សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រុមហ៊ុន Meta Inc. (FB) ដែលជាក្រុមហ៊ុនគ្រប់គ្រង Facebook រកលុយដោយការលក់កន្លែងផ្សាយពាណិជ្ជកម្មនៅលើវេទិកាប្រព័ន្ធផ្សព្វផ្សាយបណ្តាញសង្គមផ្សេងៗរបស់ខ្លួន។ វេទិកាបណ្តាញទាំងនោះរួមមានគេហទំព័រ និងកម្មវិធីទូរស័ព្ទ ដែលអនុញ្ញាតឱ្យអ្នកប្រើប្រាស់មានលទ្ធភាពភ្ជាប់ និងទំនាក់ទំនងជាមួយក្រុមគ្រួសារ និងមិត្តភក្តិ។
គេហទំព័រ និងកម្មវិធីរបស់ក្រុមហ៊ុននេះមានដូចជា បណ្តាញទំនាក់ទំនងសង្គម Facebook កម្មវិធីចែករំលែករូបថតនិងវីដេអូ Instagram និងកម្មវិធីផ្ញើសារ Messenger និង WhatsApp ។ ក្រៅពីនេះ Meta ក៏ផ្តល់នូវប្រព័ន្ធអេកូដែលអនុញ្ញាតឱ្យអ្នកប្រើប្រាស់ភ្ជាប់តាមរយៈផលិតផលការពិតនិម្មិត(virtual reality) Oculus របស់ខ្លួនផងដែរ។
Meta ជាក្រុមហ៊ុនប្រកួតប្រជែងជាមួយក្រុមហ៊ុនផ្សេងទៀតដែលលក់ការផ្សាយពាណិជ្ជកម្មដល់អ្នកទីផ្សារ ក៏ដូចជាក្រុមហ៊ុនដែលផ្តល់វេទិកាសម្រាប់ការទំនាក់ទំនង និងចែករំលែកខ្លឹមសារក្នុងចំណោមបណ្តាញសង្គមផ្សេងៗរបស់អ្នកប្រើប្រាស់។ ដៃគូប្រកួតប្រជែងសំខាន់ៗរួមមាន Apple Inc. (AAPL), Alphabet Inc. (GOOGL) Google និង YouTube, Tencent Music Entertainment Group (TME), Amazon.com (AMZN) និង Twitter Inc. (TWTR) ។
Meta បានប្រកាសពីប្រាក់ចំណូលសរុបចំនួន ២៩ ពាន់លានដុល្លារ និងប្រាក់ចំណូលសុទ្ធចំនួន ៩,២ ពាន់លានដុល្លារ នៅក្នុងត្រីមាសទី៣នៃឆ្នាំ២០២១ របស់ខ្លួន។ តាមរយៈរបាយការណ៍ហិរញ្ញវត្ថុរបស់ Meta គេក៏ឃើញដែរថា ៤៤% នៃចំណូលសរុប ឬស្មើនឹង ១២,៧ ពាន់លានដុល្លារ មានប្រភពមកពីសហរដ្ឋអាមេរិក និងកាណាដា។ រីឯ ៥៦% ផ្សេងទៀតបានមកពីតំបន់ផ្សេងទៀតនៅទូទាំងពិភពលោក។
ប្រាក់ចំណូលប្រចាំឆ្នាំបានកើនឡើង ៣៥,១% ពីមួយឆ្នាំទៅមួយឆ្នាំ (YOY) នៅក្នុងត្រីមាសទី ៣ ឆ្នាំ២០២១ ដែលជាកំណើនទាបបើប្រៀបធៀបពីការកើនឡើង ៥៥,៦% (YOY) នៃប្រាក់ចំណូលនៅក្នុងត្រីមាសទី៣ឆ្នាំមុន។ ប្រាក់ចំណូលសុទ្ធប្រចាំត្រីមាសបានកើនឡើង ១៧,២% (YOY) ក្នុងត្រីមាសទី ៣ ឆ្នាំ២០២១ ហើយកំណើននៃប្រាក់ចំណូលសុទ្ធក៏បានធ្លាក់ចុះផងដែរបើប្រៀបធៀបទៅនឹងត្រីមាសទី៣ឆ្នាំ២០២០។
