ផ្ទះស្នាក់គំរូមួយកន្លែង ដាក់បំរាមចាក់តន្ត្រី មិនលក់គ្រឿងស្រវឹង មិនប្រើប្រាស់ប្លាស្ទីក

កោះកុង ៖ ទេសចរណ៍ គឺជាវិស័យដ៏មានសក្កានុពលមួយ ដែលគេតែងនិយមហៅថាជាឧស្សាហកម្មគ្មានផ្សែង។ សេវាករក្នុងស្រុកអាចទទួលផលបានច្រើនណាស់ពីការទទួលភ្ញៀវទេសចរមកពីគ្រប់ទិសទី តាមរយៈការលក់ជាកញ្ចប់ដំណើរកម្សាន្ដ ស្នាក់នៅ និងហូបចុកជាដើម។ ប៉ុន្តែ ដើម្បីអាចទទួលផលពីវិស័យនេះបានយូរអង្វែង ទាំងសេវាករ និងអ្នកទេសចរចាំបាច់ត្រូវចូល រួមថែរក្សាសណ្ដាប់ធ្នាប់ ជាពិសេសគឺឥរិយាបថតែម្ដង។ បញ្ហាចាក់តន្ត្រីបង្កសំលេងរំខាន ការផឹកគ្រឿង ស្រវឹង និងការចោលសំរាមពាសវាលពាសកាល ជារឿយៗបានកើតមាននៅតាមរម្យណីយដ្ឋាន និងតំបន់​កម្សាន្ដ ដែលវាសឹងតែក្លាយជាទម្លាប់របស់ អ្នកដើរកម្សាន្ដមួយចំនួនទៅហើយ។

ដោយមើលឃើញ និងចង់កែប្រែពីបញ្ហានេះ ផ្ទះស្នាក់មួយដែលមានទីតាំងនៅក្នុងឃុំជីផាត ស្រុកថ្ម បាំង ខេត្តកោះកុង បានដាក់នូវបម្រាមមួយចំនួនដែលគេយល់ថាអាចប៉ះពាល់ដល់សិទ្ធិបុគ្គលក្នុងការសម្រាកលំហែកាយ។

អ្នកនាង ខេង ម៉ាលី ដែលជាស្ថាបនិក​ផ្ទះស្នាក់ ចម្ការព្រៃ (Wild Farm) បានឱ្យដឹងថា ផ្ទះស្នាក់របស់ខ្លួនផ្ដោតសំខាន់លើភាពស្ងប់សុខនៃធម្មជាតិ ដូច្នេះហើយអ្នកនាងចង់ឱ្យអ្នកមកស្នាក់នៅអាចទទួល បានអារម្មណ៍រីករាយ ស្នាក់នៅក្នុងបរិយាកាសនៃធម្មជាតិពិតៗ អាចស្ដាប់សំលេងខ្យល់ សំលេងទឹកហូរ សំលេងបក្សាបក្សី ដែលទើបជាតន្ត្រីពិតប្រាកដ។ ជាផ្ទះស្នាក់ធ្វើពីឈើ លាតសន្ធឹងលើផ្ទៃដីចំការរាប់ហិចតា ព្រមទាំងស្ថិតនៅជាប់មាត់ព្រែកផងនោះ កាន់តែធ្វើឱ្យទីតាំងទេសចរណ៍មួយនេះ មានសម្រស់ស្រស់បៃតងខ្ចីនារដូវវស្សា ហើយដែលវាពិត​ជាគួរឱ្យសោកស្ដាយប្រសិនបើអ្នកទេសចរមិនបានសន្ដាប់តន្ត្រីធម្មជាតិទាំងនេះ។

