សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រពភពី Investing បានបង្ហាញថា តម្លៃប្រេងឆៅបានបន្តឡើងថ្លៃបន្ទាប់ពីមានរបាយការណ៍ចេញថា រុស្ស៊ីនឹងកាត់បន្ថយផលិតកម្មបន្ថែមទៀត និងការធ្លាក់ចុះនៃស្តុកប្រេងរបស់សហរដ្ឋអាមេរិក។
ទីផ្សារតម្លៃប្រេងឆៅ WTI (West Texas Intermediate) ឡើងថ្លៃ ០,២ ភាគរយ ឬ ៨៣,៧៦ ដុល្លារក្នុងមួយបារ៉ែល ខណៈពេលតម្លៃប្រេងឆៅ Brent ឡើងថ្លៃ ០,២ ភាគរយ ឬ ៨៧ ដុល្លារក្នុងមួយបារ៉ែល។
ទន្ទឹមនឹងនេះ មានសេចក្ដីរាយការណ៍ថា រុស្ស៊ីអាចនឹងប្រកាសអំពីវិធានការណ៏ថ្មីនៅក្នុងកិច្ចព្រមព្រៀងជាមួយដៃគូ OPEC + របស់ខ្លួននៅសប្តាហ៍ក្រោយនេះ។ លើសពីនេះ អារ៉ាប៊ីសាអូឌីតនឹងបន្តកាត់បន្ថយការផលិតប្រេងដោយស្ម័គ្រចិត្តចំនួន ១ លានបារ៉ែលក្នុងមួយថ្ងៃដល់ខែតុលា រួមជាមួយនឹងប្រទេសនាំចេញប្រេង និងសម្ព័ន្ធមិត្ត OPEC+ ។ យ៉ាងណាមិញ ការកាត់បន្ថយនេះអាចនឹងជំរុញឲ្យតម្លៃប្រេងឡើងថ្លៃលើសពី ៩០ ដុល្លារក្នុងមួយបារ៉ែល ហើយទីផ្សារនឹងទាមទារការផ្គត់ផ្គង់បន្ថែមពី OPEC និងជំរុញឲ្យអាមេរិកបង្កើនសកម្មភាពខួងយកប្រេង។
កាលពីថ្ងៃព្រហស្បតិ៍កន្លងទៅនេះ ទីភ្នាក់ងារព័ត៌មានថាមពលសហរដ្ឋអាមេរិក (EIA) បានបង្ហាញថា ស្តុកប្រេងឆៅរបស់សហរដ្ឋអាមេរិកធ្លាក់ចុះលើសពីការរំពឹងទុកចំនួន ១០,៦ លានបារ៉ែលកាលពីសប្តាហ៍មុន ខណៈដែលស្តុកប្រេងឆៅសម្រាប់ពាណិជ្ជកម្មបានធ្លាក់ចុះចំនួន ៣៤ លានបារ៉ែលចាប់តាំងពីពាក់កណ្តាលខែកក្កដា។ វាជារឿងធម្មតាទេដែលស្តុកប្រេងរបស់សហរដ្ឋអាមេរិកឡើងចុះ ដោយសារតម្រូវការផ្គត់ផ្គង់សកល ប៉ុន្តែការធ្លាក់ចុះលើសពីការរំពឹងត្រូវបានចាត់ទុកថាជា សញ្ញានៃកង្វះខាតការផ្គត់ផ្គង់។ ទោះជាយ៉ាងណាក្តី ការធ្លាក់ចុះនៃតម្លៃប្រាក់ដុល្លារអាមេរិករយៈពេលប្រាំមួយសប្តាហ៍កន្លងមកនេះ ក៏បានជួយគាំទ្រដល់តម្លៃប្រេងផងដែរ។ ប្រសិនបើតម្លៃប្រាក់ដុល្លារកាន់តែរឹងមាំ វានឹងប៉ះពាល់ដល់តម្រូវការប្រេងដោយធ្វើឱ្យទំនិញមានតម្លៃថ្លៃសម្រាប់អ្នកទិញដែលកាន់រូបិយប័ណ្ណផ្សេងទៀត។
ទន្ទឹមនឹងនេះ សកម្មភាពឧស្សាហកម្មចិនកំពុងកើនឡើងម្តងទៀត ខណៈដែលរដ្ឋាភិបាលបង្កើនកិច្ចខិតខំប្រឹងប្រែងដើម្បីគាំទ្រទីផ្សារអចលនទ្រព្យរបស់ខ្លួន ដែលវាក៏បានជួយជំរុញដល់កំណើនតម្រូវការក្នុងនាមជាអ្នកប្រើប្រាស់ប្រេងធំទីពីររបស់ពិភពលោកផងដែរ។ កាលពីថ្ងៃចុងសប្ដាហ៍កន្លងទៅនេះ ធនាគារកណ្តាលរបស់ចិនបាននិយាយថា ខ្លួននឹងកាត់បន្ថយបរិមាណនៃការប្តូរប្រាក់បរទេស ដែលស្ថាប័នហិរញ្ញវត្ថុត្រូវតែរក្សាទុកនៅក្នុងទុនបម្រុងជាលើកដំបូងក្នុងឆ្នាំនេះ។ គោលបំណងនៃការផ្លាស់ប្តូរនេះគឺដើម្បីបន្ថយល្បឿននៃការធ្លាក់តម្លៃប្រាក់យ័ន៕
Account
Security
Favourite Content