សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ប្រធានាធិបតីអាម៉េរិក Donald Trump បានគំរាមប្រទេសដែលទិញប្រេង និងឧស្ម័នពីប្រទេសវេណេស៊ុយអេឡា ថាអាចប្រឈមមុខនឹងការយកពន្ធ ២៥ ភាគរយលើពាណិជ្ជកម្មដែលប្រទេសទាំងនោះមានជាមួយអាម៉េរិក។
កាលពីថ្ងៃចន្ទ លោក Trump លើកឡើងនៅក្នុងសន្និសីទសារព័ត៌មានមួយនៅឯសេតវិមានថា ការកំណត់ពន្ធយ៉ាងខ្ពស់នេះ ត្រូវបានធ្វើឡើងខណៈពេលដែលលោកកំពុងព្យាយាមបង្កើនសម្ពាធលើប្រធានាធិបតីវេណេស៊ុយអេឡា Nicolas Maduro និងប្រទេសចិន។ ការកំណត់ពន្ធ ២៥ភាគរយនេះ អាចនឹងចូលជាធរមាននៅថ្ងៃទី ២ខែមេសាខាងមុខនេះ។
យោងតាមទិន្នន័យពី Kpler បានឱ្យដឹងថា វេណេស៊ុយអេឡា បាននាំចេញប្រេងប្រហែល ៦៦០ ០០០ បារ៉ែលក្នុងមួយថ្ងៃកាលពីឆ្នាំ ២០២៤ ហើយចិនគឺជាគោលដៅដ៏ធំបំផុតសម្រាប់ការនាំចេញប្រេងឆៅរបស់ប្រទេសនេះ ដោយបានទិញប្រេងប្រហែល ២៧០ ០០០ បារ៉ែលក្នុងមួយថ្ងៃ។ សហរដ្ឋអាមេរិកគឺជាគោលដៅធំទីពីរសម្រាប់ប្រេងឆៅរបស់វេណេស៊ុយអេឡា ដោយបាននាំចូលប្រហែល ២៣៣ ០០០ បារ៉ែលក្នុងមួយថ្ងៃ ខណៈដែលឥណ្ឌាបានទិញប្រហែល ៦១ ០០០ បារ៉ែលក្នុងមួយថ្ងៃ និងអេស្ប៉ាញបានទិញប្រេងជិត ៦០ ០០០ បារ៉ែលក្នុងមួយថ្ងៃ។
លោក Matt Smith អ្នកវិភាគប្រេងនៅ Kpler លើកឡើងថា ការប្រកាសដោយរដ្ឋបាល Trump ហាក់ដូចជាសកម្មភាពមួយបន្ថែមទៀតដែលដាក់គោលដៅលើប្រទេសចិន។ ការគំរាមគំហែងយកពន្ធនេះមានគោលបំណងធ្វើឱ្យប្រទេសចិនជួបផលលំបាកកាន់តែខ្លាំងក្នុងការចូលទៅកាន់ឧស្សាហកម្មប្រេងរបស់វេណេស៊ុយអេឡា។ មិនត្រឹមតែប៉ុណ្ណោះ លោក Trump បានព្យាយាមបង្កើនសម្ពាធលើប្រធានាធិបតីវ៉េណេស៊ុយអេឡា Nicolas Maduro ដោយបានចោទប្រកាន់ថា ប្រទេសនេះបានបញ្ជូនក្រុមទំនើង Tren de Aragua ទៅកាន់សហរដ្ឋអាម៉េរិក។ ថ្មីៗនេះ រដ្ឋបាលលោក Trump បានបង្រ្កាបក្រុមក្មេងទំនើង ដោយចាត់ទុកពួកគេថាជាអង្គការភេរវករបរទេស៕
Account
Security
Favourite Content