សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បន្ទាប់រោងចក្រផលិតសំបកកង់យានយន្តធំៗចំនួន ២ ដែលបានប្រកាសបោះទុនវិនិយោគប្រមាណជាង ៦០០ លានដុល្លារនៅកម្ពុជា វិស័យដាំដុះកៅស៊ូត្រូវបានរំពឹងថានឹងអាចក្លាយជាអនុវិស័យដ៏សំខាន់មួយក្នុងការជំរុញ និងរក្សាលំនឹងកំណើនសេដ្ឋកិច្ចកម្ពុជា។
កាលពីថ្មីៗនេះ ក្រុមហ៊ុន General Intelligence (Cambodia) Co., Ltd. ដែលវិនិយោគដោយជនជាតិចិន បានសម្រេចបោះទុនវិនិយោគជិត ២៩៧ លានដុល្លារអាមេរិកបង្កើតរោងចក្រផលិតសំបកកង់យានយន្តគ្រប់ប្រភេទក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ។
ជាមួយគ្នានេះដែរ កាលពីខែកក្កដា ឆ្នាំ២០២១ ក្រុមហ៊ុន Cart Tire Co., Ltd ជាក្រុមហ៊ុនមកពីប្រទេសចិនដូចគ្នា បានសម្រេចចិត្តមកបណ្តាក់ទុនវិនិយោគនៅកម្ពុជា បង្កើតរោងចក្រផលិតសំបកកង់យានយន្តក្នុងទុនវិនិយោគប្រមាណ ៣៥០លានដុល្លារអាមេរិក លើផ្ទៃដីទំហំ ៥០ ហិកតា នៅក្នុងតំបន់សេដ្ឋកិច្ចពិសេស ឈីលូ ជាន ពុចាយ នៅក្រុងបាវិត ខេត្តស្វាយរៀង។
ការវិនិយោគ និងការបោះទីតាំងវិនិយោគរបស់ក្រុមហ៊ុនទាំងពីរនេះនៅកម្ពុជាបានបង្កើតការងារជាច្រើនកន្លែងសម្រាប់ប្រជាពលរដ្ឋ និងផលិតសំបកង់យានយន្តរាប់លានសំបក ដើម្បីនាំចេញទៅទីផ្សារអន្តរជាតិ។ ការណ៍នេះនឹងអាចជួយដល់វិស័យកៅស៊ូនៅកម្ពុជាឱ្យមានទីផ្សារកាន់តែប្រសើរ។
លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាបានលើកឡើងថា ចំពោះវត្តមានរោងចក្រទាំងនេះមានសារៈសំខាន់ណាស់សម្រាប់វិស័យកៅស៊ូ ទាំងក្រុមហ៊ុន និងអ្នករកស៊ីបែបគ្រួសារក្នុងវិស័យដំណាំកៅស៊ូ ព្រោះវាបានបង្កើតឱ្យទីផ្សារក្នុងស្រុក។
លោកឧកញ៉ាបានថ្លែងបន្តថា ៖
“មួយរយៈចុងក្រោយនេះ រោងចក្រផលិតសំបក់កង់យានយន្តកើតឡើងជាបន្តបន្ទាប់ ដែលជាក្តីសង្ឃឹមរបស់វិស័យកៅស៊ូ ដែលយើងសង្ឃឹមថា ចាប់ពេលនេះតទៅ យើងមិនសូវជាបារម្ភនៅពេលដែលជាប់គាំងកៅស៊ូ ព្រោះពីមុនភាគច្រើន កៅស៊ូគឺអាស្រ័យលើទីផ្សារស្រុកកៅ និងទីផ្សារប្រទេសជិតខាងយើងនេះឯង ហើយបើសិនមានការជាប់គាំង ឬគេអត់ទិញផលិតផលយើង វាធ្វើឱ្យចរន្តកៅស៊ូ និងសាច់ប្រាក់ដែលផ្គត់ផ្គង់ឱ្យក្រុមហ៊ុន និងគ្រួសារនេះ វាធ្វើឱ្យមានការរាំងស្ទះ”
លោកឧញ៉ាបានបន្តថា ៖
