សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ សកម្មភាពសេដ្ឋកិច្ចរបស់ចិន កាលពីអំឡុងក្នុងខែមេសា កន្លងទៅនេះមានកំណើនយឺតជាងការរំពឹងទុក ដោយសារការធ្លាក់ចុះនៃចំនួនអ្នកប្រើប្រាស់ក្នុងស្រុក ទិន្នផលឧស្សាហកម្ម និងការវិនិយោគមានការថមថយ គួបផ្សំជាមួយនឹងផលប៉ះពាល់ពីសង្រ្គាមនៅមជ្ឈិមបូព៌ាផងដែរ។ នេះបើយោងតាមសេចក្ដីរាយការណ៍ពី CNBC។
យោងតាមទិន្នន័យដែលចេញផ្សាយដោយការិយាល័យស្ថិតិជាតិកាលពីថ្ងៃចន្ទ ដើមសប្ដាហ៍នេះ បានឱ្យដឹងថា ការលក់រាយដែលជារង្វាស់នៃចំនួនអ្នកប្រើប្រាស់កើនឡើងត្រឹមតែ ០,២ ភាគរយ ប៉ុណ្ណោះនៅក្នុងមេសា ឆ្នាំ២០២៦ ធៀបនឹងរយៈពេលដូចគ្នាកាលពីឆ្នាំ ២០២៥ ដែលកំណើននេះ គឺយឺតជាងការព្យាករណ៍របស់អ្នកសេដ្ឋកិច្ច ហើយក៏ជាកំណើនដែលយឺតជាងគេបំផុតក្នុងរយៈពេល ៣ ឆ្នាំចុងក្រោយ បើគិតចាប់តាំងពីខែធ្នូ ឆ្នាំ២០២២។
ដោយឡែក ទិន្នផលឧស្សាហកម្មមានការកើនឡើង ៤,១ ភាគរយ នៅក្នុងខែមេសាបើធៀបនឹងឆ្នាំមុន ប៉ុន្តែធ្លាក់ចុះពីកំណើន ៥,៧ ភាគរយ នៅក្នុងខែមីនា និងយឺតជាងការព្យាករណ៍ ៥,៩ ភាគរយ។ ការវិនិយោគលើទ្រព្យសកម្មថេរក្នុងទីក្រុង រួមមាន អចលនទ្រព្យ និងហេដ្ឋារចនាសម្ព័ន្ធ ធ្លាក់ចុះ ១,៦ ភាគរយ ក្នុងរយៈពេល ៤ ខែដំបូងក្នុងឆ្នាំនេះ ធៀបនឹងឆ្ នាំ២០២៥។
ទោះជាយ៉ាងណាក្តី ការនាំចេញរបស់ចិនក្នុងអំឡុងខែមេសា មានការកើនឡើង ដោយសាររោងចក្រជាច្រើនព្យាយាមបំពេញតម្រូវការនៅបរទេស ដែលកើនឡើងខ្លាំងពីអ្នកទិញបរទេសប្រជែងគ្នាដើម្បីស្តុកទុកទំនិញចំពេលមានក្ដិព្រួយបារម្ភថាសង្រ្គាមនៅមជ្ឈិមបូព៌ាអាចជំរុញឱ្យតម្លៃនៃមុខទំនិញកើនឡើងខ្ពស់ ដែលជំរុញឱ្យការនាំចេញបានកើនឡើង ១៤,១% ខ្ពស់ជាងការព្យាករណ៍ ៧,៩%។
ជារួម ការនាំចេញមានភាពល្អប្រសើរជាងការរំពឹងទុក ហើយការគ្រប់គ្រងតម្លៃប្រេងឥន្ធនៈក្នុងស្រុកបានជួយសម្រួលដល់ការប៉ះទង្គិចផ្នែកថាមពល។ លើសពីនេះ អត្រាគ្មានការងារធ្វើនៅតាមទីក្រុងបានធ្លាក់ចុះដល់ ៥,២ ភាគរយ ក្នុងខែមេសា ធ្លាក់ចុះពី ៥,៤ ភាគរយ នៅក្នុងខែមីនា។
យ៉ាងណាក៏ដោយ ទោះបីជាមានវិធានការទប់តម្លៃខ្លះក៏ដោយ ប៉ុន្តែតម្លៃវត្ថុធាតុដើម និងការដឹកជញ្ជូនផ្សេងៗនៅតែឡើងថ្លៃ បណ្តាលឱ្យប៉ះពាល់ដល់ប្រាក់ចំណេញរបស់រោងចក្រ។ ប្រសិនបើជម្លោះនៅមជ្ឈិមបូព៌ាកាន់តែអូសបន្លាយ នោះថ្លៃដើមនឹងកាន់តែកើនឡើងខ្ពស់ ហើយវានឹងកាត់បន្ថយប្រាក់ចំណេញរបស់រោងចក្រ ឬសហគ្រាស ខណៈដែលបច្ចុប្បន្នកំពុងតែទន់ខ្សោយស្រាប់ទៅហើយនោះ៕
Account
Security
Favourite Content