ភ្នំពេញ ៖ ការប្រារព្ធកម្មវិធីដ៏ធំបំផុតមិនធ្លាប់មាននៃការច្នៃប្រឌិតអេកូជាមួយនឹងការចាប់ផ្តើមសប្តាហ៍ថាមពលស្អាតឆ្នាំ២០២២ (CEW22) ដែលរៀបចំដោយ EnergyLab ជាព្រឹត្តិការណ៍ប្រចាំឆ្នាំដែលបង្ហាញពីកិច្ចខិតខំប្រឹងប្រែងដែលបានធ្វើឡើងដោយវិស័យសាធារណៈ និងឯកជន ដើម្បីឆ្ពោះទៅការរស់នៅបៃតង។
កម្មវិធីឆ្នាំនេះបានប្រព្រឹត្តទៅចាប់ពីថ្ងៃទី២០ដល់ថ្ងៃទី ២៧ខែតុលា ឆ្នាំ២០២២ នៅទីតាំងផ្សេងៗជុំវិញរាជធានីភ្នំពេញ ដែលនឹងត្រូវរៀបចំដោយដៃគូវិស័យសាធារណៈ និងឯកជនជាង ៣០មកពីវិស័យអេកូថាមពលស្អាត តំណាងរដ្ឋាភិបាល ស្ថានទូត និងអ្នកចូលរួមជាសាធារណៈជនរាប់ម៉ឺននាក់។

លោក ណាថារុន ង៉ោស៊ុន (Natharoun Ngo Son) នាយកប្រចាំប្រទេសនៃអង្គការ EnergyLab បាននិយាយថា
“នេះគឺជាការប្រារព្ធកម្មវិធីលើកទី៥របស់សប្តាហ៍ថាមពលស្អាត។ កម្មវិធីនេះបានទាក់ទាញអ្នកចូលរួមជាច្រើនរៀងរាល់ឆ្នាំ ហើយវាអនុញ្ញាតឱ្យយើងគាំទ្រដល់ប្រទេសកម្ពុជាក្នុងការកសាងទំនាក់ទំនង និងកាត់បន្ថយគម្លាតរវាងភាគីពាក់ព័ន្ធសំខាន់ៗជាច្រើននៅទូទាំងវិស័យ”
លោកបានបន្តថា ៖
“ប្រទេសកម្ពុជាមានធនធានថាមពលស្អាត ដោយមានសក្តានុពលថាមពលសូឡា និងថាមពលខ្យល់ដែលមានតម្លៃទាប និងអាចប្រើប្រាស់ដើម្បីពង្រឹង និងកាត់បន្ថយឧស្ម័នកាបូនិកក្នុងសេដ្ឋកិច្ចរបស់ខ្លួន បង្កើតការងារបៃតង កាត់បន្ថយតម្លៃអគ្គិសនី និងលើកកម្ពស់ឯករាជ្យភាពថាមពល”
កម្មវិធីនេះបានចាប់ផ្តើមជាផ្លូវការនៅថ្ងៃព្រហស្បតិ៍ ទី២០ ខែតុលា ឆ្នាំ២០២២ នៅគេហដ្ឋានរបស់ឯកអគ្គរដ្ឋទូតអូស្ត្រាលី ដោយមានសុន្ទរកថាបើកពីសំណាក់ឯកឧត្តម Pablo Kang ឯកអគ្គរាជទូតអូស្រ្តាលីប្រចាំប្រទេសកម្ពុជា អ្នកតំណាង យូអិនឌីភី ប្រចាំកម្ពុជា លោកស្រី Alissar Chaker ឯកឧត្តម កែវ រតនៈ រដ្ឋមន្រ្តីប្រតិភូអមនាយករដ្ឋមន្រ្តី និងជាអគ្គនាយកអគ្គិសនីកម្ពុជា និងលោក ណាថារុន ង៉ោស៊ុន នាយកប្រចាំប្រទេសនៃអង្គការ EnergyLab។

