លូវក្នុងការពង្រឹងកិច្ចសហប្រតិបត្តិការ អភិវឌ្ឍន៍សេដ្ឋកិច្ចរវាងកម្ពុជា និងអូស្ត្រាលី។
លោក James Larsen អ្នកសម្របសម្រួលកិច្ចការប្រែប្រួលអាកាសធាតុបានលើកឡើងថា ប្រទេសអូស្ត្រាលីបានផ្តល់ការគាំទ្រជាច្រើនដល់បណ្តាប្រទេស តាមដងទន្លេមេគង្គ រួមមាន ប្រទេសកម្ពុជាក្នុងការគ្រប់គ្រងធនធានទឹក និងការអប់រំបរិស្ថាន។ ប្រទេសអូស្ត្រាលីបានផ្តួចផ្តើមឱ្យមានកិច្ចពិភាក្សាគ្នាអំពីការផលិតអគ្គិសនី ដោយប្រើប្រាស់ឧស្ម័នអ៊ីដ្រូសែននៅក្នុងសន្និបាតសហប្រជាជាតិ ស្តីពីការប្រែប្រួលអាកាសធាតុ ដើម្បីជាជម្រើសមួយដ៏ប្រសើរសម្រាប់លើកកម្ពស់ផែនការកាត់បន្ថយការបញ្ចេញឧស្ម័នផ្ទះកញ្ចក់ឱ្យនៅកម្រិតសូន្យនៅឆ្នាំ២០៥០។
គួរបញ្ជាក់ផងដែរថា នៅក្នុងកិច្ចប្រជុំពិភាក្សាបានផ្តោតសំខាន់លើទស្សនៈវិស័យរបស់ប្រទេសអូស្ត្រាលី និងរាជរដ្ឋាភិបាលកម្ពុជា សម្រាប់សន្និបាតសហប្រជាជាតិលើកទី២៦ស្តីពីការប្រែប្រួលអាកាសធាតុ។ ចំពោះសន្និបាតសហប្រជាជាតិលើកទី២៦ ស្តីពីការប្រែប្រួលអាកាសធាតុប្រទេសអូស្ត្រាលីគាំទ្រដល់ចក្រភពអង់គ្លេសក្នុងការរៀបចំកិច្ចប្រជុំទល់មុខគ្នា ដែលផ្តល់ឱកាសដល់គ្រប់រដ្ឋជាសមាជិកបានជជែកគ្នាដោយផ្ទាល់៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ការឡើងថ្លៃអេល្យូម បង្កការគំរាមកំហែងដល់វិស័យឈីប វេជ្ជសាស្រ្ត និងអវកាស
ព្រឹត្តិការណ៍, អាជីវកម្មថ្មី និងនវានុវត្ត
• 07/04/2026
វិបត្តិសេដ្ឋកិច្ចពិភពលោកដោយសារសង្រ្គាមនៅមជ្ឈិមបូព៌ាកំពុងលាតសន្ធឹងហួសពីប្រេង ពោលគឺអេល្យូម (Helium) បានក្លាយជាទំនិញ ដែលងាយរងគ្រោះមួយផងដែរ។
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
រយៈពេល ២ ឆ្នាំ រដ្ឋាភិបាល សម្រេចផ្តល់គោលការណ៍លើកទឹកចិត្តដល់គម្រោងជាង ៤៦០ គម្រោងក្រោមទុនវិនិយោគជាង ៨ ពាន់លានដុល្លារ នៅខេត្តព្រះសីហនុ
កម្ពុជាបន្តជំរុញការកៀរគរធនធានសម្រាប់គម្រោងដឹកជញ្ជូនជាង ១៧០ តម្លៃជាង ៣៦ ពាន់លានដុល្លារ
Account
Security
Favourite Content