លោក យន់ សុផាត ៖ ខ្ញុំចង់ក្លាយខ្លួនជាអាជីវកម្មបរិយាបន្ន ដើម្បីជួយកាត់បន្ថយការនាំចូលជី កសិកម្ម

ភ្នំពេញ ៖ អាជីវកម្មបរិយាបន្ន គឺជាប្រភេទគំរូអាជីវកម្មថ្មីមួយដែលពិភពលោកមានទំនោរទៅរក។ លើសពីការធ្វើអាជីវកម្មធម្មតា អាជីវកម្មបរិយាបន្នរួមចំណែកយ៉ាងធំទៅក្នុងការជំរុញសេដ្ឋកិច្ច របស់ប្រទេសមួយឱ្យកាន់តែប្រសើរឡើង។

ជាប្រទេសកំពុងអភិវឌ្ឍន៍ស្រាប់ផងនោះ ការជំរុញអាជីវកម្មទូទៅឱ្យក្លាយទៅជាអាជីវកម្មបរិយាបន្ន គឺពិតជាមានសារៈសំខាន់ណាស់សម្រាប់កម្ពុជា។ ប៉ុន្តែយ៉ាងណា ដោយទើបតែចាប់ផ្ដើមអនុវត្តការជំរុញនេះផង គិតមកដល់ពេលនេះ ទើបតែមានអាជីវកម្មចំនួន ១៨ប៉ុណ្ណោះ ដែលបានក្លាយខ្លួន​ទៅជាអាជីវកម្មបរិយាបន្ន។

ដោយឡែក ក្នុងការប្រែក្លាយជាអាជីវកម្មបរិយាបន្ន ម្ចាស់អាជីវកម្មត្រូវឆ្លងកាត់នូវលក្ខខណ្ឌតម្រូវជាច្រើនដំណាក់កាល។ ប៉ុន្តែជាលទ្ធផល ក្រោយបានក្លាយជាអាជីវកម្មបរិយាបន្នហើយនោះ ម្ចាស់អាជីវកម្មនឹងទទួលបានអត្ថប្រយោជន៍ដ៏ច្រើនលើសលប់។

ក្នុងនោះ ក្រុមហ៊ុនផលិតជីធម្មជាតិ ហ៊ុយ យន់ អាហ្គ្រីខលឈ័រ ក៏ជាក្រុមហ៊ុនមួយដែលមានបំណងចង់ប្រែខ្លួនទៅជាអាជីវកម្មបរិយាបន្នផងដែរ។

បច្ចុប្បន្ន ក្រុមហ៊ុននេះបាន និងកំពុងប្រមូលនូវសំណល់ផ្ទះបាយ និងលាមកសត្វមកផលិតជាជីធម្មជាតិ ដើម្បីផ្គត់ផ្គង់ទីផ្សារក្នុងស្រុក។ ក្រុមហ៊ុននេះក៏មានគោលដៅចង់សម្អាតបរិស្ថាននៅក្នុងស្រុកតាមរយៈការប្រមូលយកកាកសំណល់ទៅកែច្នៃ និងគោលបំណងធំមួយទៀតគឺកាត់បន្ថយការនាំចូលជីកសិកម្មពីក្រៅប្រទេស។

លោក យន់ សុផាត ដែលជាស្ថាបនិកក្រុមហ៊ុនជីធម្មជាតិបានឱ្យដឹងថា មូលហេតុដែលលោកចង់ក្លាយទៅជាអាជីវកម្មបរិយាបន្ន ដោយសារថាលោកចង់ពង្រីកក្រុមហ៊ុនឱ្យកាន់តែធំជាងបច្ចុប្បន្ន ដើម្បីសម្រេចគោលដៅផ្គង់ផ្គង់ទីផ្សារពេញមួយស្រុកខ្មែរតែម្ដង ដើម្បីពង្រីកទាំង​បរិមាណនៃ​ការផលិត ហើយនឹងមានការគាំទ្រពីប្រជាពលរដ្ឋបន្ថែមទៀត ដើម្បីកាត់បន្ថយការនាំចូល​កាន់តែច្រើន។

លោកបន្តឱ្យដឹងទៀតថា៖

«បើសិនជាយើងផលិតកាន់តែច្រើន យើងក៏អាចកែប្រែសំរាម និងកាក​សំណល់ឱ្យទៅជាជីបានកាន់តែច្រើន ដែលនេះជាការជួយដល់បរិស្ថានដ៏មានប្រសិទ្ធភាព​មួយ។»

យ៉ាងណាមិញ បច្ចុប្បន្ននេះ ក្រុមហ៊ុនរបស់លោកកំពុងធ្វើតាមលក្ខខណ្ឌតម្រូវរបស់គណៈកម្មការ​វាយតម្លៃ​ ដោយការកែប្រែអាជីវកម្មឱ្យមានស្តង់ដារច្បាស់លាស់ ប្រើប្រាស់ម៉ាស៊ីនដែលត្រូវតាម​​ស្តង់ដារបច្ចេកទេស។

លោកបន្តគូសបញ្ជាក់ទៀតថា៖

«បន្ទាប់ពីយើងអាចធ្វើរឿងនេះបានហើយអស់ គេនឹងមកត្រួតពិនិត្យ វាយតម្លៃយើងម្ដងទៀត មុននឹងសម្រេចឱ្យយើងទៅជាអាជីវកម្មបរិយាបន្នពិតប្រាកដ។»

យោងតាមក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ អាជីវកម្មបរិយាប័ន្ន (Inclusive Business IB)  គឺជាអាជីវកម្មឈរលើគោលការណ៍ធុរកិច្ច ដែលបង្កើត ដំណោះស្រាយជា​ប្រព័ន្ធ មានភាពច្នៃប្រឌិត និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធ របស់ប្រជាជនក្រីក្រ និងប្រជាជនមានចំណូលទាប (BoP និង B40)។

អាជីវកម្មដែលអាចចាត់ចូលថាជាអាជីវកម្មបរិយាបន្នបាន លុះត្រាអាជីវកម្មនោះអាចបង្កើតចំណូល ក្នុងកម្រិតមួយដែលអាចស្ថិតស្ថេរបានយូរអង្វែង អាចមានលទ្ធភាពជួយសហគមន៍ និងអាចជួយ​ជំរុញ​សេដ្ឋកិច្ចជាតិជារួម៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី ជំរុញទំនាក់ទំនងពាណិជ្ជកម្ម និងការអភិវឌ្ឍសេដ្ឋកិច្ច

ព្រឹត្តិការណ៍, សេដ្ឋកិច្ច

• 19/06/2024

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី នឹងចុះ MOU ជំរុញទំនាក់ទំនងពាណិជ្ជកម្ម និង ការអភិវឌ្ឍសេដ្ឋកិច្ចរវាងប្រទេសទាំងពីរ

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា