សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កម្ពុជា បើធៀបទៅនឹងបណ្តាប្រទេសនានានៅក្នុងតំបន់អាស៊ីអាគ្នេយ៍ គឺនៅតែមានឱកាសក្នុងការទទួលបានការទុនវិនិយោគខ្ពស់ពីសំណាក់ក្រុមហ៊ុនបរទេស ជាពិសេសប្រទេសចិន។ នេះបើតាមការថ្លែងរបស់លោក លឹម សុជាតិ ប្រធានក្រុមប្រឹក្សាភិបាលសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា។
លោក លឹម សុជាតិ បានលើកឡើងថា មិនថាចចំពោះពេលនេះ ឬបន្តទៅ5-10ឆ្នាំទៅមុខទៀតក៏ដោយ កម្ពុជានៅតែជាគោលដៅវិនិយោគក្នុងវិស័យអចលនទ្រព្យពីបណ្តាក្រុមហ៊ុនអន្តរជាតិធំៗ ជាពិសេសក្រុមហ៊ុនចិន ដោយសារតែកម្ពុជាបានផ្តល់នូវឱកាសចំណេញខ្ពស់ពីការវិនិយោគ និងជាប្រទេសដែលមានភាពអំណោយផលលើកត្តាភូមិសាស្ត្រ។
លោកបញ្ជាក់ថា ៖
“សព្វថ្ងៃយើងឃើញមានជនជាតិចិនច្រើនដែលចូលមកវិនិយោគនៅស្រុកយើង មូលហេតុគឺដោយសារតែកម្ពុជាជាប្រទេសដែលមានលក្ខខណ្ឌអនុគ្រោះច្រើនដល់វិនិយោគិនដែលជាជនបរទេស បូករួមផងដែរជាមួយនឹងតម្លៃអចលនទ្រព្យរបស់យើងដែលនៅមានតម្លៃទាបនៅឡើយ“
លោកបានបញ្ជាក់បន្ថែមថា ៖
“លក្ខខណ្ឌអនុគ្រោះជាច្រើនដែលកម្ពុជាមាន ប៉ុន្តែប្រទេសនៅតំបន់អាស៊ីអាគ្នេយ៍មិនមាននោះគឺ ការអនុញ្ញាតឲ្យជនបរទេសមានសិទ្ធិកាន់កាប់កម្មសិទ្ធិឯកជនដូចជា ផ្ទះ និងខុនដូជាដើម ហើយយើងថែមទាំងមានច្បាប់អនុញ្ញាតឲ្យជនបរទេសដែលជាវិនិយោគិនអាចប្ដូរសញ្ជាតិមកជាសញ្ជាតិខ្មែរបានទៀតផង។ ហេតុនេះយើងអាចធានាបានថា ឲ្យតែស្ថានភាពល្អប្រសើរឡើងវិញដឹងតែអាចទាក់ទាញភ្ញៀវបរទេសចូលមកបាន ជាពិសេសគឺចិនតែម្ដង“
យ៉ាងណាក៏ដោយ បើទោះជានៅកម្ពុជាមានជនជាតិចិនមកវិនិយោគទៅលើគម្រោងធំៗជាច្រើនដូចពេលបច្ចុប្បន្ននេះក៏ដោយ ប៉ុន្តែកម្ពុជានៅមិនទាន់មានឈ្មោះស្ថិតនៅលើតារាងបញ្ជាទិញធំៗរបស់ចិននៅឡើយ ដោយប្រទេសដែលមាន ឈ្មោះនៅលើតារាងបញ្ជាទិញធំៗទាំងនោះរួមមាន ប្រទេសថៃ សិង្ហបុរិ និងម៉ាឡេស៊ី។
គួរបញ្ជាក់ថា ក្នុងចំណោមបណ្ដាប្រទេសនៅតំបន់អាស៊ីអាគ្នេយ៍ ចិនគឺជាកម្លាំងបញ្ជាទិញដ៏ធំមួយ ដោយសារតែចំនួន78ភាគរយ នៃប្រជាជនចិនគឺមានអាយុនៅចន្លោះពី 30-49ឆ្នាំ ដែលជាវ័យមួយពោរពេញទៅដោយការស្រេកឃ្លានទៅនឹងការវិនិយោគ ក៏ដូចជាស្រេកឃ្លានក្នុងការរកប្រាក់ចំណេញ។ លើសពីនេះចំនួនប្រមាណ 67ភាគរយនៃប្រជាជនចិនគឺស្ថិតក្នុងជីវភាពមធ្យម បើទោះចិនមានបញ្ហាទាក់ទងនឹងពាណិជ្ជកម្មជាមួយអាមេរិក ក៏ប៉ុន្តែគេនៅតែសង្កេតឃើញថា សេដ្ឋកិច្ចរួមរបស់ចិនក៏មិនបានធ្លាក់ប៉ុន្មានដែរ។
លោក លឹម សុជាតិ បានបង្ហាញក្ដីរំពឹងថា យ៉ាងយូរនៅត្រឹមឆ្នាំ2022 វិស័យអចលនទ្រព្យកម្ពុជា នឹងងើបឡើងវិញយ៉ាងរហ័សដោយសារតែក្របខ័ណ្ឌនៃការចាក់វ៉ាក់សាំងការពារជំងឺកូវីដ-19 កាន់តែមានភាពធំទូលាយ ហើយការរឹតបន្តឹងការធ្វើដំណើរក៏ចាប់ផ្ដើមធូរស្បើយផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
វត្តមានតំបន់សេដ្ឋកិច្ចពិសេសថ្មីតម្លៃ ៣០០លានដុល្លារ នៅខេត្តកំពង់ស្ពឺ នឹងក្លាយជាមជ្ឈមណ្ឌលភស្តុភារ ជំរុញការតភ្ជាប់ពាណិជ្ជកម្មក្នុងតំបន់ និងនិរន្តរភាព
Top News, ព្រឹត្តិការណ៍, សេដ្ឋកិច្ច
• 01/09/2026
វត្តមានតំបន់សេដ្ឋកិច្ចពិសេសថ្មីតម្លៃ ៣០០លានដុល្លារ នៅខេត្តកំពង់ស្ពឺ នឹងក្លាយជាមជ្ឈមណ្ឌលភស្តុភារ ជំរុញការតភ្ជាប់ពាណិជ្ជកម្មក្នុងតំបន់ និងនិរន្តរភាព
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content