សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្រៅតែពីអាចយកច្នៃ និងចម្អិនជាអាហារសមុទ្រដ៏មានរសជាតិពិសា សត្វក្តាម និងបង្កង ត្រូវបានក្រុមអ្នកវិទ្យាសាស្ត្រនៃសកលវិទ្យាល័យ University of Maryland បានស្រាវជ្រាវ និងរកឃើញថាសំបករបស់វាមានផ្ទុកទៅដោយសារធាតុម្យ៉ាងដែលគេឱ្យឈ្មោះថា Chintin អាចយកទៅចម្រាញ់ប្រើប្រាស់ជំនួសឱ្យលីចូម (Lithium) ដើម្បីធ្វើប្រតិកម្មជាមួយសារធាតុស័ង្កសី (Zinc) ដែលជាវត្ថុអាតុដើមសម្រាប់ផលិតជាថ្មផ្ទុកថាមពលអគ្គិសនីបានយ៉ាងមានប្រសិទ្ធភាព។
ជាទូទៅ ថ្មផ្ទុកថាមពលអគ្គិសនីដែលផលិតចេញពីលីចូមត្រូវបានគេមើលឃើញមានភ្ជាប់ជាសម្ភារៈ និងឧបករណ៍ប្រើប្រាស់ប្រចាំថ្ងៃជាច្រើន ជាពិសេស នៅលើស្មាតហ្វូនគ្រប់ប្រភេទ ក៏ដូចជាកំព្យូទ័រផងដែរ។ កាកសំណល់របស់វាត្រូវការពេលវេលាដល់ទៅរាប់រយពាន់ឆ្នាំក្នុងការបំបែកធាតុ ឬរលាយបន្ទាប់ពីត្រូវបានប្រើប្រាស់រួចរាល់ និងបោះបង់ចោលទៅក្នុងបរិស្ថាន។ ដូច្នេះ វាជាផលប៉ះពាល់ដ៏ធ្ងន់ធ្ងរបំផុតសម្រាប់ភពផែនដីរបស់នាពេលអនាគត។
ដោយឡែក សម្រាប់សារធាតុថ្មីច្នៃចេញពីសំបកក្ដាម និងបង្កង ដែលទើបនឹងរកឃើញនេះវិញ វាត្រូវការឆ្លងកាត់ការផលិតតាមបែបជីវៈសាស្ត្រ ដូច្នេះកាកសំណល់វានឹងអាចរលាយបានដោយប្រើប្រាស់ពេលវេលាត្រឹមតែ៥ខែប៉ុណ្ណោះ ខណៈដែលសារធាតុស័ង្កសីដែលនៅសេសសល់ក៏នឹងអាចយកមកកែច្នៃឡើងវិញបានទៀតផង។
នៅក្នុងអត្ថបទមួយដែលត្រូវចេញផ្សាយដោយ The Guardian បានសរសេរថា ការស្រាវជ្រាវចុងក្រោយបំផុតរបស់ក្រុមអ្នកវិទ្យាសាស្ត្ររបស់សកលវិទ្យា Maryland បានបង្ហាញពីប្រសិទ្ធភាពនៃសារធាតុថ្មីនៃសំបកក្តាម បង្កង ដែលអាចជំនួសឲ្យលីចូមនេះ គឺមានទៅដល់ ៩៩,៧ភាគរយ ក្រោយឆ្លងកាត់ដំណើរការធ្វើតេស្តប្រើប្រាស់សាកល្បងប្រមាណជាជាង៤០០ម៉ោង។
សូមបញ្ជាក់ថា ជាមួយនឹងរបកគំហើញថ្មីខាងលើនេះ ក្រុមអ្នកវិទ្យាសាស្ត្របានបង្ហាញពីភាពរីករាយបំផុត ព្រោះក្រៅពីអាចរកឃើញសារធាតុថ្មីអាចជំនួសឱ្យលីចូម គឺសំបកក្ដាម និងបង្កង មិនពិបាករកនោះទនោះទេ ហើយក៏មានតម្លៃទាប ព្រោះវាជាប្រភេទសត្វដែលមានការពេញនិយមក្នុងការយកមកច្នៃ និងចម្អិនជាអាហារប្រចាំថ្ងៃ និងមានស្ទើរគ្រប់ទីកន្លែង៕
Account
Security
Favourite Content