អាជីវកម្មខ្នាតតូច គួរស្វែងយល់ពីគន្លឹះទាំង ៤ នេះ ដើម្បីគ្រប់គ្រងហិរញ្ញវត្ថុឱ្យបានត្រឹមត្រូវ

ភ្នំពេញ ៖ ការបង្កើតមុខរបរមួយ ឬក្រុមហ៊ុនមួយមិនមែនជារឿងងាយស្រួលដូចអ្វីដែលមនុស្សជាច្រើនគិតនោះទេ។ ម្ចាស់អាជីវកម្មខ្នាតតូចជាច្រើនត្រូវប្រឈមមុខនឹងការសម្រេចចិត្តផ្នែកហិរញ្ញវត្ថុដ៏លំបាកមួយចំនួននៅក្នុងដំណាក់កាលដំបូងនៃការរីកលូតលាស់អាជីវកម្ម ឬក្រុមហ៊ុន ជាពិសេសនៅពេលនិយាយអំពីការស្វែងរកមូលនិធិ និងការកសាងអាជីវកម្មប្រកបដោយនិរន្តរភាព។

ប្រសិនបើគ្មានប្រភពចំណូលដើម្បីផ្តល់មូលនិធិគាំទ្រអាជីវកម្មរបស់ពួកគេ ម្ចាស់អាជីវកម្មខ្នាតតូចត្រូវមានការច្នៃប្រឌិត និងការគ្រប់គ្រងប្រាក់ដើម្បីផ្គត់ផ្គង់អាជីវកម្មរហូតដល់វាអាចឈរជើងបានដោយខ្លួនឯង។​

តើអ្នកកំពុងរកមើលវិធីដើម្បីធ្វើឱ្យអាជីវកម្មដំណើរការបានរលូនក្នុងនាមជាម្ចាស់អាជីវកម្មខ្នាតតូចមែនទេ? សូមពិចារណាពីគន្លឹះគ្រប់គ្រងលុយទាំងនេះសម្រាប់ការចាប់ផ្តើមអាជីវកម្មថ្មី៖

១. គ្រប់គ្រងលំហូរសាច់ប្រាក់ ៖ កង្វះលំហូរសាច់ប្រាក់គឺជាហេតុផលមួយក្នុងចំណោមហេតុផលភាគច្រើនដែលអាជីវកម្មបរាជ័យក្នុងដំណាក់កាលដំបូងនៃប្រតិបត្តិការ។ ការចាប់ផ្តើម និងដំណើរការអាជីវកម្មត្រូវចំណាយលុយ ប៉ុន្តែនៅពេលដែលអ្នកទើបតែចាប់ផ្តើម ទុនទាំងនោះអាចត្រូវការមកពីប្រភពផ្សេងៗ។

ក្រៅពីប្រភពនៃប្រាក់ចំណូល សូមតាមដានការចំណាយរបស់អ្នក និងប្រភពទុនរបស់អ្នក ដើម្បីប្រាកដថាលំហូរសាច់ប្រាក់របស់អ្នកគ្របដណ្តប់លើការចំណាយ និងធ្វើឱ្យក្រុមហ៊ុនរបស់អ្នកដំណើរការបានរលូន។ ប្រសិនបើការចំណាយលើទុនដែលមាន ហើយគណនីធនាគាររបស់អ្នកចាប់ផ្តើមអស់បន្តិចម្តងៗ អាជីវកម្មរបស់អ្នកនឹងអាចឈានដល់ទីបញ្ចប់។

ការគ្រប់គ្រងលំហូរសាច់ប្រាក់តម្រូវឱ្យមានការរក្សាការចំណាយឱ្យស្ថិតក្រោមការគ្រប់គ្រង និងធ្វើឱ្យប្រាកដថាអ្នកមានមូលនិធិគ្រប់គ្រាន់ដើម្បីគាំទ្រដល់ប្រតិបត្តិការអាជីវកម្មណាក៏ដោយដែលចាំបាច់។ ក្នុងនាមជាអ្នកដឹកនាំអាជីវកម្ម អ្នកនឹងត្រូវធ្វើការសម្រេចចិត្តដោយប្រុងប្រយ័ត្នទាក់ទងនឹងការគ្រប់គ្រងលំហូរសាច់ប្រាក់។

២. បែងចែកហិរញ្ញវត្ថុសម្រាប់អាជីវកម្មឱ្យបានច្បាស់លាស់ ៖ កុំរង់ចាំរហូតដល់អ្នកបង្កើតបានប្រាក់ចំណូលទើបបង្កើតគណនីធនាគារដាច់ដោយឡែកសម្រាប់អាជីវកម្មរបស់អ្នក។ ការលាយបញ្ចូលគ្នារវាងការចំណាយផ្ទាល់ខ្លួន និងអាជីវកម្មធ្វើឱ្យពិបាកក្នុងការមើលថាតើអាជីវកម្មរបស់អ្នកមានលុយប៉ុន្មាន។

បង្កើតគណនីត្រួតពិនិត្យអាជីវកម្ម និងប្រើប្រាស់វាសម្រាប់រាល់ការចំណាយអាជីវកម្ម ទាំងធំ និងតូច។ តាមរយៈការបង្កើតកន្លែងជាក់លាក់សម្រាប់ប្រាក់របស់ក្រុមហ៊ុន អ្នកនឹងធ្វើឱ្យវាកាន់តែងាយស្រួលក្នុងការគ្រប់គ្រងលំហូរសាច់ប្រាក់ និងតាមដានសុខភាពហិរញ្ញវត្ថុរបស់ក្រុមហ៊ុនអ្នក។

៣. តាមដានចំណាយ ៖ នៅពេលអ្នកឈានជើងចូលធ្វើអាជីវកម្ម អ្នកត្រូវតែមានការកត់ត្រា និងតាមដានរាល់ការចំណាយឱ្យបាន់ច្បាស់លាស់​ ថាតើការចំណាយត្រូវទាំងនោះត្រូវចំគោលអាជីវកម្មរបស់អ្នកដែរ ឬទេ ដើម្បីចៀសវាងការចំណាយមិនចាំបាច់ ដែលវាអាចឈានដល់ការបង់ប្រាក់ដោយមិនដឹងខ្លួន។

៤. ជ្រើសរើសប្រភេទប្រភពទុនច្បាស់លាសដើម្បីពង្រីកអាជីវកម្ម ៖ នៅពេលអាជីវកម្មរបស់អ្នកចាប់ផ្តើមរីកលូតលាស់កាន់តែខ្លាំង  អ្នកអាចពិចារណាប្រើប្រាស់កម្ចី ដើម្បីផ្តល់ការជំរុញផ្នែកហិរញ្ញវត្ថុដែលនឹងអនុញ្ញាតឱ្យអាជីវកម្មរបស់អ្នករីកចម្រើន។ ដូច្នេះ កម្ចីពីគ្រឹះស្ថានធនាគារ និងហិរញ្ញវត្ថុផ្លូវការគឺប្រភពទុនដ៏សស័ក្ដិសមសម្រាប់ការពង្រីកអាជីវកម្មរបស់អ្នក ព្រោះកម្ចីផ្លូវការមានច្បាប់ការពារ មានខសន្យាត្រឹមត្រូវ និងអត្រាការប្រាក់ទាបជាងកម្ចីក្រៅផ្លូវការ និងមានហានិភ័យខ្លាំងសម្រាប់អាជីវកម្ម៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