សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ហុងកុង ៖ បណ្តាប្រទេសនៅអាស៊ីខាងត្បូង ដូចជា សិង្ហបុរី និងកម្ពុជា កំពុងត្រៀមបើកដំណើរការរូបិយប័ណ្ណឌីជីថលរបស់ធនាគារកណ្តាល (CBDCs) ដើម្បីបង្កើនប្រសិទ្ធភាពនៃការទូទាត់ និងលើកទឹកចិត្តដល់អាជីវកម្មចាប់ផ្តើមថ្មី (Startup) និងពាណិជ្ជកម្មអេឡិចត្រូនិកនៅក្នុងតំបន់។ នេះបើយោងតាមការលើកឡើងក្នុងកិច្ចពិភាក្សាដែលរៀបចំដោយសារព័ត៌មាន South China Morning Post កាលពីសប្តាហ៍មុន។
ជាមួយនឹងចំនួនប្រជាជនវ័យក្មេងដែលមានអាយុជាមធ្យម ៣០ ឆ្នាំ និងភាគរយខ្ពស់នៃការប្រើប្រាស់អ៊ីនធឺណិត និងទូរស័ព្ទចល័ត តំបន់អាស៊ីអាគ្នេយ៍បានឃើញអាជីវកម្មចាប់ផ្តើមជាច្រើន ដែលត្រូវបានធ្វើឡើងនៅប្រព័ន្ធទូទាត់តាមឌីជីថល ពាណិជ្ជកម្មតាមអ៊ីនធឺណិត និង cryptocurrencies ។
លោកស្រី Benedicte Nolens ប្រធានមជ្ឈមណ្ឌល Hong Kong of the Bank for International Settlement (BIS) Innovation Hub បានលើកឡើងថា ៖
“តំបន់អាស៊ីអាគ្នេយ៍គឺជាមូលដ្ឋានដ៏មានអំណោយផល សម្រាប់ការបង្កើតអាជីវិម្មថ្មីនៃការទូទាត់តាមឌីជីថល។ នៅពេលដែលអ្នកឃើញកំណើនពាណិជ្ជកម្មតាមអ៊ីនធឺណិត ជាធម្មតា វាដំណើរការល្អជាមួយនឹងយន្តការបង់ប្រាក់ថ្មី”
CBDCs បាន និងកំពុងកើនឡើងនូវប្រជាប្រិយភាពនៅអាស៊ី។ ប្រទេសចិនបានចាប់ផ្តើមបង្កើតរូបិយប័ណ្ណឌីជីថលរបស់ខ្លួនដែលហៅថា e-yuan នៅក្នុងឆ្នាំ២០១៤ ប៉ុន្តែឥឡូវនេះ ហុងកុងក៏កំពុងសិក្សាអំពីការចាប់ផ្តើមនៃ e-HKD ផងដែរ។ អាជ្ញាធររូបិយវត្ថុហុងកុង ដែលជាធនាគារកណ្តាលគំរូមួយរបស់ទីក្រុងនេះ បាននឹងកំពុងធ្វើការជាមួយធនាគារប្រជាជនចិន (PBOC) និងធនាគារកណ្តាលនៃប្រទេសថៃ និងអារ៉ាប់រួមលើគម្រោង “mBridge” ដើម្បីបង្កើតវេទិកាទូទាត់ CBDCs ។
ប្រទេសសិង្ហបុរី កាលពីឆ្នាំមុន បានសហការជាមួយធនាគារកណ្តាលប្រទេសអូស្ត្រាលី ម៉ាឡេស៊ី និងអាហ្វ្រិកខាងត្បូង រួមជាមួយនឹងស្ថាប័ន (BIS) Innovation Hub ដើម្បីជំរុញគម្រោង “Project Dunbar” សម្រាប់ការអភិវឌ្ឍ វេទិកាសម្រាប់ការទូទាត់ឆ្លងព្រំដែននៃ CBDCs ផ្សេងៗគ្នា។ ជាមួយគ្នានេះដែរមានការលើកឡើងថា មានឱកាសច្រើនក្នុងការរីកចម្រើនសម្រាប់សេដ្ឋកិច្ចឌីជីថល នៅអាស៊ីអាគ្នេយ៍។
