អាជីវកម្មលក់សម្ភារៈត្បាញដោយដៃនឹងមានតម្រូវការខ្ពស់ក្នុងឱកាសបុណ្យចូលឆ្នាំខ្មែរ

ភ្នំពេញ ៖ សម្ភារៈប្រើប្រាស់ដូចជា ឈ្នាង អង្រុត ទ្រូ ដែលគេតែងតែប្រើសម្រាប់នេសាទកាលពីមុន បច្ចុប្បន្នក្រៅតែពីនេសាទហើយ គេក៏អាចយកវត្ថុទាំងនេះមកដាក់តាំងលម្អក្នុងពិធីផ្សេងៗ ជាពិសេសនៅថ្ងៃសង្ក្រាន្តដែលប្រើដើម្បីតុបតែងលម្អក្នុងកម្មវិធីមិនថានៅតាមគ្រឹះស្ថានរដ្ឋ ឬឯកជននោះទេ។ ហេតុនេះ វាជាឱកាសមួយសម្រាប់អាជីវកម្មលក់សម្ភារៈត្បាញនានាដើម្បីត្រៀមខ្លួនឱ្យបានរួចរាល់សម្រាប់ផ្គត់ផ្គង់ក្នុងកំឡុងបុណ្យចូលឆ្នាំខ្មែរខាងមុខនេះ។

កញ្ញា ធូ ចាន់ណារីន ជាម្ចាស់អាជីវកម្មលក់សម្ភារៈ​ត្បាញដោយដៃ Handmade Crafts បានប្រាប់ AMS ឲ្យដឹងថា៖

«សម្រាប់ខាងសិប្បកម្មយើងកំពុងត្រៀមសម្ភារផ្សេងៗដែលពេញនិយមនៅរដូវចូលឆ្នាំប្រពៃណីខ្មែរខាងមុខ ដែលក្នុងនោះមានសម្ភារៈសម្រាប់ដាក់តាំង ដូចជា ឈ្នាង អង្រុត ទ្រូ ចង្អេរ ល្អី ទាំងទំហំតូច និងទំហំធំសម្រាប់តាំងលម្អនៅថ្ងៃសង្ក្រាន្ត ក្រៅពីនេះយើងមានជើងពានសម្រាប់ដាក់ផ្លែឈើទទួលទេវតា ក៏ដូចជាក្អមសម្រាប់លេងល្បែងវាយក្អមនៅថ្ងៃចូលឆ្នាំផងដែរ»។

កញ្ញាបន្តថា៖

«នៅឆ្នាំនេះយើងរំពឹងទុកថា សម្ភារៈទាំងនេះនឹងលក់ដាច់ជាងឆ្នាំមុន ព្រោះពីមួយឆ្នាំទៅមួយឆ្នាំឃើញថាតម្រូវការកាន់តែកើនឡើង ទីផ្សារកាន់តែធំដែលយើងមានលក់តាមបណ្ដាញសង្គមបន្ថែមទៀត ហើយយើងក៏បានត្រៀមខ្លួនរៀបរយជាងឆ្នាំមុន ដែលយើងផ្គត់ផ្គង់មិនទាន់តម្រូវការលក់អស់កណ្ដាលទីតែម្ដង»។

គួរបញ្ជាក់ដែរថា កញ្ញា ធូ ចាន់ណារីន ទើបតែចាប់ផ្ដើមអាជីវកម្មនេះលក់របស់ច្នៃដោយដៃតាមអនឡាញនេះប៉ុណ្ណោះ ប៉ុន្តែក្រុមគ្រួសាររបស់កញ្ញាជាអ្នកត្បាញនៅខេត្តកំពង់ឆ្នាំងតាំងពីយូរមកហើយ។ ក្រៅពីផលិផលខាងលើ កញ្ញាក៏មានលក់នូវផលិតផលផ្សេងទៀតដូចជា កញ្ច្រែង មួក អំបោស ឆ្នាំង ថូ ជាដើមដែលសុទ្ធសឹងជាផលិតផលក្នុងស្រុក។

ចុងក្រោយ ម្ចាស់អាជីវកម្ម Handmade Crafts កញ្ញា ធូ ចាន់ណារីន ក៏សូមអរគុណដល់អតិថិជនដែលតែងតែគាំទ្រផលិតធ្វើដោយដៃរបស់បងប្អូនអ្នកកំពង់ឆ្នាំងផ្ទាល់ ដែលជាផ្នែកមួយជួយដល់ជីវភាពសហគមន៍៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