សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពពី Oil Price បានបង្ហាញថា តម្លៃប្រេងបានធ្លាក់ចុះបន្តិចនៅលើទីផ្សារអាស៊ីក្នុងប៉ុន្មានថ្ងៃជាប់ៗគ្នា ខណៈដែលអ្នកចូលរួមទីផ្សារមានការព្រួយបារម្ភអំពីកំណើនយឺតនៃសេដ្ឋកិច្ចចិន។
តម្លៃប្រេងឆៅ West Texas Intermediate (WTI) ធ្លាក់ចុះប្រហែល ៧៨,៦០ ដុល្លារក្នុងមួយបារ៉ែល ខណៈដែលតម្លៃប្រេងឆៅ Brent ធ្លាក់ចុះ ៨៣ ដុល្លារក្នុងមួយបារ៉ែល បន្ទាប់ពីឡើងដល់កម្រិតខ្ពស់ជាង ៨៧ ដុល្លារក្នុងមួយបារ៉ែលកាលពីដើមខែសីហាកន្លងទៅនេះ។ កាលពីថ្ងៃព្រហស្បតិ៍កន្លងទៅនេះ ការជួញដូរនៅលើទីផ្សារអាស៊ីនៃតម្លៃប្រេងទាំងពីរធ្លាក់ចុះប្រហែល ០,៣ ភាគរយ។
ទន្ទឹមនឹងនេះ អ្នកចូលរួមទីផ្សារ និងវិយោគិនកំពុងតាមដានកិច្ចប្រជុំរបស់ Fed នៅទីក្រុង Jackson Hole រដ្ឋ Wyoming ដែលជាព្រឹត្តិការណ៍ប្រចាំឆ្នាំ ដើម្បីចាំមើលតម្រុយថា តើធនាគារកណ្តាលអាមេរិកនឹងបន្តជាមួយនឹងការដំឡើងអត្រាការប្រាក់ដែរឬទេ។ ពួកគេក៏កំពុងរង់ចាំការណែនាំអំពីទស្សនវិស័យសម្រាប់អត្រាការប្រាក់របស់មន្ត្រីធនាគារកណ្តាល និងអ្នកបង្កើតគោលនយោបាយដែលមកពីធនាគារកណ្តាលអឺរ៉ុប ធនាគារអង់គ្លេស និងធនាគារកណ្តាលជប៉ុន ដែលចូលរួមក្នុងកិច្ចប្រជុំនៅចុងសប្តាហ៍នេះផងដែរ។
មិនត្រឹមតែប៉ុណ្ណោះ គេព្រួយបារម្ភរឹតខ្លាំងអំពីកំណើនយឺតនៃសេដ្ឋកិច្ចចិន និងការព្យាករណ៍ដែលថាធនាគារកណ្តាលអាមេរិកអាចនឹងរក្សាការរឹតបន្តឹងគោលនយោបាយរូបិយវត្ថុ ដោយបញ្ហាទាំងនេះអាចជះឥទ្ធិពលអវិជ្ជមានដល់តម្លៃប្រេងឆៅ។ លើសពីនេះ អ្នកចូលរួមទីផ្សារក៏បានកត់សម្គាល់ផងដែរថា រដ្ឋបាល Biden កំពុងរៀបចំសំណើដើម្បីបន្ធូរបន្ថយទណ្ឌកម្មមួយចំនួនលើវេណេហ្ស៊ុយអេឡា និង អនុញ្ញាតឱ្យអតិថិជនកាន់តែច្រើនក្នុងការនាំចូលប្រេងឆៅពីវ៉េណេស៊ុយអេឡា៕
Account
Security
Favourite Content