អ្នកនាង ខេង ម៉ាលី បានរៀបរាប់ថា៖

“យើងពិតជាមិនចង់ឱ្យការកំសាន្តសប្បាយរបស់យើង ស្ថិតនៅលើតន្រ្តីលឺៗនោះទេ វាប៉ះពាល់ និងរំខានដល់សត្វព្រៃនានាដែលមានក្នុងចំការយើង ក៏ដូចជា​ទីក្បែរៗនេះ…កាលណា​មាន​ការរំខាន សត្វទាំងនោះនឹងផ្អើលរត់ទៅកន្លែងឆ្ងាយផ្សេងទៀតប្រាកដជា លែងនៅក្នុងចម្ការយើងទៀតហើយ យើង​ចង់រក្សា និង អោយសត្វព្រៃរស់នៅកន្លែងវាដោយស្ងប់សុខ​ដូចយើងដែរ”

អ្នកនាងបានសង្កេតឃើញឥរិយាបថមិនសមស្របជាច្រើនផងដែរ ជាពិសេសអ្នកដើរព្រៃ បោះតង់ ដែលតែងតែនិយាយថាខ្លួនចង់ស្ងប់ស្ងាត់ជាមួយធម្មជាតិ ប៉ុន្តែបែរជាចាក់តន្ត្រីតម្លង់ទៅវិញ។

អ្នកនាងបន្តថា៖

“ខ្ញុំពិតជាចង់អោយពួកគាត់យល់​ និងកែប្រែនូវទម្លាប់មួយនេះណាស់ព្រោះវាមិន​ត្រឹមតែ​ប៉ះពាល់ដល់សិទ្ធិបុគ្គលទេ វាប៉ះពាល់ដល់ប្រយោជន៍រួម និងប្រយោជន៍ជាតិដែរ ព្រោះគ្រប់​តំបន់​​ទេសចរណ៍យើង មិនមែនមានតែភ្ញៀវជាតិទេ គឺមានបរទេសផងដែរ”

ម្ចាស់ផ្ទះស្នាក់រូបនេះបន្តថា៖

“ខណៈពេលដែលមនុស្ស​ជាច្រើន ពិសេសក្រសួង ថ្នាក់ដឹកនាំខិតខំផ្សព្វ​ផ្សាយពីតំបន់ទេចរណ៍ អួតពីប្រទេសជាតិដល់​ពិភព​លោកដើម្បីទាក់ទាញទេសចរណ៍មកលេង បែរជា​ត្រូវបានមនុស្សមួយចំនួនតូចសាងរូបភាពមិនល្អទៅវិញ”

អ្នកនាងបានបញ្ជាក់ផងដែរថា ភ្ញៀវដែលនិយមទៅកម្សាន្ដនៅផ្ទះស្នាក់ខ្លួន គឺភាគច្រើនជាភ្ញៀវដែល មានចំណូលចិត្តស្ងប់ស្ងាត់ និងស្រឡាញ់ធម្មជាតិ។ ក្រៅតែពីសេវាកម្មស្នាក់នៅ ផ្ទះស្នាក់មួយនេះ​ក៏មានផ្ដល់នូវសេវាកម្មម្ហូបអាហារផងដែរ ប៉ុន្តែក្នុងនោះគឺមិនមាននូវការលក់គ្រឿងស្រវឹងនោះទេ។ រីឯបន្លែ និងសាច់ទៀតសោត គឺអ្នកនាងទិញយកពីកសិករដែលរស់នៅក្នុងតំបន់នោះស្រាប់តែម្ដង។ លើសពីនេះទៅទៀត សម្រាប់ការវេចខ្ចប់ផ្សេងៗ ផ្ទះស្នាក់ចម្ការព្រៃព្យាយាមកាត់បន្ថយនូវការប្រើ​ប្រាស់ផ្លាស្ទីក ដោយជំនួសមកវិញនូវថង់បរិស្ថាន ដបទឹកបរិស្ថាន និងកញ្រ្ចែងសម្រាប់ដាក់បន្លែ ជាដើម។ ជាចុងក្រោយ អ្នកនាង ខេង ម៉ាលី បានសំណូមពរដល់បណ្ដាអ្នកទេសចរ បើទោះជាធ្វើដំណើរកម្សាន្ដ ទៅកាន់ទីណា សូមចូលរួមថែរក្សាបរិស្ថាន ឱ្យតម្លៃគ្នា និងគោរព្ធសិទ្ធអ្នកដទៃ ដើម្បីការរស់នៅដែល មានសុខដមរម្យនារៀងៗខ្លួន៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ទូតអាមេរិកថ្មី បន្តពូនជ្រំ និងជំរុញកិច្ចសហប្រតិបត្តិការទ្វេភាគី ខណៈពាណិជ្ជកម្មកម្ពុជា-អាមេ​រិក ១០ខែ ឆ្នាំ២០២៦ ហក់ឡើងដល់ជិត ១៤ពាន់លានដុល្លារ

ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ៖ ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជា ឯកឧត្តម Christopher Anderson បានបង្ហាញពីការប្តេជ្ញាបន្តពូនជ្រុំទំនាក់ទំនង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីឱ្យកាន់តែរឹងមាំ ខណៈដែលពាណិជ្ជកម្មរវាងប្រទេសទាំងពីរក្នុងរយៈពេល ១០ខែ ឆ្នាំ២០២៦ សម្រេចបានទំហំទឹកប្រាក់រហូតដល់ ១៣,៨២ពាន់លានដុល្លារ ដែលជាសញ្ញាវិជ្ជមានគួរជាទីមោទន។ ក្នុងឱកាសទទួលបានការអនុញ្ញាតចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាព្រឹកថ្ងៃទី១៨ ខែវិច្ឆិកា

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈប៉ុន្មានឆ្នាំចុងក្រោយ

Top News, ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។  យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា

ប្រទេសសមាជិកសហភាពអឺរ៉ុប បើកភ្លើងខៀវឲ្យមានចុះហត្ថលេខាលើកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី

ព្រឹត្តិការណ៍, សេដ្ឋកិច្ច

• 19/11/2026

បរទេស៖ រដ្ឋាភិបាលនៃបណ្តាប្រទេសសមាជិកសហភាពអឺរ៉ុប (EU) អនុម័តលើការចុះហត្ថលេខាស្ដីពីកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី ដែលធ្លាប់បានឯកភាពគ្នាកាលពីគ្រាមុន ដើម្បីទប់ទល់ផលប៉ះពាល់ពីការដំឡើងពន្ធគយរបស់អាម៉េរិក នេះបើយោងតាមសេចក្ដីរាយការណ៍ពី Al Jazeera ។ កាលពីថ្ងៃពុធកន្លងទៅនេះ ក្រុមប្រឹក្សាសហភាពអឺរ៉ុបបានចេញសេចក្តីសម្រេចអនុញ្ញាតឱ្យអនុវត្តកិច្ចព្រមព្រៀងពាណិជ្ជកម្មជាមួយឥណ្ឌូណេស៊ីជាបណ្តោះអាសន្ន ដោយភាគីទាំងពីរនឹងលុបចោលពន្ធនាំចូលលើមុខទំនិញជាង ៩០ ភាគរយ ហើយពន្ធនាំចូលចំនួន ៥០ ភាគរយរបស់ឥណ្ឌូណេស៊ីលើការនាំចូលរថយន្តពីសហភាពអឺរ៉ុប នឹងត្រូវលុបបំបាត់ចោលក្នុងរយៈពេល ៥

កាណាឌីយ៉ា អ៊ីមផេក ហ្វាន់ ចាប់ដៃគូជាមួយ Plug and Play APAC ដើម្បីតភ្ជាប់ក្រុមហ៊ុនធុរកិច្ចថ្មី របស់កម្ពុជា ទៅកាន់ឱកាសនានានៅលើឆាកអន្តរជាតិ