ឯកឧត្ដម Pablo Kang ឯកអគ្គរដ្ឋទូតអូស្ត្រាលីបានមានប្រសាសន៍ថា ៖
“អូស្ត្រាលីគឺជាអ្នកផ្តើមមូលនិធិឧបត្ថម្ភនៃសប្តាហ៍ថាមពលស្អាត ហើយប្តេជ្ញាធ្វើការជាមួយកម្ពុជាក្នុងការកសាងវិស័យថាមពលស្អាតឱ្យរឹងមាំ និងបើកទំព័រពាណិជ្ជកម្ម និងការវិនិយោគបៃតង។ សប្តាហ៍ថាមពលស្អាត គឺជាឱកាសដ៏ល្អសម្រាប់អ្នកធ្វើគោលនយោបាយ អ្នកដឹកនាំ សង្គមស៊ីវិល និងអ្នកច្នៃប្រឌិត ដើម្បីរួមគ្នាពិភាក្សាអំពីការផ្លាស់ប្តូរថាមពលស្អាតរបស់កម្ពុជា ដើម្បីដោះស្រាយការប្រែប្រួលអាកាសធាតុ និងទាញយកអត្ថប្រយោជន៍ពីសេដ្ឋកិច្ចបៃតង”

ក្នុងរយៈពេល ៧ ថ្ងៃនៃការប្រារព្ធកម្មវិធីដ៏ធំខាងលើនេះ ក៏មានកម្មវីធីជាច្រើនទៀតនៅកន្លែងផ្សេងៗគ្នា រួមទាំងសិក្ខាសាលារបស់និស្សិត និងវគ្គតស៊ូមតិនៅវិទ្យាស្ថានបច្ចេកវិទ្យាកម្ពុជា ការពិភាក្សាលើប្រធានបទធុរកិច្ចថ្មីប្រកបដោយនិរន្តរភាព នៅមជ្ឈមណ្ឌលសហប្រតិបត្តិការកម្ពុជា-ជប៉ុន ការពិភាក្សាពីគោលនយោបាយថាមពលរបស់កម្ពុជា និងការអភិវឌ្ឍន៍ថាមពលស្អាតក្នុងតំបន់នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច និងកម្មវីធីផ្សេងៗទៀត។

