សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បាត់ដំបង ៖ ការដាំស្មៅ ជាបច្ចេកទេសថ្មីមួយដែលអ្នកចិញ្ចឹមសត្វគួរតែដាំដើម្បីទុកជាចំណីឱ្យសត្វស៊ីប្រចាំថ្ងៃ និងមានប្រូតេអ៊ីនខ្ពស់ ជួយជំរុញឱ្យសត្វឆាប់ធំ ហើយចំណេញពេលវេលា និងកម្លាំងពលកម្មក្នុងការមើលថែទាំផងដែរ។
សម្រាប់ពូជស្មៅដែលត្រូវបានគេជ្រើសរើសយកមកដាំមានច្រើនប្រភេទ ដូចជា ប្រភេទស្មៅ គីនេ ស៊ីមួង រុស្ស៊ី ស៊ុបភើនេពា អត្រាតាំ មូឡាតូ និងស្មៅផ្អែមជាដើម ដែលគេអាចជ្រើសរើសដាំទៅតាមប្រភេទដីនៅតាមតំបន់នានា ដើម្បីផ្គត់ផ្គង់ជាចំណីដ៏មានជីវជាតិសម្រាប់សត្វគោ ក្របី ចៀម ពពែ មាន់ ទា ជាដើម។
ជាក់ស្ដែង លោក ហ៊ឹម សិលា ជាអ្នកដាំស្មៅសម្រាប់ផ្គត់ផ្គង់ឱ្យអ្នកចិញ្ចេមសត្វ ក៏ដូចជាអ្នកលក់គ្រាប់ពូជស្មៅ រស់នៅភូមិព្រែកជីក ឃុំព្រែកជីក ស្រុករុក្ខគិរី ខេត្តបាត់ដំបង បានប្រាប់ AMS ឱ្យដឹងថា លោកបានចាប់យកមុខរបរដាំស្មៅដោយសារតែវាងាយស្រួលដាំ មិនពិបាកមើលថែទាំ ពិសេសវាគឺជាចំណីដ៏ល្អសម្រាប់គោ ពពែ ផងដែរ។
លោកបានបញ្ជាក់ថា ៖
“ដោយសារតែវាងាយស្រួលដាំ ថែទាំទឹកតិចតួច មិនសូវប្រើជី ទើបខ្ញុំសម្រេចចិត្តចាប់ផ្តើមដាំតាំងពីឆ្នាំ២០១៩មកម៉្លេះ។ ដោយឡែក សម្រាប់ការចិញ្ចឹមសត្វ ដូចជា សត្វគោ ក្របី ពពែ ចៀម មាន់ ទា ជាដើម នៅពេលដែលយើងឱ្យប្រភេទនេះទៅវាស៊ី វានឹងឆាប់ធំលឿនជាងធម្មតា ចំណេញពេលវេលា និងកម្លាំងក្នុងការរកស្មៅធម្មជាតិ ហើយសុខភាពសត្វចិញ្ចឹមក៏មានភាពរឹងមាំ”
លោកបន្តថា ៖
“ការដាំស្មៅបានផ្ដល់អត្ថប្រយោជន៍យ៉ាងច្រើនចំពោះអ្នកចិញ្ចឹមគោផ្ទាល់តែម្ដង ដែលយើងអាចចំណេញទាំងពេលវេលាទៅធ្វើការងារផ្សេងបាន។ ដោយឡែក សម្រាប់រដូវភ្លៀងក៏មិនជាបញ្ហាអ្វីដែរ យើងគ្រាន់តែមើលទៅលើប្រភេទដី ថាតើដីលិចទឹក ឬក៏មិនលិចទឹក ហើយជ្រើសរើសពូជស្មៅឱ្យត្រូវនឹងប្រភេទដីប៉ុណ្ណោះ។ ទាក់ទងទៅនឹងការដាំ យើងត្រូវមានទីតាំងដីសមស្របនឹងប្រភេទស្មៅ ដែលស្មៅមានដូចជា ស្មៅលិចទឹក និងមិនលិចទឹក”
សម្រាប់ជាជម្រើសរបស់លោក សិលា វិញ លោកបានជ្រើសយកប្រភេទស្មៅមិនលិចទឹក ពោលគឺដាំនៅលើដីគោក តែត្រូវការទឹកស្រោចគ្រប់គ្រាន់ដោយមានម៉ាស៊ីនបូមទឹកដាក់នៅរដូវប្រាំង រួមជាមួយនឹងការប្រើជីធម្មជាតិតិចតួចផងដែរ ដូចជា ជីលាមកគោ ដើម្បីជួយឱ្យស្មៅឆាប់លូតលាស់បានលឿន។
ម្ចាស់កសិដ្ឋានខាងលើនេះបានបន្ថែមថា ៖
“ការដាំស្មៅ អ្វីដែលយើងត្រូវយកចិត្តទុកដាក់បំផុតនោះគឺការថែទាំពីដំបូង មានន័យថា នៅពេលដែលយើងចាប់ផ្ដើមព្រួសគ្រាប់ ព្រោះវាអាចខូច មិនបានផលក៏មាន។ ដូច្នេះហើយ យើងត្រូវធ្វើដីឱ្យស្អាត រើសគ្រាប់ពូជឱ្យត្រូវនឹងប្រភេទដី ឯការព្រួសគ្រាប់ពូជត្រូវត្រាំគ្រាប់ពូជទុកមុនមួយយប់ ហើយពេលព្រួសត្រូវលាយជាមួយដីខ្សាច់ និងបាញ់ថ្នាំការពារស្រមោចចៀសវាងស្រមោចស៊ីគ្រាប់ពូជអស់ ហើយស្រោចទឹកធម្មតា លុះដល់ពេលស្មៅធំអាចច្រូតបានម្ដង ឬពីរដងហើយ នោះពុំមានបញ្ហាអ្វីទៀតនោះទេ ហើយចំពោះរយៈពេលដាំវិញ គិតតាំងពីពេលចាប់ផ្ដើមដាំ យើងចំណាយពេលប្រមាណ ១ខែកន្លះ អាចច្រូតឱ្យគោស៊ីបានហើយ តែនៅពេលយើងច្រូតបានម្ដងហើយ គឺស្មៅលាស់លឿនដែលយើងអាចប្រមូលផលម្ដងទៀតត្រឹម១០ថ្ងៃប៉ុណ្ណោះ”
ទន្ទឹមគ្នានេះដែរ លោក សិលា ក៏បានលើកឡើងពីផលលំបាកផងដែរថា ការដាំស្មៅគឺមានអត្ថប្រយោជន៍ច្រើន តែវាក៏អាចជួបបញ្ហាខ្លះៗផងដែរដូចជាបញ្ហាកង្វះទឹកសម្រាប់ស្រោចនៅរដូវប្រាំង ដែលអាចធ្វើឱ្យស្មៅលូតលាស់យឺត ផ្គត់ផ្គង់ឱ្យគោស៊ីមិនគ្រប់គ្រាន់។ យ៉ាងណាក៏ដោយ នៅពេលថ្ងៃខាងមុខនេះ ម្ចាស់កសិដ្ឋានរូបនេះក៏មានគម្រោងពង្រីកការដាំដុះស្មៅបន្ថែមទៀត ដើម្បីឱ្យគោស៊ីបានគ្រប់គ្រាន់ ខណៈដែលស្មៅទាំងនេះជាចំណីដ៏សំខាន់សម្រាប់គោក្នុងកសិដ្ឋានរបស់លោកផ្ទាល់តែម្ដង។
ចុងក្រោយ លោកក៏សូមលើកទឹកចិត្តឱ្យបងប្អូនកសិករ ក៏ដូចជាអ្នកចិញ្ចឹមសត្វទាំងឡាយមិនថា គោ ក្របី ចៀម ឬពពែនោះទេ គួរតែដាំស្មៅដើម្បីទុកឱ្យសត្វស៊ី ហើយយើងក៏ទទួលបានផលប្រយោជន៍ច្រើន ចំណេញទាំងពេលវេលា ចំណេញទាំងកម្លាំងពលកម្ម និងមានពេលគ្រប់គ្រាន់ក្នុងការមើលថែសត្វ ជាពិសេសមានពេលសម្រាប់ប្រកបការងារផ្សេងៗទៀតផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អ៊ុយក្រែន យល់ព្រមនាំចេញយន្តហោះដ្រូនទៅ អាមេរិក
ព្រឹត្តិការណ៍, អាជីវកម្មថ្មី និងនវានុវត្ត
• 24/07/2026
ប្រទេសអ៊ុយក្រែនបានយល់ព្រមនាំចេញយន្តហោះដ្រូនទៅកាន់សហរដ្ឋអាមេរិក ដើម្បីចូលរួមក្នុងកម្មវិធីប្រកួតប្រជែង “Drone Dominance” របស់មន្ទីរបញ្ចកោណ
កូរ៉េខាងត្បូង គ្រោងលុបគោលនយោបាយ «រំសាយអាវុធនុយក្លេអ៊ែរ» បើកផ្លូវចរចាជាមួយ កូរ៉េខាងជើង
ព្រឹត្តិការណ៍, អាជីវកម្មថ្មី និងនវានុវត្ត
• 24/07/2026
ប្រទេសកូរ៉េខាងត្បូងគ្រោងបោះបង់ចោលគោលនយោបាយ «លុបបំបាត់អាវុធនុយក្លេអ៊ែរ» ដោយបង្វែរមកអនុវត្តយុទ្ធសាស្រ្ត «គិតសន្តិភាពជាធំ» ដើម្បីបើកផ្លូវចរចាជាមួយកូរ៉េខាងជើងសាជាថ្មី ក្នុងគោលបំណងធ្វើឱ្យឧបទ្វីបកូរ៉េគ្មានអាវុធប្រល័យលោក
អាម៉េរិក កំណត់ពន្ធគយ ១០% លើទំនិញនាំចូលពីកម្ពុជា ប៉ុន្តែលើកលែងលើទំនិញគ្រាប់ស្វាយចន្ទី និងសម្លៀកបំពាក់
Top News, ព្រឹត្តិការណ៍, សេដ្ឋកិច្ច
• 24/07/2026
អាម៉េរិកសម្រេចកំណត់ពន្ធគយ ១០% លើទំនិញនាំចូលពីកម្ពុជាក្រោមមាត្រា៣០១ ប៉ុន្តែផ្តល់ការលើកលែងលើទំនិញគ្រាប់ស្វាយចន្ទី និងសម្លៀកបំពាក់
រដ្ឋបាល Trump ជំរុញឱ្យអារ៉ាប៊ីសាអូឌីត ទទួលស្គាល់អ៊ីស្រាអែល ដើម្បីអាចទទួលបានបច្ចេកវិទ្យានុយក្លេអ៊ែរពីអាមេរិក
ព្រឹត្តិការណ៍, អាជីវកម្មថ្មី និងនវានុវត្ត
• 24/07/2026
កិច្ចព្រមព្រៀងជាប្រវត្តិសាស្ត្រក្នុងការផ្តល់បច្ចេកវិទ្យានុយក្លេអ៊ែរស៊ីវិលអាមេរិក ទៅឱ្យអារ៉ាប៊ីសាអូឌីត នឹងត្រូវផ្អែកលើលក្ខខណ្ឌដ៏តឹងរ៉ឹងមួយ ហើយ រដ្ឋាភិបាលទីក្រុងរីយ៉ាត នៃប្រទេសអារ៉ាប៊ីសាអូឌីត ចាំបាច់ត្រូវតែទទួលស្គាល់អ៊ីស្រាអែលជាផ្លូវការ
សហគ្រិនខ្មែរ ពង្រីកការគាំទ្រដល់សហគ្រិន ពង្រឹងភាពជាដៃគូ និងបង្កើនឱកាសទីផ្សារសម្រាប់ផលិតផលខ្មែរ
ព្រឹត្តិការណ៍, អត្ថបទពាណិជ្ជកម្ម
• 24/07/2026
ក្រុមប្រឹក្សាបរធនបាលនៃសហគ្រិនខ្មែរ បានរៀបចំកិច្ចប្រជុំលើកទី២០ ដើម្បីពិនិត្យវឌ្ឍនភាពនៃការអនុវត្តកម្មវិធី និងអនុម័តគំនិតផ្តួចផ្តើមសម្រាប់ទិសដៅការងារដំណាក់កាលបន្ទាប់ សំដៅពង្រឹងប្រសិទ្ធភាពនៃការគាំទ្រសហគ្រិនភាពនៅកម្ពុជា
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content