ប្រជាសហគមន៍ភ្នំទ័ពជាង អាច​រកបាន​ចំណូល​ពីការរើស​ផ្លែ​សំរង ​​ក្នុង​មួយ​រដូវកាលជិត៣០០លានរៀល

កោះកុង ៖ ចន្លោះ​ខែកុម្ភៈ និង​ខែមេសា ​ជា​រដូវ​ប្រមូលផល​ផ្លែ​សំរងដែល​ដុះ​ក្នុងព្រៃ​ជ្រៅ​នៅ​ភាគ​ឦសាន ខេត្តរតនគិរី ស្ទឹងត្រែង ព្រះវិហារ និង​មួយផ្នែក​នៃ​ខេត្តកោះកុង បានផ្តល់ផល​ដល់ប្រជាពលរដ្ឋដែលអាស្រ័យអនុផលព្រៃឈើបានទទួលចំណូលពីផ្លែឈើព្រៃដើម្បីដោះស្រាយជីវភាព។

អ្នក​ដែល​ចូលទៅ​រើស​ផ្លែ​សំរង​ទុំ ភាគ​ច្រើនជាប្រជាពលរដ្ឋសហគមន៍ ​បងប្អូន​ជនជាតិដើម​ភាគតិច ហើយក៏មានអ្នកស៊ីឈ្នួលរើសផ្លែសំរងមួយចំនួនផងដែរ​ ដែលក្នុង​មួយ​រដូវ​ៗ គ្រួសារ​ជនជាតិដើម​ភាគតិច និងប្រជាសហគមន៍​ទាំង​នោះ​អាច​រកចំណូលបានពី ៦លាន​រៀល ទៅ​៨​លាន​រៀលជាមធ្យមក្នុងម្នាក់​​។

លោក ឡុង ណេត ​អនុប្រធានសហគមន៍ភ្នំទ័ពជាង ស្ថិតនៅភូមិព្រះអង្គកែវ និងភូមិបាក់អង្រុត ឃុំដងពែង ស្រុកស្រែអំបិល ខេត្តកោះកុង​ បានឱ្យដឹងថា សហគមន៍របស់លោក បានអាស្រ័យផលអនុផលពីផ្លែព្រៃឈើព្រៃផ្សេងគ្នា ដូចជា ផ្លែគុយ សិរមាន់​ ភ្ញៀវ សាវម៉ាវព្រៃ ​ជាច្រើនរាប់តំណមកហើយ ជាពិសេសផ្លែសំរង​នេះ ព្រោះឆ្នាំនេះសំបូរផ្លែសំរងជាងគេ។

លោក ឡុង  ណេត បានប្រាប់ឱ្យដឹងថា ឆ្នាំនេះសហគមន៍របស់លោកមានសមាជិកចំនួន១៧គ្រួសារ ដោយមានសមាជិកប្រមាណ៤០នាក់ ដែលចូលរួមប្រមូលផ្លែសំរង ខណៈដែល​ការប្រមូលផ្លែសំរងនៅក្នុងអំឡុងខែកុម្ភៈអាចរកបានចំនួនតិចតួចប៉ុណ្ណោះ ប៉ុន្តែចាប់ពីខែមីនា និងខែមេសា ក្នុងម្នាក់ៗអាចប្រមូលបានចំនួនប្រមាណ ៨គីឡូក្នុង១ថ្ងៃ ហើយផ្លែសំរងដែលប្រជាសហគមន៍ប្រមូលបានគឺមានឈ្មួញមកប្រមូលទិញ ក្នុង១ គីឡូក្រាម លក់បានតម្លៃ១៥០០០ រៀល។ 

លោក ឡុង ណេត បានបញ្ជាក់ថា ៖

«តម្លៃផ្លៃ​សំរង ​១៥,០០០ ​ក្នុង​មួយ​គីឡូក្រាម ​ដូច្នេះបើមនុស្សចំនួន៤០នាក់ ហើយម្នាក់ៗរើសបានសំរង៨គីឡូក្នុង១ថ្ងៃនោះ យើងអាចទទួលបានកម្រៃ១ខែចំនួន ១៤៤ ០០០ ០០០រៀល ។ បើបូក១រដូវមាន២ខែ ស្មើនឹង៦០ថ្ងៃ ដូច្នេះកម្រៃសរុបយើងទទួលបាន ចំនួន ២៨៨ ០០០ ០០០រៀល»។