ព្រឹត្តការណ៍ឆ្នាំ២០២២ នេះត្រូវបានកំណត់ថាជាព្រឹត្តការណ៍ធំបំផុតប្រៀបធៀបនឹងឆ្នាំមុនៗ ហើយសប្ដាហ៍ថាមពលស្អាតគឺជាកម្មវិធីតែមួយគត់ដែលផ្ដល់វេទិកាលើកតម្កើង និងអបអរសាទរដល់បុគ្គល ក៏ដូចជាក្រុមហ៊ុនឆ្នើម ដែលអនុវត្តដំណោះស្រាយបរិស្ថាន និងតស៊ូមតិក្នុងវិស័យថាមពលនេះ។
គួរជម្រាបផងដែរថា នៅក្នុងឱកាសប្រកាសចាប់ផ្តើមអនុវត្តព្រឹត្តិការណ៍សប្ដាហ៍ថាមពលស្អាត កម្មវិធីក៏បានបង្ហាញមុខ និងប្រគល់ពានរង្វាន់ជូនដល់ម្ចាស់ជ័យលាភី (INDIVIDUAL AWARD) ផងដែរ ដែលអាចស្វែងរកវិធីវិជ្ជមាន និងទាក់ទាញ ដើម្បីផ្លាស់ប្តូរអាកប្បកិរិយា និងបង្កើតការសន្សំថាមពល ក៏ដូចជាការប្រើប្រាស់ប្រព័ន្ធត្រជាក់ធម្មជាតិផងដែរ។
ម្ចាស់ពានរង្វាន់ប្រចាំឆ្នាំរូបនេះមានឈ្មោះ ម៉ុច ភក្តី ភេទស្រី ដែលជាម្តាយដ៏មានមោទនភាព និងមានកូន៣នាក់នៅក្នុងបន្ទុក។ អ្នកនាងមកពីស្រុកកៀនស្វាយ ខេត្តកណ្តាល ដោយមានចំណូលចិត្តទទួលទានផ្លែទុរេន។ ជាបទពិសោធ អ្នកនាងបានបម្រើការងារនៅជាមួយស្ថាប័ន អេ អឹម ខេ តាំងពីឆ្នាំ២០០៤ ហើយក៏ជាអ្នកដឹកនាំកម្មវិធី អេ អឹម ខេ ថាមពលស្អាតផងដែរ ដែលឈរលើតួនាទីជាមន្ត្រីហិរញ្ញវត្ថុជាន់ខ្ពស់របស់នាង។
អ្នកនាងបានដឹកនាំការសាកល្បង EE នៅក្នុងអគារចំនួន ២ នៅកម្រិតទីស្នាក់ការកណ្តាល អេ អឹម ខេ ហើយបានរកឃើញវិធីវិជ្ជមានជាច្រើនក្នុងការលើកកម្ពស់ការយល់ដឹង និងបណ្តុះបណ្តាលសហការីរបស់នាង ខណៈពេលដែលការស្វែងរកវិធីវិជ្ជមាន និងទាក់ទាញដើម្បីផ្លាស់ប្តូរអាកប្បកិរិយា និងបង្កើតការសន្សំថាមពល និងការប្រើប្រាស់ប្រព័ន្ធត្រជាក់ធម្មជាតិ។ អ្នកនាងបានគាំទ្រលើការផ្លាស់ប្តូរទៅប្រើប្រាស់អំពូល LED ពេញលេញ និងបានសម្របសម្រួលការសិក្សារយៈពេល ២ សប្តាហ៍ ដើម្បីស្វែងរកឧបករណ៍ប្រើប្រាស់ថាមពលច្រើនបំផុត រួមជាមួយនឹងការបណ្តុះបណ្តាល EE ទៅដល់សហសេវិកចំនួន២០០ នាក់ផ្សេងទៀត។
អ្វីដែលសំខាន់ អ្នកនាង ម៉ុច ភក្តី បានក្លាយជាជនគំរូ ក្នុងការបង្កើតការប្រកួតប្រជែងសន្សំថាមពលនៅទូទាំង អេ អឹម ខេ ១៥០ សាខា ហើយក៏កំពុងបំប្លែងគ្រួសាររបស់នាង រួមទាំងគ្រួសារអ្នកដទៃឱ្យឈានទៅដល់ការអនុវត្ត EE ទាំងអស់គ្នា!
បន្ថែមពីនេះ កម្មវិធីក៏មានការប្រគល់ពានរង្វាន់ដល់ក្រុមហ៊ុនដែលទទួលបានជ័យលាភីប្រចាំឆ្នាំផងដែរ ដែលបានទៅលើក្រុមហ៊ុន SOGE ជាឈ្មោះ និងម៉ាកសញ្ញាដ៏ល្បីនៃឧបករណ៍ថាមពលអគ្គិសនីដើរដោយពន្លឺព្រះអាទិត្យ និងមានប្រជាប្រិយភាពនៅលើទីផ្សារកម្ពុជា។ SOGE បានចាប់ផ្តើមនៅក្នុងឆ្នាំ២០០៨ ជាសមាគមមួយដោយផ្តោតតែមួយគត់ដើម្បីបង្កើនការប្រើប្រាស់ថាមពលស្អាតនៅកម្ពុជា និងបានចុះបញ្ជីនៅឆ្នាំ២០១៣ ដែលធ្វើការលើបច្ចេកវិទ្យាថាមពលព្រះអាទិត្យនៅទូទាំងប្រទេសកម្ពុជា។
សម្រាប់ព័ត៌មានបន្ថែម សូមទាក់ទងទៅកាន់ អ្នកគ្រប់គ្រងកម្មវិធីអ៊ុត សុខផល្គុនតាមរយៈ៖ phalkun@energylab.asia
ឬចូលទៅកាន់បណ្តាញសង្គមផ្លូវការនៅ៖ https://www.facebook.com/cleanenergyweekcambodia

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026

បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026

កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026

ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អូស៊ីអាយស៊ី រៀបចំកិច្ចពិភាក្សាតុមូលជាមួយក្រុមប្រឹក្សាធុរកិច្ចកាណាដា-អាស៊ាន ដោយនាំយកថ្នាក់ដឹកនាំធុរកិច្ចមកពីប្រទេសកាណាដា និងតំបន់មេគង្គមកជួបជុំគ្នានៅអគារ Connexion កោះពេជ្រ
ព្រឹត្តិការណ៍, អត្ថបទពាណិជ្ជកម្ម
• 17/11/2026
ភ្នំពេញ ៖ ក្រុមហ៊ុន អូស៊ីអាយស៊ី (OCIC) បានរៀបចំកម្មវិធីពិភាក្សាតុមូលផ្នែកពាណិជ្ជកម្មរវាងកាណាដា និងតំបន់មេគង្គ នៅថ្ងៃទី ១៤ ខែវិច្ឆិកា ឆ្នាំ ២០២៦ នៅ Innovation Lab ក្នុងអគារ Connexion កោះពេជ្រ។ កម្មវិធីនេះត្រូវបានរៀបចំឡើងដោយក្រុមប្រឹក្សាពាណិជ្ជកម្មកាណាដា-អាស៊ាន (CABC)