ក្រុមហ៊ុន Meta បំបែកប្រាក់ចំណូលសរុបរបស់ខ្លួនជា២ផ្នែកដាច់ដោយឡែកពីគ្នាគឺ ការផ្សាយពាណិជ្ជកម្ម និងចំណូលផ្សេងៗ។ Facebook បានប្រកាសនៅក្នុងសេចក្តីប្រកាសព័ត៌មានស្តីពីប្រាក់ចំណូលត្រីមាសទី៣ របស់ខ្លួនថា ចាប់ផ្តើមនៅត្រីមាសទី៤ ឆ្នាំ២០២១ទៅ ខ្លួននឹងបំបែក ប្រភពចំណូលផ្នែកថ្មីមួយដែលមានឈ្មោះថា Facebook Reality Labs ។ ផ្នែកថ្មីនេះនឹងត្រូវផ្តោតលើ hardware, software និងមាតិកា ដែលទាក់ទងនឹង augmented និង virtual reality ។ ផ្នែកអាជីវកម្មសំខាន់ផ្សេងៗទៀតរបស់ Meta នឹងត្រូវបានដាក់ឈ្មោះថា Family of Apps ដែលរួមមានវេទិកាប្រព័ន្ធផ្សព្វផ្សាយសង្គម Facebook, Instagram, Messenger, WhatsApp និងសេវាកម្មផ្សេងទៀត។
– ការផ្សាយពាណិជ្ជកម្ម៖ Meta ទទួលបានប្រាក់ចំណូលយ៉ាងច្រើនពីការលក់ការផ្សាយពាណិជ្ជកម្មទៅកាន់អ្នកទីផ្សារឬពាណិជ្ជករ។ ការផ្សាយពាណិជ្ជកម្មត្រូវបានបង្ហាញនៅលើបណ្តាញទំនាក់ទំនងសង្គមសំខាន់ៗរបស់ Meta ក៏ដូចជា Facebook, Instagram, Messenger និងគេហទំព័រពាក់ព័ន្ធភាគីទីបីផ្សេងទៀត ឬកម្មវិធីទូរស័ព្ទ។ អ្នកទីផ្សារត្រូវបង់ប្រាក់សម្រាប់ការផ្សាយពាណិជ្ជកម្មដោយផ្អែកលើចំនួនអ្នកមើល ឬអ្នកចុច Like ឬ Comment ជាដើម។ Meta បានប្រកាសប្រាក់ចំណូលពីការផ្សាយពាណិជ្ជកម្មចំនួន ២៨,៣ ពាន់លានដុល្លារនៅក្នុងត្រីមាសទី៣ ឆ្នាំ២០២១ ដែលស្មើនឹងប្រមាណ ៩៧% នៃប្រាក់ចំណូលសរុបរបស់ក្រុមហ៊ុន។ ប្រាក់ចំណូលពីការផ្សាយពាណិជ្ជកម្មបានកើនឡើង ៣៣,២% បើប្រៀបធៀបទៅនឹងត្រីមាសទី ៣ ឆ្នាំ២០២០។ – ចំណូលផ្សេងៗ៖ ប្រាក់ចំណូលពីផ្នែកនេះត្រូវបានបង្កើតតាមរយៈការចែកចាយឧបករណ៍ hardware របស់អតិថិជន និងថ្លៃសេវាដែល Meta ទទួលបានពីអ្នកអភិវឌ្ឍន៍ប្រើប្រាស់ហេដ្ឋារចនាសម្ព័ន្ធការទូទាត់ប្រាក់ បូករួមនឹងប្រភពផ្សេងៗជាច្រើនទៀត។ Meta បានប្រកាសប្រាក់ចំណូលចំនួន ៧៣៤ លានដុល្លារសម្រាប់ចំណូលប្រភេទផ្សេងៗនេះ នៅក្នុងត្រីមាសទី ៣ ឆ្នាំ២០២១ ដែលតំណាងឱ្យ ៣% នៃប្រាក់ចំណូលសរុបសម្រាប់ត្រីមាស។ ប្រាក់ចំណូលសម្រាប់ផ្នែកនេះបានកើនឡើង ១៩៤,៨.8% បើប្រៀបធៀបទៅនឹងត្រីមាស៣ឆ្នាំ២០២០៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សន្និសីទធនាគារនៅកម្ពុជាលើកទី៥៖ “ការដាក់ចេញអាទិភាពសម្រាប់ស្ថិរភាពហិរញ្ញវត្ថុ បង្កើនជំនឿទុកចិត្ត និងកំណើនដោយចីរភាព”
ព្រឹត្តិការណ៍, អត្ថបទពាណិជ្ជកម្ម
• 21/08/2026
សមាគមធនាគារនៅកម្ពុជា(ABC) បានរៀបចំ សន្និសីទធនាគារនៅកម្ពុជា ឆ្នាំ២០២៦រយៈពេល២ថ្ងៃកាលពីថ្ងៃទី១៩ និង២០ ខែសីហា នៅសណ្ឋាគារ សុខា ភ្នំពេញ ក្រោមមូលបទ “ការរក្សាស្ថិរភាព ការពង្រឹងសុចរិតភាពហិរញ្ញវត្ថុ ទំនុកចិត្ត និងភាពជឿជាក់លើប្រព័ន្ធធនាគារ”
រយៈពេល ៣ឆ្នាំ កម្ពុជាទទួលបានគម្រោងវិនិយោគសរុបចំនួនជាង ១៤៩០គម្រោង ក្នុងទំហំទុនវិនិយោគជិត ២៦ពាន់លានដុល្លារ
Top News, ព្រឹត្តិការណ៍, សេដ្ឋកិច្ច
• 21/08/2026
