ដំណឹងល្អ ! តំណក់ប្រេងជាប្រវត្តិសាស្ត្រលើកដំបូងរបស់កម្ពុជានឹងនាំចេញទៅកាន់ទីផ្សារអន្តរជាតិនៅក្នុងខែឧសភានេះ

បើមិនមានអ្វីប្រែប្រួលនោះទេ ក្រុមហ៊ុន KrisEnergy នឹងនាំយកដំណក់ប្រេងឆៅលើកដំបូង និងចាប្រវត្តិសាស្ត្ររបស់កម្ពុជាឆ្ពោះទៅកាន់ទីផ្សារអន្តរជាតិ ដោយក្នុងជំហានបឋមនេះមានបរិមាណចន្លោះពី 27-30ម៉ឺនបារ៉ែល (1បារ៉ែល=158.99លីត្រ) ស្មើនឹងប្រមាណ47លានលីត្រតាមរយៈនាវាផ្ទុកប្រេងទៅកាន់ទីផ្សារអន្តរជាតិ។

ក្រោយដំណើរការចាប់ផ្តើមបូមប្រេងអស់រយៈពេល4ខែរួចមក បច្ចុប្បន្នក្រុមហ៊ុនគ្រីសអេនើជី (KrisEnergy) បានរៀបចំឯកសារ និងត្រៀមធ្វើការនាំចេញប្រេងឆៅកម្ពុជាទៅកាន់ទីផ្សារអន្តរជាតិលើកដំបូង ដែលជាព្រឹត្តិការណ៍ជាប្រវត្តិសាស្ត្ររបស់កម្ពុជា និងអាចនាំមកនូវចំណូលបន្ថែមចាក់ចូលក្នុងសេដ្ឋកិច្ចជាតិ។

អគ្គនាយកនៃអគ្គនាយកដ្ឋានប្រេងកាត ក្រសួងរ៉ែ និងថាមពល លោក ជៀប សួរ បានមានប្រសាសន៍នៅថ្ងៃទី18 ខែឧសភា ឆ្នាំ2021នេះថា បើមិនមានអ្វីប្រែប្រួលនោះទេ ក្រុមហ៊ុន KrisEnergy នឹងនាំចេញប្រេងកាតរបស់កម្ពុជាទៅកាន់ទីផ្សារអន្តរជាតិ នៅក្នុងខែឧសភា ឆ្នាំ2021នេះហើយ ដោយក្នុងជំហានដំបូងមានបរិមាណក្នុងចន្លោះប្រមាណ 27-30ម៉ឺនបារ៉ែល។

លោកបានបញ្ជាក់ថា ៖

“ក្រុមហ៊ុនរុករក និងបូមប្រេងរបស់សិង្ហបុរី KrisEnergy នឹងនាំចេញប្រេងរបស់កម្ពុជាទៅលក់នៅលើទីផ្សារអន្តរជាតិ នៅអំឡុងខែឧសភានេះ។ ចំពោះដំណាក់កាលដំបូងនេះ ក្រុមហ៊ុនអាចនឹងនាំចេញប្រេងឆៅ ក្នុងបរិមាណចន្លោះពី27ម៉ឺនបារ៉ែល ទៅ30ម៉ឺនបារ៉ែល ហើយបរិមាណប្រេងនាំចេញនេះ វាប្រែប្រួលទៅតាមការវាស់វែងជាក់ស្តែង”

យ៉ាងណាក៏ដោយ លោកមិនបានបញ្ជាក់នោះទេថា ការនាំចេញប្រេងឆៅលើកដំបូងរបស់កម្ពុជានាពេលនេះ នឹងត្រូវបានដឹកទៅកាន់ទីផ្សារប្រទេសណា ហើយលក់ក្នុងតម្លៃប៉ុន្មានដែរ។

លោកបណ្ឌិត ហុង វណ្ណៈ អ្នកជំនាញស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជាបានមានប្រសាសន៍ថា ប្រសិនបើដំណើរការនៃការនាំចេញប្រេងឆៅកម្ពុជាទៅកាន់ទីផ្សារអន្តរជាតិបាននៅពេលណា នោះវានឹងនាំមកនូវប្រាក់ចំណូលបន្ថែមចាក់ចូលក្នុងសេដ្ឋកិច្ចជាតិបានមួយចំណែកទៀត។

លោកបណ្ឌិតបានបន្តថា ៖

“តាមរយៈការនាំចេញប្រេងនេះវាជាចំណូលបន្ថែម និងជាប្រវត្តិសាស្ត្ររបស់កម្ពុជាដែលបានមកពីតំណក់ប្រេងក្នុងសម័យកាលមួយដែលដឹកនាំដោយសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ក្រៅតែពីចំណូលបន្ថែមនៅក្នុងសេដ្ឋកិច្ចកម្ពុជា អ្វីដែលជាផលប្រយោជន៍ធំនោះគឺកេរ្តិ៍ឈ្មោះ។  ប្រសិនបើគុណភាពប្រេងរបស់កម្ពុជាមានគុណភាពល្អកម្រិតខ្ពស់ និងកិត្យានុភាពរបស់កម្ពុជានឹងលេចឡើងនៅលើឆាកអន្តរជាតិក្នុងនាមជាប្រទេសមួយដែលមានចង្វាក់ផលិតកម្មប្រេងឆៅដូចបណ្តាប្រទេសផ្សេងៗចំនួនទៀតនៅលើពិភព”