លោកជំទាវ ជា សិរី ឧបការីទេសាភិបាល និងជាអគ្គនាយកបច្ចេកទេស ធនាគារជាតិនៃកម្ពុជា បានមានប្រសាសន៍ថា ៖
“ប្រទេសកម្ពុជាជាប្រទេសតូចមួយដែលមានប្រជាជនចំនួនប្រមាណ ១៦ លាននាក់ ដែលយើងមានអ្នកប្រើប្រាស់ទូរស័ព្ទចល័តប្រហែល ២០ លានគ្រឿង”
លោកជំទាវ ជា សិរី បានថ្លែងបន្តថា ជំងឺកូវីដ១៩ ក្នុងរយៈពេលពីរឆ្នាំកន្លងមកនេះ បានជំរុញឱ្យមានឌីជីថលនីយកម្មនៃសេដ្ឋកិច្ច បន្ទាប់ពីរដ្ឋាភិបាលជាច្រើនបានដាក់ចេញវិធានការបិទប្រទេស និងលើកទឹកចិត្តប្រជាជនឱ្យទិញទំនិញតាមអ៊ីនធឺណិត។ នេះបានជំរុញការបង់ប្រាក់តាមប្រព័ន្ធឌីជីថលនៅក្នុងប្រទេសកម្ពុជា និងពិភពលោកទាំងមូលឱ្យមានការកើនឡើង។
ប្រទេសសិង្ហបុរីមានចំនួននៃអាជីវកម្មបច្ចេកវិទ្យាចាប់ផ្តើមថ្មីកើនឡើង ១០ ដងចាប់តាំងពីឆ្នាំ២០១៥ មក។ បច្ចុប្បន្ន អ្នកផ្តល់កម្ចីបែបប្រពៃណី ដូចជា ស្ថាប័ន DBS ក៏បានបង្កើតវេទិកាសម្រាប់ការជួញដូររូបិយប័ណ្ណឌីជីថល ដូចជា bitcoin ផងដែរ។
លោក Frederick Fung ប្រធានសមាគមសហគ្រាសរូបិយប័ណ្ណឌីជីថល និងអាជីវកម្មចាប់ផ្តើមនៅប្រទេសសិង្ហបុរីបាននិយាយថា ៖
“វាគឺជាវឌ្ឍនភាពគួរឱ្យចាប់អារម្មណ៍មួយនៅទីនេះក្នុងប្រទេសសិង្ហបុរី ពីព្រោះមនុស្សកាន់តែច្រើនចាប់អារម្មណ៍លើរូបិយប័ណ្ណឌីជីថល”
លោកបានបន្តថា មិនត្រឹមតែយុវជន ដែលចាប់អារម្មណ៍លើរូបិយប័ណ្ណឌីជីថលនោះទេ អតិថិជនវ័យចំណាស់ក៏កំពុងទទួលយកការទូទាត់តាមឌីជីថលផងដែរ។ លោកស្រី Nolens បានអំពាវនាវកុំឱ្យមានការព្រួយបារម្ភអំពីសុវត្ថិភាព និងឯកជនភាព ដោយលោកស្រីបាននិយាយថា ៖
“សាច់ប្រាក់គឺជាឧបករណ៍ទូទាត់ប្រពៃណីមួយដែលមានសព្វថ្ងៃនេះ។ ដូច្នេះប្រសិនបើសាច់ប្រាក់ត្រូវបានប្រើប្រាស់តាមប្រព័ន្ធឌីជីថល វាពិតជាងាយស្រួលក្នុងការត្រួតពិនិត្យជាងប្រដាសសាច់ប្រាក់ ឬក្នុងទម្រង់ទូទាត់បែបប្រពៃណី៕”
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រុស្ស៊ី ព្រមានជាថ្មីដល់ជនបរទេស និងអ្នកការទូត ឲ្យឆាប់ចាកចេញពីទីក្រុងគៀវ
ព្រឹត្តិការណ៍, អាជីវកម្មថ្មី និងនវានុវត្ត
• 06/10/2026
