សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ សភាពាណិជ្ជកម្មកម្ពុជា សហការជាមួយមជ្ឈមណ្ឌលពាណិជ្ជកម្មក្រៅប្រទេសចិន បានរៀបចំសន្និសីទផ្សព្វផ្សាយស្តីពីពិព័រណ៍ផលិតផលនាំចេញ-នាំចូលប្រទេសចិនលើកទី១៣៧ ដោយមានការចូលរួមពីតំណាងស្ថានទូតចិននៅកម្ពុជា និងធុរជនកម្ពុជា ប្រមាណ ១២០ នាក់។
ពិព័រណ៍ផលិតផលនាំចេញ-នាំចូលប្រទេសចិន (Canton) គឺជាពិព័រណ៍ពាណិជ្ជកម្មអន្តរជាតិដ៏ធំបំផុតរបស់ចិន និងត្រូវបានចាត់ទុកថាជាពិព័រណ៍ពាណិជ្ជកម្មដ៏សំខាន់បំផុតមួយនៅលើពិភពលោក។
ក្នុងឱកាសនៃសន្និសីទនាថ្ងៃ១៥ ខែមករា ឆ្នាំ២០២៥ ឯកឧត្តម បួន សារៈមុនី រដ្ឋលេខាធិការក្រសួងពាណិជ្ជកម្មបានថ្លែងថា៖ ការចូលរួមក្នុងពិព័រណ៍ពាណិជ្ជកម្មអន្តរជាតិ មានសារៈសំខាន់ណាស់ ជាពិសេសពិព័រណ៍ផលិតផលនាំចេញ-នាំចូលប្រទេសចិនលើកទី១៣៧ ក្នុងការពង្រឹងភាពជាដៃគូពាណិជ្ជកម្មរបស់កម្ពុជា លើកកម្ពស់ឱកាសអាជីវកម្ម និងជំរុញកំណើនសេដ្ឋកិច្ចតាមរយៈការពង្រឹងកិច្ចសហប្រតិបត្តិការអន្តរជាតិ។
ឯកឧត្តមឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា បានគូសបញ្ជាក់ពីសារៈសំខាន់នៃពិព័រណ៍ Canton និងលើកទឹកចិត្តធុរជនកម្ពុជាឱ្យចូលរួមក្នុងពិព័រណ៍នេះនាពេលខាងមុខដែលជាវេទិកាដ៏មានតម្លៃសម្រាប់ធុរជនកម្ពុជាបង្ហាញផលិតផល និងសេវាកម្មរបស់ខ្លួនជាមួយដៃគូសក្តានុពលមកពីជុំវិញពិភពលោក។
ទន្ទឹមនឹងនេះ ឯកឧត្តមឧកញ៉ា បានបញ្ជាក់បន្ថែមទៀតថា៖ សន្និសីទផ្សព្វផ្សាយនេះ គឺជាឱកាសដ៏ល្អសម្រាប់ក្រុមហ៊ុនកម្ពុជា ទទួលបានព័ត៌មានពេញលេញពីអ្នករៀបចំពិព័រណ៍ដោយផ្ទាល់ និងអាចសាកសួរលម្អិតទៅលើផលិតផលក៏ដូចជាសេវាកម្មផ្សេងៗនៃពិព័រណ៍នាំចេញនាំចូលប្រទេសចិន។ ហេតុនេះ ចំពោះក្រុមហ៊ុនដែលមានចំណាប់អារម្មណ៍ទៅលើវិស័យណាមួយ ផលិតផលណាមួយ ឬទៅលើក្រុមហ៊ុនចិនណាមួយ សូមទាក់ទងមកសភាណិជ្ជកម្មកម្ពុជាដើម្បីក្រុមការងារជួយសម្របសម្រួលបានទាន់ពេលវេលា។
សូមជម្រាបថា៖ពិព័រណ៍ផលិតផលនាំចេញ-នាំចូលប្រទេសចិនលើកទី១៣៧ នឹងប្រព្រឹត្តទៅនៅខែមេសា និង ខែឧសភា ឆ្នាំ២០២៥ ខាងមុខ៕
Account
Security
Favourite Content