ត្រីងៀតស្ងួតខ្មែរ ផលិតតាមបែបបច្ចេកទេសទំនើប និងឈានដល់ការនាំចេញទៅក្រៅប្រទេស

សៀមរាប ៖ ត្រីងៀតស្ងួត ជាអាហារបម្រុង និងអាចរក្សាទុកបានយូររបស់ប្រជាជនខ្មែរមួយប្រភេទដែលមានប្រជប្រិយភាពគ្រប់រដូវ និងមានអ្នកចូលចិត្តទទួលទានជាយូរណាស់មកហើយ រហូតមានខេត្តមួយចំនួនដូចជាខេត្តកំពង់ធំ កំពង់ឆ្នាំង និងកំពង់ចាម ចាត់ទុកជាអាហារប្រចាំតំបន់ថែមទៀតផង។

ដោយសារតែប្រជាប្រិយភាពនៅលើទីផ្សារក្នុងស្រុកមានតម្រូវការខ្ពស់ ហើយមានការគាំទ្រពីសំណាក់អ្នករស់នៅក្រៅប្រទេសផងដែរនោះ វារីវប្បករម្នាក់បានប្រឹងប្រែងកែច្នៃត្រីងៀតរបស់ខ្លួនឲ្យមានគុណភាពខ្ពស់ រសជាតិឆ្ងាញ់ និងត្រៀមនាំចេញទៅកាន់ទីផ្សារក្រៅប្រទេស ដោយការសាងសង់ជាផ្ទះកញ្ចក់សម្រាប់ហាលត្រីងៀតបែបទំនើបមួយកន្លែងនៅខេត្តសៀមរាប ដើម្បីប្រាកដថាមានគុណភាពកម្រិតស្តង់ដារអន្តរជាតិ។

លោក យន់ សំណាង ជាម្ចាស់សិប្បកម្មកែច្នៃត្រីងៀតខ្មែរដោយប្រើបច្ចេកវិទ្យាទំនើប និងរក្សាអនាម័យខ្ពស់ធ្លាប់ធ្វើការសាកល្បងយ៉ាងជោគជ័យទៅលើការផលិតត្រីងៀតអនាម័យរបស់ខ្លួន ហើយធ្លាប់បាននាំចេញទៅកាន់ទីផ្សារក្រៅប្រទេសផងដែរ។

លោកបានបញ្ជាក់ថា ៖

“យើងឃើញគេដាំបន្លែនៅក្នុងផ្ទះកញ្ចក់បាន យើងក៏បានសាកល្បងប្រើជាមួយត្រី ហើយកម្ដៅគឺបានដូចចិត្តរបស់យើងចង់បានដោយសារនៅក្នុងនោះគឺក្ដៅជាងនៅក្រៅ និងអាចហាលត្រីឆាប់ស្ងួត មិនមានសត្វរោម ហើយមិនជាប់ដី”

លោកបន្តថា ការប្រើរោង ឬផ្ទះកញ្ចក់ក្នុងការហាលត្រីងៀតនេះគឺចំណាយពេលតិច និងទាន់តម្រូវការរបស់អតិថិជនជាងការហាលធម្មតា ដោយសារគេអាចគ្រប់គ្រងកម្រិតកម្ដៅបាន ដែលអាចហាលបានទោះបីពេលយប់ក៏ដោយ។ បន្ទាប់ពីការសាកល្បងផ្ទះកញ្ចក់នេះមកឃើញថា បញ្ហាអនាម័យនៅពេលហាលត្រូវបានដោះស្រាយ ដោយសាររបៀបនៃការរហាលថ្មីនេះអាចធានាបាននូវរសជាតិ គុណភាព ពិសេសស្តង់ដារអនាម័យដែលគេទទួលស្គាល់ និងអាចនាំចេញបាន។

លោក យន់ សំណាង បានបន្តថា ៖

“ចំពោះលទ្ធភាពផលិត ទោះបីវាជាបច្ចេកទេសថ្មីសម្រាប់យើង តែយើងអាចនិយាយបានថា យើងអាចហាលបានគុណនឹងពីរ ពោលគឺអាចហាលបានប្រមាណ៦០០គីឡូក្រាមក្នុងមួយថ្ងៃ ដោយហាលនៅក្នុងផ្ទះកញ្ចក់នេះម្ដង៣០០ គីឡូក្រាម និងត្រូវការរយៈពេលប្រមាណ ៦-៧ម៉ោងប៉ុណ្ណោះ ហើយអាចប្រមូល និងដាក់ហាលត្រីសារជាថ្មីបានជាបន្តបន្ទាប់។ សម្រាប់រយៈពេលហាលនេះទៀតសោត ក៏អាស្រ័យលើអតិថិជនផងដែរ ថាតើគាត់ចង់បានត្រីងៀតស្ងួតកម្រិតណា ប្រសិនបើគាត់ចង់បានស្ងួតខ្លាំងគេអាចហាលត្រឹមមួយថ្ងៃកន្លះ”

នេះជាអ្វីដែលម្ចាស់សិប្បកម្មខាងលើបានលើកឡើង។

ទាក់ទងនឹងការផលិតតាមរបៀបប្រពៃណី លោក សំណាង បានរៀបរាប់ថា ក្នុងមួយខែលោកផលិតបានប្រមាណ១តោន តែសម្រាប់បច្ចេកវិទ្យាថ្មីនេះគឺអាចផលិតបានច្រើនតោន តែក៏អាស្រ័យលើការធ្វើទីផ្សារផងដែរ ប្រសិនបើទីផ្សារដើរខ្លាំង គឺអាចមានលទ្ធភាពផលិតបានគ្រប់គ្រាន់ ខណៈដែលបច្ចុប្បន្នលោកក៏កំពុងរៀបចំយុទ្ធសាស្ត្រពង្រីកទីផ្សារធ្វើយ៉ាងណាឱ្យកាន់តែមានវិសាលភាពធំទូលាយទាំងក្នុងស្រុក និងក្រៅប្រទេសផងដែរ។

ជាមួយគ្នានេះដែរ ត្រីងៀតស្ងួតរបស់សិប្បកម្មខាងលើក៏មានជាការវេចខ្ចប់ ដោយធ្វើការច្រក និងមានម៉ាស៊ីនសម្រាប់បឺតខ្យល់ចេញដើម្បីរក្សាគុណភាពត្រីងៀតទុកបានយូរ។ 

យ៉ាងណាក៏ដោយ លោក យន់ សំណាង ក៏បានបញ្ជាក់ពីបញ្ហាប្រឈមផងដែរទៅលើកត្តាដើមទុនដែលត្រូវចំណាយច្រើនចំពោះបច្ចេកវិទ្យាថ្មីនេះ តួយ៉ាងដូចជាការចំណាយទៅលើរោង ឬផ្ទះកញ្ចក់ដែលមានទំហំ ៦ X ៨​​ តម្លៃដល់ទៅជាង ១ម៉ឺនដុល្លារ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...