លោក ឡុង  ណេត បានឱ្យដឹងទៀតថា ដោយសារទីផ្សារផ្លែសំរងមានតម្លៃ​ខ្ពស់ដែលគេលក់រាយអាចទទួលបានប្រមាណ ​៣៥ ០០០ រៀល ទៅ ​៤០ ០០០​រៀល​ ក្នុង​មួយ​គីឡូក្រាម​ ​បានធ្វើ​ឱ្យពលរដ្ឋ​ខ្លះ ឈានទៅដល់ការកាប់រលំ​ដើម​សំរងដើម្បី​ប្រមូល​ផល​ឱ្យបាន​ច្រើន ​ភ្លេច​គិតពី​និរន្តរភាព​នៃការទទួលបានផល។

លោកបញ្ជាក់ថា ៖

«ក្នុងរដូវប្រមូលផ្លែសំរង សហគមន៍យើងបានប្រមូលនៅក្នុងតំបន់របស់យើង តែក៏មានអ្នកភូមិដទៃ និងអ្នកប្រមូលផ្សេងទៀតមកពីចម្ងាយ មកចូលរួមរើសផ្លែសំរងនេះដែរ ហើយអ្វីដែលជាក្ដីបារម្ភនោះត្រង់ថា មានមនុស្សមួយចំនួនលួចកាប់ដើម និងកាប់មែកដើម្បីប្រមូលផ្លែតែម្តង(ផ្លែចាស់ មិនទាន់ទុំ) ធ្វើឱ្យប្រជាសហគមន៍មួយចំនួនក៏ធ្វើតាមគេដែរ ព្រោះខ្លាចគេប្រមូលអស់ ដែលជាហេតុនាំឱ្យមានហានីភ័យដល់អនុផលព្រៃឈើទៅថ្ងៃខាងមុខ»។

កាលពីពេលកន្លងទៅនេះ មន្ត្រីជាន់ខ្ពស់ក្រសួងបរិស្ថាន​ ធ្លាប់បានលើកថា ​ប្រ​សិនជា​ប្រជាពលរដ្ឋនៅតែ​បន្ត​វិធីសាស្ត្រ​ប្រមូល​ផល​គ្រាប់​សំរងតាមរយៈ​ការ​ផ្ដួល​រលំ​ដើម នោះ​វា​នឹង​ប្រឈមមុខ​នឹង​​អន្តរាយ និង​ការបាត់បង់​ពូជ ដោយសារតែ​ការកាប់បំផ្លាញរើសយក​ផ្លែតែម្ដងបានប្រយោជន៍ត្រឹម​តែមួយ​ថ្ងៃ ឬស្មើនឹងការកាប់បំផ្លាញ​សម្លាប់​ដើម​ទាំងមូល ដែល​ត្រូវការ​ចំណាយពេល​រាប់​ឆ្នាំដើម្បី​ដាំដុះ​ឱ្យរីក​ធំធាត់​។ នេះហើយ​ជា​បញ្ហា​ប្រឈ​មជាមួយនឹង​ហានិភ័យ​នៃ​ការថយចុះ​ចំនួន​ដើម ឬ​ការបាត់បង់​នូវ​ប្រភព​ចំណូល​ប្រជាសហគមន៍​។​

សូមជម្រាបថា ដើម​សំរង មាន​រាង​ស្រ​លូនមិនសូវមាន​មែក​បែក និង​មានកម្ពស់​ចាប់ពី​១០ ទៅ​២៥​ម៉ែត្រ​។ ប្រភេទ​ឈើ​ហូប​ផ្លែ​មួយនេះ ហុច​ផល​ចាប់ពី​អាយុ​១០ ឆ្នាំ​ឡើងទៅ​ ។ សំរង​មួយ​ដើមអាច​ផ្តល់​ផល​បាន​ពី​១០ទៅ​៥០​គីឡូ​ក្រាម អា​ស្រ័​យ​ដើម​តូច​ ឬ​ធំ​ ហើយផ្លែ​សំរង​ទុំ អាច​យកមក​ធ្វើជា​ភេសជ្ជៈ បង្អែមសម្រាប់ទទួលទានអាចជួយ​ដល់​សុខភាព ​(​ត្រជាក់​ក្នុង​)​។ កាលពីដើមឡើយ​ផ្លែ​នេះ មាន​តម្រូវការ​តែ​ក្នុង​សហគមន៍​ប៉ុណ្ណោះ តែដោយសារ​វា​មាន​អត្ថប្រយោជន៍​ច្រើន​ដល់​សុខភាព ប្រជាជន​នៅតាម​សហគមន៍ ក៏​ផ្តើម​ប្រមូល​ផល និង​ចែកចាយ​សំរងទៅ​តំបន់​ផ្សេងៗ​នៅ​ទូទាំងប្រទេស និង​ទៅ​ប្រទេសជិតខាង​ទៀតផង​។