“នេះគឺជាចំណុចសំខាន់ដែលយើងចង់បាន។ ចាប់ពីពេលនេះតទៅ យើងមានអ្នកទិញកៅស៊ូក្នុងស្រុក ដែលធ្វើឱ្យវិស័យកៅស៊ូ និងសាច់ប្រាក់មានចរន្ត ទន្ទឹមនឹងច្បាប់វិនិយោគថ្មីរបស់យើងដែលត្រូវបានដាក់ឱ្យប្រើប្រាស់នេះ គឺបានលើកលែងនូវពន្ធអាករបន្ថែម ១០ ភាគរយ ដែលផ្គត់ផ្គង់នៅក្នុងស្រុកដល់រោងចក្រ សហគ្រាសផលិតសម្រាប់ការនាំចេញនេះ។ វាគឺជាការលើកទឹកចិត្តមួយទៀត ដែលទំនាក់ទំនងទំនិញ និងវត្ថុធាតុដើមអាចផ្គត់ផ្គង់ឱ្យរោងចក្រ សហគ្រាស ដែលផលិតសម្រាប់ការនាំចេញដោយរួចអាករបន្ថែម (VAT)”
លោកឧកញ៉ាបានថ្លែងទៀតថា សព្វថ្ងៃនេះ រោងចក្រផលិតសំបកកង់យានយន្តចាប់ផ្តើមទិញកៅស៊ូជាបណ្តើរៗហើយ។ ទៅថ្ងៃអនាគត ប្រទេសកម្ពុជានឹងមានវិស័យជាច្រើនទៀត ដែលអាចទ្រទ្រង់សេដ្ឋកិច្ចក្រៅពីវិស័យកាត់ដេរ គឺអនុវិស័យទ្រទ្រង់ ដូចជាវិស័យកៅស៊ូ និងវិស័យឧស្សាហកម្មកែច្នៃវត្ថុធាតុដើមនៅកម្ពុជា ដែលជាកត្តាជួយរក្សាលំនឹងសេដ្ឋកិច្ចរបស់ប្រទេស ហើយក្រៅពីក្រុមហ៊ុនផលិតទាំងអស់នេះដែលមានស្រាប់ នឹងមានភាពទាក់ទាញការវិនិយោគទាំងការដាំដុះកៅស៊ូ និងពង្រីកផ្ទៃដីកៅស៊ូ ដើម្បីផ្តត់ផ្គង់ដល់រោងចក្រសហគ្រាស។ បច្ចុប្បន្ន កម្ពុជាទទួលបានចំណូលជាង ៦១១លានដុល្លារ ពីការនាំចេញជ័រកៅស៊ូ និងឈើកៅស៊ូ នៅឆ្នាំ២០២១។ គិតត្រឹមឆ្នាំ២០២១ ផ្ទៃដីកៅស៊ូសរុបនៅកម្ពុជាមានចំនួន ៤០៤ ០៤៤ហិកតា ក្នុងនោះ ផ្ទៃដីចៀរជ័រមានចំនួន ៣១០ ១៩៣ហិកតា ស្មើនឹង ៧៧% និងផ្ទៃដីថែទាំមានចំនួន ៩៣ ៨៥១ហិកតា ស្មើនឹង២៣%។ នេះបើតាមរបាយការណ៍ របស់អគ្គនាយកដ្ឋានកៅស៊ូ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អឺរ៉ុប ប្រឈមបញ្ហាផ្ទៃក្នុងធ្ងន់ធ្ងរ ពលរដ្ឋអស់ទំនុកចិត្ត ខណៈមេដឹកនាំធំៗបន្តដាក់អាទិភាពលើវិស័យយោធា
ព្រឹត្តិការណ៍, អាជីវកម្មថ្មី និងនវានុវត្ត
• 09/10/2026
បរទេស ៖ វិបត្តិដ៏ធ្ងន់ធ្ងរមួយកំពុងផ្ទុះឡើងយ៉ាងខ្លាំងនៅទូទាំងសហភាពអឺរ៉ុប តាមរយៈការតវ៉ាអំពីបញ្ហាប្រចាំថ្ងៃជាច្រើនរបស់ប្រជាពលរដ្ឋទូទៅ ខណៈដែលអាទិភាពភូមិសាស្ត្រនយោបាយបានបង្ខំឲ្យរដ្ឋាភិបាលរបស់ពួកគេបែរជាងាកទៅរកការត្រៀមខ្លួនដើម្បីធ្វើសង្គ្រាមទៅវិញ។ នៅក្នុងអត្ថបទវិភាគមួយដែលចេញផ្សាយដោយកាសែត RT បានសរសេរថា រាប់ចាប់ពីបញ្ហាហេដ្ឋារចនាសម្ព័ន្ធសាធារណៈ មានការទ្រុឌទ្រោម តម្លៃជីវភាពរស់នៅរបស់ពលរដ្ឋកើនឡើងកប់ពពក ហើយវិស័យឧស្សាហកម្មប្រឈមនឹងការកាត់បន្ថយយ៉ាងគំហុក