បរទេស ៖ ក្រុងមូស្គូស នៅប្តាហ៍នេះបានថ្លែងថា កងកម្លាំងប្រដាប់អាវុធរុស្ស៊ីនឹងបន្តបើកការវាយប្រហារសងសឹកខ្លាំងក្លាបន្ថែមទៀតទៅលើគោលដៅយោធានានានៅក្នុងប្រទេសអ៊ុយក្រែន។ នៅក្នុងអត្ថបទដែលត្រូវបានចេញផ្សាយដោយ Novinata បានឱ្យដឹងថា ក្រសួងការបរទេសរុស្ស៊ីបានចេញសេចក្តីព្រមានសាជាថ្មីដល់បណ្តាជនបរទេស និងបុគ្គលិកនៃបេសកកម្មការទូតនានា ដាច់ខាតកុំឱ្យស្នាក់នៅ ឬធ្វើដំណើរទៅកាន់ប្រទេសអ៊ុយក្រែន ក៏ដូចជាកុំឱ្យបន្តស្នាក់នៅជិតទីតាំងយោធាក្នុងតំបន់គោលដៅ។ នៅក្នុងសេចក្តីថ្លែងការណ៍របស់ក្រសួងការបរទេសរុស្ស៊ីបានចង្អុលបង្ហាញថា ដើម្បីឆ្លើយតបទៅនឹងអ្វីដែលក្រុងមូស្គូបានកំណត់ថាជាសកម្មភាពភេរវកម្មដោយកងកម្លាំងប្រដាប់អាវុធអ៊ុយក្រែន ប្រឆាំងប្រជាជនស៊ីវិល និងហេដ្ឋារចនាសម្ព័ន្ធស៊ីវិលរុស្ស៊ីនាពេលកន្លងមក កងកម្លាំងប្រដាប់អាវុធរុស្ស៊ីនឹងនៅតែបន្តវាយប្រហារលើគោលដៅយោធាក្នុងក្រុងគៀវ និងទីក្រុងផ្សេងទៀតរបស់អ៊ុយក្រែន។ ក្រសួងការបរទេសរុស្ស៊ីបានបញ្ជាក់ទៀតថា
ក្រុមការងារគម្រោង ICCAP ប្រជុំបើកដំណើរការគម្រោងជំនួយបច្ចេកទេសសម្រាប់គ្រឹះស្ថាន ខេមា
ព្រឹត្តិការណ៍, អត្ថបទពាណិជ្ជកម្ម
• 06/10/2026
ក្រុមការងារក្នុងគម្រោងបរិយាបន្នហិរញ្ញប្បទានអាកាសធាតុសម្រាប់សហគមន៍ងាយរងគ្រោះនៅតំបន់អាស៊ីប៉ាស៊ីហ្វិក (ICCAP) ជួបប្រជុំបើកដំណើរការគម្រោងជំនួយបច្ចេកទេសសម្រាប់គ្រឹះស្ថាន ខេមា មីក្រូហិរញ្ញវត្ថុ លីមីតធីត នៅថ្ងៃទី២២ ខែកញ្ញា ឆ្នាំ២០២៦ នៅការិយាល័យកណ្ដាលរបស់ គ្រឹះស្ថាន ខេមា
ឥណ្ឌាបារម្ភ ពាណិជ្ជកម្មអាម៉េរិក-ចិនធូរស្រាល អាចធ្វើឱ្យខ្លួនខាតឱកាសសេដ្ឋកិច្ច និងសន្តិសុខ
ព្រឹត្តិការណ៍, អាជីវកម្មថ្មី និងនវានុវត្ត
• 05/10/2026
ឥណ្ឌាកំពុងបារម្ភថា ការធូរស្រាលនៃភាពតានតឹងពាណិជ្ជកម្មរវាងអាម៉េរិក និងចិន អាចធ្វើឱ្យខ្លួនខាតបង់ផលប្រយោជន៍សេដ្ឋកិច្ច និងខកខានឱកាសវិនិយោគសំខាន់ៗ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ប្រព័ន្ធលុយដុល្លារដែលមានអាយុកាលជិត ១ សតវត្សរ៍ ប្រឈមហានិភ័យ ខណៈបណ្តាធនាគារកណ្តាលងាកទៅរកទុនបម្រុងថ្មី
សិង្ហបុរី បញ្ចេញកញ្ចប់ថវិកាគាំទ្រកុមារក្នុងម្នាក់ទទួលបានជាង ៥ ៥០០០ ដុល្លារ និងវិធានការគាំទ្រនានា ដោយសារអត្រាកំណើតធ្លាក់ចុះ
Account
Security
Favourite Content