ព្រឹត្តិការណ៍, អត្ថបទពាណិជ្ជកម្ម

• 19/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ (Canadia Impact Fund) បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Plug and Play APAC នៅក្នុងព្រឹត្តិការណ៍ហ្រ្វង់កូតិច (FrancoTech) 2026 ដែលបានរៀបចំឡើងនៅមជ្ឈមណ្ឌលតាំងពិព័រណ៍កោះពេជ្រ ក្នុងឱកាសនៃកិច្ចប្រជុំកំពូលហ្វ្រង់កូហ្វូនី

សហគមន៍​កសិកម្ម ​​២៥ ​នៅ​កំពង់ធំ​ ​ទទួល​ត្រាក់ទ័រ​ ​និង​សម្ភារៈ​កសិកម្ម ​ដើម្បី​កាត់បន្ថយ​ថ្លៃ​ដើម​ផលិតកម្ម

ព្រឹត្តិការណ៍, សេដ្ឋកិច្ច

• 19/11/2026

សហគមន៍​កសិកម្ម​ចំនួន​ ​២២ ​និង​សហគមន៍​កសិកម្ម​ទំនើប​ចំនួន​ ៣ ​នៅ​ទូទាំង​ខេត្ដ​កំពង់ធំ​ ​ទទួល​បាន​ត្រាក់ទ័រ​ចំនួន​ ១៦ ​គ្រឿង​ គោយន្ត​ចំនួន​ ​២​ ​គ្រឿង​ ​និង​លាន​ហាល​សម្ងួត​គ្រាប់​ចំនួន​ ​១០ ​កន្លែង​ ​ដើម្បី​ជួយ​បង្កើន​ផលិតភាព​កសិកម្ម ​កាត់បន្ថយ​ថ្លៃ​ដើម​ពលកម្ម ​និង​ពង្រឹង​ភាព​ធន់​នឹង​ការ​ប្រែប្រួល​អាកាសធាតុ

ប្រមុខដឹកនាំអន្តរជាតិកំពូលៗដែលចូលរួមកិច្ចប្រជុំ ហ្វ្រង់កូហ្វូនី លើកទី២០ ឆ្លៀតពេលលម្ហែនៅក្នុងរាជធានីភ្នំពេញយ៉ាងសាមញ្ញ

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

ក្រៅពីកិច្ចប្រជុំការទូតផ្លូវការ និងកាលវិភាគរដ៏មមាញឹកនៃកិច្ចប្រជុំកំពូលហ្វ្រង់កូហ្វូនីលើកទី២០ ថ្នាក់ដឹកនាំបរទេសជាច្រើនរូបបានទទួលយកបទពិសោធន៍នៃការដើរកម្សាន្តក្នុងរាជធានីភ្នំពេញ ក្រោមទិដ្ឋភាពដ៏សាមញ្ញ។

គម្រោង​ខ្សែ​បញ្ជូន​អគ្គិសនី​​ ២៣០​ គីឡូ​វ៉ុល​ តម្លៃ​ ១៨៣ ​លាន​ដុល្លារ ​បើក​ផ្លូវ​ពង្រីក​ឧស្សាហកម្ម ​និង​បង្កើត​ការងារ​ថ្មី​

ព្រឹត្តិការណ៍, សេដ្ឋកិច្ច

• 19/11/2026

​រាជ​រដ្ឋាភិបាល​កម្ពុជា​ តាមរយៈ​ក្រសួង​រ៉ែ ​និង​ថាមពល ​បាន​ប្រកាស​បើកការដ្ឋាន​សាងសង់​ខ្សែ​បញ្ជូន​អគ្គិសនី​តង់ស្យុង​ ​២៣០​គីឡូ​វ៉ុល​ ប្រវែង​ប្រមាណ​ ​១២០​ គីឡូម៉ែត្រ ​ក្នុង​ទំហំ​ទឹកប្រាក់​ ​១៨៣ ​លាន​ដុល្លារ​អាម៉េរិក​ ​ដោយ​ប្រើប្រាស់​ឥណទាន​ពី​ធនាគារ​អភិវឌ្ឍន៍​អាស៊ី ​(​ADB​)​ ​ដើម្បី​ត​ភ្ជាប់​ខេត្ត​ពោធិ៍សាត់​ ​កំពង់ឆ្នាំង ​និង​កណ្ដាល