ប៉ុន្តែមេដឹកនាំជាច្រើននៅទ្វីបនេះកំពុងបង្វែរធនធានរដ្ឋកាន់តែច្រើនឡើងទៅក្នុងកញ្ចប់ថវិកាការពារជាតិ ការបំពាក់អាវុធយោធាឡើងវិញ និងការត្រៀមខ្លួនផ្នែកសន្តិសុខ។ ការមើលរំលងបញ្ហាផ្ទៃក្នុងដែលកំពុងតែកើតមានកាន់តែធ្ងន់ធ្ងរ និងការបង្កើនកម្លាំងយោធាខាងក្រៅនេះបានគាស់រំលើងភាពវឹកវរជាសាធារណៈកាន់តែស៊ីជម្រៅនៅតាមបណ្តាតំបន់ទីប្រជុំជន និងទីក្រុងសំខាន់ៗនៅទូទាំងអឺរ៉ុបភាគខាងលិច។ ជាក់ស្តែង នៅក្នុងប្រទេសអេស្ប៉ាញ
សាខា ៤ ថ្មីបន្ថែមទៀតរបស់ អិលអូអិលស៊ី ត្រូវបានដាក់ឱ្យដំណើរការ «ឥណទានមាសកើនទ្រព្យ» ជាផ្លូវការ ដើម្បីបំពេញតម្រូវការសាច់ប្រាក់បន្ទាន់ជូនអតិថិជន
ព្រឹត្តិការណ៍, អត្ថបទពាណិជ្ជកម្ម
• 09/10/2026
ខេត្តកណ្តាល និងខេត្តកំពង់ស្ពឺ៖ ដើម្បីបន្តឆ្លើយតបទៅនឹងតម្រូវការហិរញ្ញវត្ថុរបស់អតិថិជនដែលរស់នៅតាមបណ្តាខេត្តនានា ក្រៅពីរាជធានីភ្នំពេញ ឱ្យទទួលបាននូវដំណោះស្រាយហិរញ្ញវត្ថុដែលមានភាពងាយស្រួលនិងមានសុវត្ថិភាព អិលអូអិលស៊ី បានដាក់ដំណើរការនូវផលិតផល «ឥណទានមាសកើនទ្រព្យ» នៅសាខាចំនួន ៤ បន្ថែមទៀត មានដូចជាសាខាក្រុងតាខ្មៅ – សង្កាត់រកាខ្ពស់ សាខាស្រុកកោះធំ – ឃុំព្រែកថ្មី សាខាស្រុកអង្គស្នួល – ឃុំបែកចាន
អាម៉េរិក-មីយ៉ាន់ម៉ា ចូលតុចរចាស្ងាត់ៗ ដើម្បីពិចារណាទណ្ឌកម្មឡើងវិញ ជាពិសេសកុងត្រារ៉ែកម្រ
ព្រឹត្តិការណ៍, អាជីវកម្មថ្មី និងនវានុវត្ត
• 09/10/2026
បរទេស ៖ រដ្ឋាភិបាលអាម៉េរិក កំពុងផ្លាស់ប្តូរនយោបាយរបស់ខ្លួនយ៉ាងស្ងៀមស្ងាត់ចំពោះប្រទេសមីយ៉ាន់ម៉ា ដោយជំនួសមកវិញនូវការផ្អាកទណ្ឌកម្មដែលខ្លួនបានដាក់ជាច្រើនឆ្នាំមកហើយនោះដើម្បីប្រាស្រ័យទាក់ទងដោយផ្ទាល់ និងពិចារណាឡើងវិញនូវការលើកលែងទណ្ឌកម្មទាំងនោះ។ នៅក្នុងអត្ថបទមួយដែលត្រូវបានចេញផ្សាយដោយ CNA នាពេលថ្មីៗនេះបានពន្យល់ថា មូលហេតុចម្បងនៅពីក្រោយការកែប្រែនយោបាយការទូតភ្លាមៗនេះ គឺដោយសារតែតម្រូវការបន្ទាន់របស់ទីក្រុងវ៉ាស៊ីនតោនក្នុងការទទួលបានសិទ្ធិចូលទៅកាន់ប្រភពធនធានរ៉ែកម្រ (Heavy Rare Earth Elements) ដ៏ច្រើនសន្ធឹកសន្ធាប់របស់មីយ៉ាន់ម៉ា ដែលជាវត្ថុធាតុដើមដ៏សំខាន់សម្រាប់ផលិតកម្មបច្ចេកវិទ្យា គ្រឿងអេឡិចត្រូនិក បរិក្ខាការពារជាតិ និងការផលិតយានយន្តអគ្គិសនី។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content