ទោះជាយ៉ាងណាក៏ដោយ លោកបណ្ឌិត ហុង វណ្ណៈ បានបញ្ជាក់ថា ការទទួលបានប្រេងឆៅ ឬបាននាំចេញទៅកាន់ទីផ្សារអន្តរជាតិនៅពេលនេះ មិនអាចធ្វើឱ្យតម្លៃប្រេងឥន្ទនៈសម្រាប់ប្រើប្រាស់ប្រចាំថ្ងៃនាពេលបច្ចុប្បន្នធ្លាក់ថ្លៃច្រើននោះទេ ឬអាចទទួលបានផលប្រយោជន៍ចាក់ចូលក្នុងសេដ្ឋកិច្ចជាតិតិចតួចប៉ុណ្ណោះ ព្រោះកម្ពុជាទើបតែអាចទាញយកបានពីប្លុកមួយក្នុងចំណោមប្លុកប្រមាណ 5ទៀតនៅកម្ពុជា។ ហេតុនេះវាត្រូវការពេលវេលាដើម្បីធ្វើផែនការ និងការរៀបចំជាច្រើនទៀតដើម្បីធានាបានថាផលប្រយោជន៍អាចត្រូវបានប្រើប្រាស់ប្រកបដោយប្រសិទ្ធភាពខ្ពស់សម្រាប់ប្រជាជន និងសេដ្ឋកិច្ចជាតិ។

គួរបញ្ជាក់ផងដែរថា កម្ពុជាបានទទួលដំណក់ប្រេងលើកដំបូងកាលពីថ្ងៃទី29 ខែធ្នូ ឆ្នាំ2020 ដែលក្លាយជាប្រទេសបូមប្រេងមួយនៅក្នុងពិភពលោក។ ក្រុមហ៊ុន KrisEnergy ដែលមានមូលដ្ឋាននៅប្រទេសសិង្ហបុរី ទទួលបានសិទ្ធិសម្បទានវិនិយោគបូមប្រេងឆៅក្នុងប្លុកA ដែលមានចំនួន5អណ្ដូងស្ថិតក្នុងដែនសមុទ្រកម្ពុជា។ បច្ចុប្បន្ន ជាលទ្ធផលដែលសម្រេចបានពីការបូមប្រេងប្រចាំថ្ងៃក្នុងបរិមាណជាង 2000បារ៉ែល ដែលខុសពីការរំពឹងទុករបស់ក្រុមហ៊ុនមួយនេះដែលអាចបូមប្រេងឆៅចេញពីអណ្តូងក្នុងបរិមាណចន្លោះពី 7,000-7,500បារ៉ែលក្នុងមួយថ្ងៃ៕  

ព្រឹត្តិការណ៍, សេដ្ឋកិច្ច

វិស័យវាយនភណ្ឌកាត់ដេរសម្លៀកបំពាក់នៅកម្ពុជានៅតែរក្សាបានកំណើនល្អ

ភ្នំពេញ ៖ វិស័យវាយនភណ្ឌកាត់ដេរសម្លៀកបំពាក់នៅកម្ពុជានៅត្រីមាសទី១ ឆ្នាំ២០២២នេះ នៅតែរក្សាបានកំណើននៃការនាំចេញក្នុងអត្រា ២៥ភាគរយ ជាមួយទឹកប្រាក់ចំនួន ៣ ១៥៥លានដុល្លារ…
ព្រឹត្តិការណ៍, អចលនទ្រព្យ

អភិបាលរាជធានីភ្នំពេញ ៖ វិស័យអចលនទ្រព្យជាជន្ទល់ដ៏សំខាន់មួយសម្រាប់កំណើនសេដ្ឋកិច្ច

អភិបាលរាជធានីភ្នំពេញបានលើកឡើងថា បច្ចុប្បន្ននេះ វិស័យអចលនទ្រព្យគឺជាជន្ទល់ដ៏សំខាន់មួយនៃកំណើនសេដ្ឋកិច្ចរបស់កម្ពុជា  ស្របពេលដែលនិន្នាការនៃការវិនិយោគក្នុងវិស័យសំណង់លំនៅដ្ឋាននៅ…
ព្រឹត្តិការណ៍, អត្ថបទពាណិជ្ជកម្ម

ខេត្តចំនួន3 ត្រូវបានកំណត់ដាច់ខាតត្រូវតែ អនុវត្តវិធានការពាក់ម៉ាសជាចាំបាច់ និងផាកពិន័យចំពោះអ្នកបំពាន

ក្រសួងសុខាភិបាលនៅថ្ងៃទី5 ខែឧសភា ឆ្នាំ2021នេះ បានកំណត់យកខេត្តចំនួន3ចាំបាច់ត្រូវតែអនុវត្តការពាក់ម៉ាសដាច់ខាត ព្រមទាំងរក្សាគម្លាតក្រោយមានការឆ្លងជំងឺ…
ព្រឹត្តិការណ៍, ហិរញ្ញវត្ថុ