ចាប់តាំងពីការកកើតរាជរដ្ឋាភិបាលក្នុងអាណត្តិទី៧ រហូតដល់ដំណាច់ខែកក្កដា ឆ្នាំ២០២៦ ក្រុមប្រឹក្សាអភិវឌ្ឍន៍កម្ពុជាទទួលបានគម្រោងវិនិយោគចុះបញ្ជីសរុបចំនួន ១ ៤៩៣គម្រោង ជាមួយនឹងដើមទុនសរុបចំនួនជិត ២៦ពាន់លានដុល្លារអាម៉េរិក
៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ
Top News, ព្រឹត្តិការណ៍, សេដ្ឋកិច្ច
• 21/08/2026
រយៈពេល ៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ បង្កើនប្រាក់ចំណូល
គ្រឹះស្ថាន ខេមា និង Mission Alliance រួមគ្នាពង្រឹងចំណេះដឹងហិរញ្ញវត្ថុ និងជំនាញអាជីវកម្មដល់សហគ្រិនខ្នាតមីក្រូ
ព្រឹត្តិការណ៍, អត្ថបទពាណិជ្ជកម្ម
• 21/08/2026
គ្រឹះស្ថាន ខេមា មីក្រូហិរញ្ញវត្ថុ លីមីតធីត និង Mission Alliance ប្រចាំប្រទេសកម្ពុជា បានចុះអនុស្សរណៈយោគយល់គ្នា ដើម្បីរួមគ្នាលើកកម្ពស់ចំណេះដឹងហិរញ្ញវត្ថុ និងជំនាញអាជីវកម្មដល់ម្ចាស់អាជីវកម្មខ្នាតមីក្រូ និងបុគ្គលស្វ័យនិយោជន៍ នៅតាមតំបន់ប្រតិបត្តិការរបស់គ្រឹះស្ថាន ខេមា
ព្រះមហាក្សត្រ ស្ដេចយាងសម្ពោធដាក់ឱ្យប្រើប្រាស់វិមានសាមគ្គីភាពនៃព្រឹទ្ធសភាកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
វិមានសាមគ្គីភាព នៃព្រឹទ្ធសភានៃព្រះរាជាណាចក្រកម្ពុជាត្រូវបានចាត់ទុកថា ការឆ្លុះបញ្ចាំងនូវយុគសម័យរុងរឿងរបស់កម្ពុជា ដែលមានមូលដ្ឋានកើតចេញពីគ្រឹះនៃសន្តិភាព ឯកភាពជាតិ និងកម្លាំងសាមគ្គីភាពជាតិដ៏រឹងមាំ
ចិន បង្ហាញក្ដីបារម្ភខ្លាំង ខណៈជប៉ុនមានលទ្ធភាពអាចផលិតនុយក្លេអ៊ែរបានរាប់ពាន់គ្រាប់
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
រដ្ឋាភិបាលក្រុងប៉េកាំង បានសម្តែងក្ដីបារម្ភចំពោះសមត្ថភាពនុយក្លេអ៊ែរដែលកំពុងកើនឡើង និងការផ្លាស់ប្តូរគោលជំហរក្នុងវិស័យការពារជាតិរបស់ក្រុងតូក្យូ ប្រទេសជប៉ុន ចង់ផលិតអាវុធនុយក្លេអ៊ែរ
បច្ចេកវិទ្យា AI កំពុងស្រូបទាញទុនរាប់ទ្រីលានដុល្លារ បង្កក្តីបារម្ភពីហានិភ័យហិរញ្ញវត្ថុ
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
ក្តីបារម្ភជុំវិញកំណើនបែបពពុះផុយស្រួយ (កំណើនពពុះស្រួយ) ផ្នែកហិរញ្ញវត្ថុ ក្នុងវិស័យបច្ចេកវិទ្យាបញ្ញាសិប្បនិម្មិត (AI) កំពុងក្លាយជាសំណួរដ៏សំខាន់ ខណៈក្រុមហ៊ុនបច្ចេកវិទ្យាយក្សនៅសហរដ្ឋអាមេរិកគ្រោងចំណាយថវិកា ១,១ ទ្រីលានដុល្លារ ចាប់ពីឆ្នាំ ២០២៦ ដល់ឆ្នាំ ២០២៩ ហើយការវិនិយោគលើវិស័យ AI ទូទាំងពិភពលោកត្រូវបានព្យាករណ៍ថានឹងកើនលើស ២,៥ ទ្រីលានដុល្លារ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content