ជាចុងក្រោយ លោក ឡុង  ណេត ​ដែលជាអនុប្រធានសហគមន៍ភ្នំទ័ពជាង ដែលជាអ្នកការពារព្រៃឈើ និងបរិស្ថានសហគមន៍ បានអំពាវនាវ​ឱ្យ​ពលរដ្ឋ និងគ្រប់សហគមន៍ចូលរួម​ការពារ​ដើម​សំរង និង​ប្រមូល​ផល​តាមបែប​ធម្មជាតិ ​ដែលមាន​និរន្តរភាព ដោយ​ការរើស​ផ្លែ​ទុំ​ជ្រុះ ឬ​អង្រួន​ ដើម្បី​អាចឱ្យសហគមន៍ប្រមូល​ផលបានគ្រប់រដូវកាល និងទទួលបានចំណូលពីអនុផលព្រៃឈើមួយនេះមានភាពយូរអង្វែងទាំងអស់គ្នា៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ទូត​សាធារណរដ្ឋឆែកនៅកម្ពុជា​​ ប្ដេជ្ញា​កៀរគរ​វិនិយោគិនថ្មីៗរបស់​ខ្លួន​ចូលមកកម្ពុជា​បន្ថែម​

ព្រឹត្តិការណ៍, សេដ្ឋកិច្ច

• 20/05/2024

ទូត​សាធារណរដ្ឋឆែកនៅកម្ពុជា​បានប្ដេជ្ញាថា ​នឹង​ជំរុញការ​វិនិយោគ​របស់ខ្លួនមកកម្ពុជា​បន្ថែម ដើម្បីឱ្យ​ទំហំពាណិជ្ជកម្ម​រវា​ងប្រទេស​ទាំង​ពីរ​មានតុល្យភាព

៥ខែ​ដើមឆ្នាំ២០២៤​ កម្ពុជា​ទទួលបានការវិនិយោគ ​១៤៧គម្រោង​ មានទឹកប្រាក់​ជាង​ ២៧០០​លានដុល្លា​រអាមេរិក​

ព្រឹត្តិការណ៍, អចលនទ្រព្យ

• 20/05/2024

ការ​វិនិយោគ​នៅកម្ពុជា​កាន់តែមានភាពទាក់ទាញ ដោយក្រុមហ៊ុន​បរទេស​ជាច្រើន​ចូលមក​បណ្ដាក់​ទុនវិនិយោគ​ជា​ហូរហែ​បង្កើតការងារ​រាប់ម៉ឺន​កន្លែងជូនពលរដ្ឋ

IMF ព្រមានថា ការប្រើប្រាស់ទ្រព្យសម្បតិ្តបង្កករបស់រុស្ស៊ីអាចបំផ្លាញប្រព័ន្ធរូបិយវត្ថុពិភពលោក និងប៉ះពាល់ដល់ប្រាក់អឺរ៉ូយ៉ាងធ្ងន់ធ្ងរ

ព្រឹត្តិការណ៍, សេដ្ឋកិច្ច

• 20/05/2024

មូលនិធិរូបិយវត្ថុអន្តរជាតិ IMF បានព្រមានអំពីផែនការរបស់លោកខាងលិចក្នុងការប្រើប្រាស់ប្រាក់ចំណេញពីការបង្កកទុនបម្រុងរបស់ ដែលអាចបំផ្លាញប្រព័ន្ធរូបិយវត្ថុពិភពលោក

Signature Asia ៖ ពង្រីកសក្កានុពលវិស័យកសិកម្មរបស់កម្ពុជាឱ្យកាន់តែទូលាយ

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 20/05/2024

Signature Asia ជាឈ្មោះក្រុមហ៊ុនក្នុងស្រុកមួយ ដែលបានជាប់ជាអាជីវកម្មបរិយាបន្ន១ ក្នុងចំណោម អាជីវកម្មបរិយាបន្នទាំង ១៨ កំពុងពង្រីកវិសាលភាពកសិកម្មកម្ពុជា