ណាតូ លុបចោលកិច្ចប្រជុំកំពូលឆ្នាំ ២០២៧ ចំពេលភាពតានតឹងអាម៉េរិក-អឺរ៉ុបកើនឡើង
ព្រឹត្តិការណ៍, អាជីវកម្មថ្មី និងនវានុវត្ត
• 17/11/2026
អង្គការសន្ធិសញ្ញាអាត្លង់ទិកខាងជើង (NATO) បានសម្រេចមិនរៀបចំកិច្ចប្រជុំកំពូលថ្នាក់ដឹកនាំនៅឆ្នាំ ២០២៧ តាមផែនការដើមឡើយ ដោយសារការខ្វែងគំនិតគ្នាកាន់តែខ្លាំងឡើងក្នុងចំណោមសម្ព័ន្ធមិត្ត ជាពិសេសរវាងសហរដ្ឋអាម៉េរិក និងប្រទេសជាសមាជិកអឺរ៉ុប

កម្មវិធីសហគ្រិនចុងភៅ ឆ្នាំ២០២៦ ! អបអរសាទរទេពកោសល្យចុងភៅជំនាន់ថ្មី និងសហគ្រិនភាពក្នុងវិស័យម្ហូបអាហារ ចាប់ផ្តើមពីគំនិតច្នៃប្រឌិតម្ហូបអាហារ ឆ្ពោះទៅកាន់ឱកាសក្លាយជាសហគ្រិន
ព្រឹត្តិការណ៍, អត្ថបទពាណិជ្ជកម្ម
• 17/11/2026
ភ្នំពេញ ៖ សហគ្រិនខ្មែរបានបញ្ចប់កម្មវិធី «សហគ្រិនចុងភៅ» (Chefpreneur) ឆ្នាំ២០២៦ តាមរយៈការប្រកួតចម្អិនអាហារវគ្គផ្តាច់ព្រ័ត្រ្រ ដោយមានការចូលរួម ពីយុវជនដែលមានទេពកោសល្យ គណៈកម្មការជំនាញ ដៃគូធុរកិច្ច និងអ្នកប្រឹក្សាជំនាញ ក្នុងវិស័យសេវាកម្ម។ កម្មវិធីនេះបានឆ្លុះបញ្ចាំងពីយុទ្ធសាស្ត្រអភិវឌ្ឍសហគ្រិនភាពក្នុងវិស័យម្ហូបអាហារ តាមរយៈការរួមបញ្ចូល ការបណ្តុះបណ្តាលអំពីគំនិតអាជីវកម្ម ការគ្រប់គ្រងថ្លៃដើម ការប្រើប្រាស់គ្រឿងទេសចម្រុះ និងការកសាង ម៉ាកយីហោ

លទ្ធផលសំខាន់ៗពីកិច្ចប្រជុំកំពូលចិន-អាស៊ាន លើកទី ២៩ ដែលប្រព្រឹត្តទៅនៅទីក្រុងម៉ានីល ប្រទេសហ្វីលីពីន
ព្រឹត្តិការណ៍, អាជីវកម្មថ្មី និងនវានុវត្ត
• 17/11/2026
នាយករដ្ឋមន្ត្រីចិន លោក Li Qiang ជំរុញឱ្យប្រទេសចិន និងអាស៊ានរួមគ្នាការពារ និងអភិវឌ្ឍសហគមន៍រួម ដើម្បីផ្តល់នូវស្ថិរភាព និងភាពប្រាកដប្រជាកាន់តែខ្លាំងដល់ការអភិវឌ្ឍ និងវិបុលភាពរបស់ពិភពលោក

សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុនៅខេត្តសៀមរាប ចំនួន ១៧៥ ៣៦៤ បណ្ណ
Top News, ព្រឹត្តិការណ៍, អចលនទ្រព្យ
• 17/11/2026
សៀមរាប ៖ សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាតំណាងរាស្ត្រមណ្ឌលសៀមរាប នាថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុជានិមិត្តរូបជូនម្ចាស់កម្មសិទ្ធិករក្នុងខេត្តសៀមរាប សរុបចំនួន ១៧៥ ៣៦៤ បណ្ណ ស្មើនឹង ៨ស្រុកស្មើនឹង ២៣ឃុំ ដែលក្នុងនោះ៖





វិថីហិរញ្ញវត្ថុ























































Account
Security
Favourite Content