កម្ចីឥណទានផ្លូវការជាប្រភពទុនដ៏សំខាន់សម្រាប់ការពង្រីកអាជីវកម្ម

បទយកការណ៍ ៖ ចាប់ផ្តើមពីអាជីវកម្មតូចតាចផលិតចេកឆាបកាលពីចុងឆ្នាំ២០១៧ ក្រោមការប្រើប្រាស់ដើមទុនដំបូងប្រមាណជា ១ ០០០ ដុល្លារ អ្នកស្រី នុន ចាន់នី ជាម្ចាស់សិប្បកម្ម រាជនី…
ព្រឹត្តិការណ៍, ហិរញ្ញវត្ថុ

ធនាគារជាតិបន្តលើកទឹកចិត្តដល់គ្រឹះស្ថានហិរញ្ញវត្ថុ និងធនាគារឯកជនបន្តអនុគ្រោះដល់ពលរដ្ឋក្នុងកំឡុងពេលមានវិបត្តិ

ធនាគារជាតិនៃកម្ពុជាបានបន្តអំពាវនាវ និងលើកទឹកចិត្តដល់បណ្តាគ្រឹះស្ថានហិរញ្ញវត្ថុ និងធនាគារឯកជនទាំងអស់ចូលរួមអនុវត្តនូវវិធានការ​អនុគ្រោះ​ដូចជា​កាត់បន្ថយនូវការផាកពិន័យ ពន្យាពេលលើការបង់ប្រាក់ រួមជាមួយនឹងការរៀបចំ…
ព្រឹត្តិការណ៍, អាជីវកម្មថ្មី និងនវានុវត្ត

ស្វែងយល់ពីសង្គ្រាមនៅអ៊ុយក្រែន និងផលប៉ះពាល់នៃការងើបឡើងវិញនៃសេដ្ឋកិច្ចសកលលោក

អ៊ុយក្រែន ៖ ស្ទើរតែគ្រប់បណ្តាប្រទេសទាំងអស់នៅលើសកលលោក អស់រយៈពេលជិត៣ឆ្នាំមកហើយនៅមិនទាន់អាចងើបចេញពីវិបត្តិសេដ្ឋកិច្ចដោយសារវិរុសរាតត្បាតកូវីដនៅឡើយ…
ព្រឹត្តិការណ៍, ហិរញ្ញវត្ថុ

ការប្រើប្រាស់បច្ចេកវិទ្យាធ្វើជាប្រយោជន៍មានការកើនឡើងក្នុងអំឡុងពេលកូវីដ-១៩

ចាប់តាំងពីឆ្នាំ២០២០មក ពិភពលោកទាំងមូលបានឆ្លងកាត់នូវវិបត្តិសុខភាពសកលដែលមិនធ្លាប់មាន។ ដោយផ្តើមចេញពីតំបន់អាស៊ីបូព៌ា ការរីករាលដាលយ៉ាងលឿននៃ…
ជំនួញ, ព្រឹត្តិការណ៍

Microsoft ប្រកាសដាក់ឲ្យកម្មវិធី Internet Explorer ចូលនិវត្តន៍

ក្រុមហ៊ុនបច្ចេកវិទ្យា Microsoft នៅថ្ងៃសុក្រនេះបានប្រកាសក្នុងការដាក់ឲ្យចូលនិវត្តន៍នៃផ្ទាំងកម្មវិធី Internet Explorer ជាផ្លូវការហើយបន្ទាប់ពីបានដំណើរការអស់រយៈពេលជាង25ឆ្នាំរួចមក…
ព្រឹត្តិការណ៍, ហិរញ្ញវត្ថុ

បច្ចេកវិទ្យាឌីជីថលដើរតួនាទីយ៉ាងសំខាន់ក្នុងវិស័យធនាគារ និងហិរញ្ញវត្ថុនៅកម្ពុជា

ភ្នំពេញ ៖ បច្ចេកវិទ្យាឌីជីថលបាន និងកំពុងដើរតួនាទីយ៉ាងសំខាន់ក្នុងវិស័យធនាគារ ហិរញ្ញវត្ថុ អាជីវកម្ម និងវិស័យផ្សេងៗទៀតនៅកម្ពុជា ខណៈរាជរដ្ឋាភិបាលបានដាក់ចេញ…
ជំនួញ, ព្រឹត្តិការណ៍

បុរសម្នាក់នេះអាចរកលុយសល់ខ្ទង់លានដុល្លារដោយសារមេរៀនចំនួន 5 ដែលម្តាយតែងតែណែនាំ

អាចរកលុយសល់ចំនួន 1 លានដុល្លារក្នុងអាយុ 35 ឆ្នាំគឺមិនមែនជារឿងងាយស្រួលសម្រាប់មនុស្សគ្រប់គ្នាឡើយប៉ុន្តែបុរសជនជាតិអាមេរិកម្នាក់ដែលមានឈ្មោះថា Drock បានបង្ហើបថាគាត់តែងតែចងចាំនូវមេរៀនចំនួន 5