សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ — ផ្សារ ជីប ម៉ុង ស៊ុបភើម៉ាឃីត បានប្រកាសបើកសម្ពោធច្រកថ្មីរបស់ខ្លួនជាផ្លូវការនៅលើផ្លូវ ម៉ុង ឬទ្ធី កាលពីព្រឹកថ្ងៃទី ១៤ ខែសីហា ឆ្នាំ២០២៤ ។ ច្រកថ្មីនេះ គឺជាច្រកយុទ្ធសាស្ត្រមួយដើម្បីដោះស្រាយបញ្ហាចំណត និងជួយកាត់បន្ថយពេលវេលាធ្វើដំណើរដល់អតិថិជនរស់នៅក្នុងតំបន់កាំកូ ហើយមានបំណងចង់មកទិញទំនិញនៅ ផ្សារ ជីប ម៉ុង ស៊ុបភើម៉ាឃីត កាំកូ ។
ផ្សារ ជីប ម៉ុង ស៊ុបភើម៉ាឃីត កាំកូ មានទំហំ ១ ៩៨១ ម៉ែត្រការ៉េ ដែលមានច្រកចូលធំៗចំនួន ២ លើវិថីផ្សេងគ្នា។ ច្រកទី១ គឺស្ថិតនៅផ្លូវ ៥៩៨ ភូមិប៉ាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ ច្រកទី២ គឺស្ថិតលើ ផ្លូវម៉ុងឬទ្ធី ភូមិប៉ាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ ច្រកទាំង ២ នេះ មានចម្ងាយត្រឹមតែ ១០០ ម៉ែត្រប៉ុណ្ណោះពីរង្វង់មូលកាំកូ ។ ផ្សារទំនើបមួយនេះនឹងផ្តល់ជូនប្រជាពលរដ្ឋនូវជម្រើសផលិតផលដ៏សម្បូរបែប ទាំងផលិតផលជាតិ និងផលិតផលនាំចូលបន្លែ ផ្លែឈើ ត្រី សាច់ មកពីកសិករក្នុងស្រុកជាមួយតម្លៃដ៏ប្រកូតប្រជែង ព្រមទាំងសេវាកម្មអតិថិជនដ៏ល្អឥតខ្ចោះ និងប្រូម៉ូសិនរហូតដល់ ៧០% ជារៀងរាល់ថ្ងៃ។
លោកជំទាវ តែ សុវណ្ណី អគ្គនាយិកាពហុពាណិជ្ជកម្ម និងសមាជិកក្រុមប្រឹក្សាភិបាលក្រុមហ៊ុន ជីប ម៉ុង មានប្រសាសន៍ថា «ការបើកច្រកថ្មីលើផ្លូវម៉ុងឬទ្ធីនេះ គឺជាការទម្លុះរបាំងបញ្ហាដែលបានជួបប្រទះកន្លងមក ដោយពួកយើងដឹងតាមរយៈការផ្តល់មតិយោបល់ត្រលប់របស់អតិថិជនដែលចូលចិត្តមកទិញទំនិញនៅសាខាកាំកូ។ ផ្សារ ជីប ម៉ុង ស៊ុបភើម៉ាឃីត កាំកូ នឹងផ្តល់ជូនកម្មវិធីពិសេសជាមួយតម្លៃល្អ ដូចទំនិញបោះដុំ កន្លែងចតឡានធំទូលាយជាងមុន ផ្លូវបត់ចូលស្រួលជាងមុន ជូនប្រជាជននៅក្នុងតំបន់នេះ។ ផ្សារ ជីប ម៉ុង ប្តេជ្ញាចិត្តគាំទ្រផលិតផលខ្មែរ ដូចជា បន្លែ សាច់ និងនាំយកមកដាក់លក់អោយបានកាន់តែច្រើន» ។
ផ្សារ ជីប ម៉ុង ស៊ុបភើម៉ាឃីត ជាបុត្រសម្ព័ន្ធមួយនៃក្រុមហ៊ុន ជីប ម៉ុង ដែលប្តេជ្ញាបម្រើសហគមន៍របស់យើង ដោយផ្តល់នូវទំនិញ និងសេវាកម្មដែលមានគុណភាពខ្ពស់ ផ្តល់ការងារ និងជំនាញដល់ប្រជាជនកម្ពុជារាប់ពាន់នាក់។ ផ្សារ ជីប ម៉ុង ស៊ុបភើម៉ាឃីត ត្រូវបានបង្កើតឡើងក្នុងឆ្នាំ ២០១៨ ហើយបច្ចុប្បន្នកំពុងដំណើរការហាងចំនួន ១១ ។
អតិថិជនអាចស្វែងរកផ្សារ ជីប ម៉ុង ស៊ុបភើម៉ាឃីត កាំកូតាមអាស័យដ្ឋានខាងក្រោម៖
ច្រកទី ១ លើផ្លូវ ៥៩៨និង ច្រកទី ២ លើ ផ្លូវម៉ុងឬទ្ធី ភូមិប៉ាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
សម្រាប់ព័ត៌មានបន្ថែមអំពី ផ្សារ ជីប ម៉ុង ស៊ុបភើម៉ាឃីត សូមចូលទៅកាន់ទំព័របណ្តាញសង្គមខាងក្រោម ៖
Facebook: https://www.facebook.com/ChipMongSupermarket
Tiktok: https://www.tiktok.com/@chipmongsupermarket?_t=8lEcG3gqMno&_r=1
Telegram: https://t.me/chipmongsupermarket
Account
Security
Favourite Content