សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
រដ្ឋាភិបាលនៃប្រទេសប៊ុលហ្គារីនៅសប្តាហ៍នេះបានប្រកាសក្នុងការផ្គត់ផ្គង់ប្រេងឥន្ធនៈមួយចំនួនទៅដល់សាធារណរដ្ឋម៉ាសេដូនៀខាងជើង(North Macedonia)ដែលជាប្រទេសជិតខាងខណៈដែលរដ្ឋាភិបាលក្រុង Skopje បានធ្វើការប្រកាសអាសន្នមួយនៅទាំងប្រទេសតាំងតែពីថ្ងៃអង្គារ។
យោងតាមការចេញផ្សាយរបស់ Novinata បានឲ្យដឹងថានាយករដ្ឋមន្ត្រីប៊ុលហ្គារីលោក Rosen Zhelyazkov បានស្នើឲ្យរដ្ឋមន្ត្រីថាមពលលោក Zhecho Stankov ចាប់ផ្តើមត្រួតពិនិត្យស្តុកប្រេងរបស់ខ្លួនជាមុនសិនដើម្បីអាចបន្តចាត់ចែងជំនួយទៅកាន់ប្រទេស North Mocedonia។
តាមរយៈការចេញបញ្ជាដោយនាយករដ្ឋមន្ត្រី Zhelyazkov ត្រូវបានគេមើលឃើញថាវាគឺជាការឆ្លើយតបទៅនឹងសំណើដែលបានធ្វើឡើងក្នុងអំឡុងពេលសន្ទនាតាមទូរស័ព្ទរវាងរដ្ឋមន្ត្រីការបរទេស Georg Georgiev និងសមភាគីរបស់គាត់មកពីសាធារណរដ្ឋម៉ាសេដូនៀខាងជើងលោក Timcho Mucunski។
ជាលទ្ធផលភាគីខាងប៊ុលហ្គារីបានបង្ហាញពីការត្រៀមខ្លួនរបស់ខ្លួនក្នុងការជួយគាំទ្រក្នុងការផ្តល់នូវបរិមាណប្រេងឥន្ធនៈដ៏ចាំបាច់ក្នុងទំហំមួយ ដែលនឹងអាស្រ័យជាក់ស្តែងទៅលើសមត្ថភាពបច្ចេកទេស និងភស្តុភាររបស់ប៊ុលហ្គារី។
គួរឲ្យដឹងដែរថាក្នុងអំឡុងនៃកិច្ចសន្ទនានោះ ភាគីទាំងពីរបានសង្កត់ធ្ងន់ថា ការផ្តល់ជំនួយគឺជាការបង្ហាញពីភាពជាអ្នកជិតខាងល្អ និងសាមគ្គីភាព និងមានគោលបំណងធានាសន្តិសុខថាមពល និងស្ថិរភាពក្នុងតំបន់។
ការប្តេជ្ញាចិត្តរបស់ប៊ុលហ្គារី ធ្វើឡើងបន្ទាប់ពីរដ្ឋាភិបាលនៃសាធារណរដ្ឋម៉ាសេដូនៀខាងជើង បានប្រកាសដាក់ប្រទេសក្នុងភាពអាសន្នកាលពីមួយយប់មុន ដោយសារតែប្រទេសមិនមានដែនជាប់សមុទ្រមួយនេះ (Landloack) បានជួបប្រទះបញ្ហាលំបាកក្នុងការផ្គត់ផ្គង់ប្រេងឥន្ធនៈពីសំណាក់ក្រុមហ៊ុនដឹកជញ្ជូនថាមពល។
គេមើលឃើញថាស្ថានភាពនេះគឺបានបណ្តាលមកពីការបិទច្រកព្រំដែនជាមួយសាធារណរដ្ឋក្រិក ពោលគឺដោយសារតែក្រុមកសិករជនជាតិក្រិក បានបន្តធ្វើបាតុកម្មនិងនិងបន្តធ្វើការរារាំងការនាំចូលប្រេងឥន្ធនៈ និងវត្ថុធាតុដើមចាំបាច់មួយចំនួនទៀតនៅឡើយ៕
Account
Security
Favourite Content