FBI ទម្លាយថា ក្រុម Hacker គាំទ្រដោយកូរ៉េខាងជើង ប្រើល្បិច call Video ក្លែងក្លាយ លួចលុយគ្រីបតូជាង ៤០០ លានដុល្លារពីជនរងគ្រោះជាង ៩០០ នាក់

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

បរទេស ៖ ការិយាល័យស៊ើបអង្កេតសហព័ន្ធអាម៉េរិក (FBI) បានរាយការណ៍ថា ក្រុម Hacker ដែលគាំទ្រដោយរដ្ឋាភិបាលកូរ៉េខាងជើង លួចយករូបិយប័ណ្ណគ្រីបតូ ដែលគិតជាទឹកប្រាក់ជាង ៤០០ លានដុល្លារ ពីជនរងគ្រោះជាង ៩០០ នាក់ ក្នុងរយៈពេល ១៨ ខែកន្លងមក នេះបើយោងតាមការចុះផ្សាយរបស់ BBC។

អាស៊ានបញ្ចប់កិច្ចប្រជុំកំពូលលើកទី៤៩ ជាមួយលទ្ធផលសំខាន់ៗជាង ១០០ និងកិច្ចព្រមព្រៀងសេដ្ឋកិច្ចឌីជីថល

ព្រឹត្តិការណ៍, សេដ្ឋកិច្ច

• 19/11/2026

កិច្ចប្រជុំកំពូលអាស៊ានលើកទី៤៩ និងកិច្ចប្រជុំកំពូលពាក់ព័ន្ធនានា បានបញ្ចប់នៅល្ងាចថ្ងៃទី១៧ ខែវិច្ឆិកា ឆ្នាំ២០២៦ នៅទីក្រុងម៉ានីល ប្រទេសហ្វីលីពីន ដោយសម្រេចបានឯកសារលទ្ធផលជាង ១០០ ស្តីពីកិច្ចសហប្រតិបត្តិការសេដ្ឋកិច្ច ពាណិជ្ជកម្ម ឌីជីថល និងសន្តិសុខតំបន់ ព្រមទាំងបានបញ្ចប់អាណត្តិប្រធានអាស៊ានរបស់ហ្វីលីពីន និងផ្ទេរតំណែងជាផ្លូវការទៅឱ្យសិង្ហបុរីសម្រាប់ឆ្នាំ២០២៧

បណ្តាញ​ផ្លូវ​ដែក​ចិន​បំបែក​កំណត់​ត្រា​ថ្មី​​ ដោយ​មាន​អ្នក​ដំណើរ​ជាង​ ៤ ពាន់​លាន​ដង​ក្នុង​ឆ្នាំ​ ​២០​២៦​

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត, អាជីវកម្មថ្មី និងនវានុវត្ត

• 19/11/2026

បណ្តាញ​ផ្លូវ​ដែក​ដ៏​ធំ​របស់​ប្រទេស​ចិន ​បាន​ដឹកជញ្ជូន​អ្នក​ដំណើរ​រហូតដល់​ ៤​,​១៣ ​ពាន់​លាន​ដង​ ​ក្នុង​រយៈពេល​ ១០​ ​ខែ​ដំបូង​នៃ​ឆ្នាំ​ ២០២៦ ​ដែល​ជា​កំណត់​ត្រា​ថ្មី​ ​និង​កើនឡើង​ ​៤​,​៧ ​ភាគ​រយ ​បើ​ធៀប​នឹង​រយៈពេល​ដូចគ្នា​កាលពី​ឆ្នាំ​មុន