ក្រៅពីដាំបន្លែ កសិករឆ្លាតវៃអាចច្នៃចិញ្ចឹមមាន់ និងអាចរកចំណូលបន្ថែមបាន ១លានរៀលក្នុងមួយខែ

ជំនួញ, ព្រឹត្តិការណ៍

• 20/05/2024

កសិករជាស្ត្រីម្នាក់បានឆ្លៀតពេលទំនេរពីការដាំបន្លែ មកចិញ្ចឹមមាន់ដោយច្នៃកាកសំណល់បន្លែឱ្យមាន់ស៊ី កាត់បន្ថយចំណាយ និងរកចំណូលបន្ថែមបាន ១លានរៀលក្នុងមួយខែ

ក្រុមហ៊ុនមួយត្រូវការដី ១៥ហិកតា ដើម្បីដាំមនពង្រីកផលិតកម្មសូត្រ

ព្រឹត្តិការណ៍, សេដ្ឋកិច្ច

• 20/05/2024

ក្រុមហ៊ុនសិប្បករអង្គរដែលមានមូលដ្ឋាននៅក្រុងសៀមរាប ខេត្តសៀមរាបកំពុងត្រូវការដីចំនួន​១៥​ហិកតា​ដើម្បីដាំដើមមន សម្រាប់ពង្រីកផលិតកម្មសូត្រនៅកម្ពុជា។

ក្រុមហ៊ុនសាងសង់អាកាសយានដ្ឋានអន្តរជាតិ សៀមរាបអង្គរ ស្វែងយល់ពីសក្តានុពលវិនិយោគបន្ថែមលើវិស័យមួយចំនួននៅកម្ពុជា

ព្រឹត្តិការណ៍, សេដ្ឋកិច្ច

• 20/05/2024

គណៈប្រតិភូក្រុមហ៊ុនសាងសង់អាកាសយានដ្ឋានអន្តរជាតិ សៀមរាបអង្គរ ស្វែងយល់ពីសក្តានុពល​វិនិយោគ​​បន្ថែមលើ​វិស័យមួយចំនួននៅកម្ពុជា

ប្រព័ន្ធធនាគារកម្ពុជាបន្តមានភាពរឹងមាំ ទោះបីជាទទួលរងសម្ពាធពីកត្តាខាងក្រៅ

ព្រឹត្តិការណ៍, ហិរញ្ញវត្ថុ

• 20/05/2024

ទោះបីជាទទួលរងសម្ពាធពីកត្តាខាងក្រៅ ប្រព័ន្ធធនាគារកម្ពុជាបន្តមានភាពរឹងមាំ ដោយទ្រព្យសកម្មនិងប្រាក់បញ្ញើរបស់ប្រព័ន្ធធនាគារបានបន្តកើនឡើង

រដ្ឋាភិបាលកម្ពុជាដាក់ចេញជាសំណើក្នុងការបង្កើតតំបន់សេដ្ឋកិច្ចពិសេសកូរ៉េនៅកម្ពុជា

ព្រឹត្តិការណ៍, សេដ្ឋកិច្ច

• 20/05/2024

កម្ពុជាតាមរយៈគំនិតផ្ដួចផ្ដើមរបស់សម្ដេចធិបតី ដាក់ចេញជាសំណើរថាគួរតែបង្កើតតំបន់សេដ្ឋកិច្ច ពិសេសមួយនៅកម្ពុជា សម្រាប់តែក្រុមហ៊ុនកូរ៉េ ក្នុងគោលដៅជំរុញវិនិយោគិនកូរ៉េដែលកំពុងរកស៊ី...

ឱកាសដ៏ល្អអស្ចារ្យពុំធ្លាប់មានសម្រាប់ម្ចាស់អាជីវកម្ម និងសហគ្រិនគ្រប់រូបមកជួប និងស្តាប់កិច្ចពិភាក្សាពីសំណាក់គណៈរដ្ឋមន្រ្តីជាច្រើនរូប

ព្រឹត្តិការណ៍, អត្ថបទពាណិជ្ជកម្ម

• 20/05/2024

វេទិកាជជែកពិភាក្សាអំពីពាណិជ្ជកម្ម និងការផ្គូផ្គងពាណិជ្ជកម្ម ក្រោមប្រធានបទស្តីអំពី «ឱកាសវិនិយោគនៅប្រទេសកម្ពុជា» ឆ្នាំ២០២៤ នឹងប្រព្រឹត្តទៅនៅខេត្តសៀមរាប