សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ទំនាក់ទំនងរវាងអាមេរិក និងកម្ពុជា កាន់តែរឹងមាំងខ្លាំងក្លាថែមទៀត ជាពិសេស ការផ្តល់ផលប្រយោជន៍រួមគ្នាកាន់តែធំ ដែលភាពល្អនៃទំនាក់ទំនងនេះបានបង្ហាញតាមរយៈដំណើរទស្សនកិច្ចរបស់ប្រមុខរាជរដ្ឋាភិបាលកម្ពុជានៅលើទឹកដីសហរដ្ឋអាមេរិក ។ នេះគឺជាប្រសាសន៍របស់ឯកឧត្តម ហ្សង់ ហ្រ្វង់ស័រ តាន់ (Jean-Francois Tain) រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការក្រសួងការបរទេស និងសហប្រតិបតិបត្ដិការអន្ដរជាតិថ្លែងក្នុងសន្និសីទសារព័ត៌មាន កាលពីថ្ងៃទី២៥ ខែកញ្ញា ឆ្នាំ២០២៣ នៅព្រលានយន្តហោះអន្តរជាតិភ្នំពេញ។
ឯកឧត្តម ហ្សង់ ហ្រ្វង់ស័រ តាន់ បានមានប្រសាសន៍ថា ទំនាក់ទំនងកម្ពុជា-អាមេរិក នឹងរឹតតែរឹងមាំខ្លាំងក្លាឡើង បើសិនកម្ពុជា និងអាមេរិកផ្តល់ប្រយោជន៍រួមគ្នាកាន់តែធំ មានផលប្រយោជន៍កាន់តែច្រើន ទោះជាផលប្រយោជន៍សេដ្ឋកិច្ច នយោបាយ ឬភូមិសាស្ត្រានយោបាយក្តី។
ឯកឧត្តមបានឱ្យដឹងទៀតថា មកដល់ពេលនេះកម្ពុជា និងអាមេរិកបានមើលឃើញថា មានប្រយោជន៍មួយចំនួនផងដែរ ដូចជាទំនាក់ទំនងពាណិជ្ជកម្ម និងវិនិយោគ។ ជាក់ស្តែងនៅឆ្នាំ២០២២ កន្លងមក ទំហំពាណិជ្ជកម្មកម្ពុជា និងអាមេរិកមានប្រមាណ ១៣,៥ពាន់លានដុល្លារអាមេរិក ហើយអាចនឹងរីកធំជាងនេះ។ ទាក់ទងនឹងចំណុចទំហំពាណិជ្ជកម្មរវាងប្រទេសទាំងពីរនេះជាកក្តាសន្យានុម័តមួយដែលបង្ហាញថាកម្ពុជា-អាមេរិក អាចនឹងបោះពួយទៅមុខបន្តទៀត។
សូមបញ្ជាក់ថា ក្នុងដំណើរបេសកកម្មចេញទៅក្រៅប្រទេស៣លើកក្រោយបង្កើតរាជរដ្ឋាភិបាល ក្រៅតែពីការស្វះស្វែងពង្រីកទំនាក់ទំនងការទូត និងកិច្ចសហប្រតិបត្តិការ ការកៀរគរអ្នកវិនិយោគចូលមកកម្ពុជា ក៏ជាកិច្ចការដែលសម្តេចធិបតី ហ៊ុន ម៉ាណែត ផ្តល់តម្លៃខ្ពស់បំផុត។ ទំាងនៅឥណ្ឌូនេស៊ី ប្រទេសចិន ក៏ដូចគ្នានៅទីក្រុងញូវយ៉ក សហរដ្ឋអាមេរិកផងដែរ សម្តេចធិបតី បានឆ្លៀតពេលដ៏មមាញឹកអញ្ជើញជាអធិបតីបើកវេទិកាធុរកិច្ចអាមេរិក-កម្ពុជា ដែលជាការរៀបចំឡើងរវាងសភាពាណិជ្ជកម្មអាមេរិក និងសភាពាណិជ្ជកម្មកម្ពុជា។
សម្តេចធិបតី ហ៊ុន ម៉ាណែត បានបង្ហាញសេចក្តីសោមនស្សរីករាយជាខ្លាំង និងបានលើកឡើងដែរថា វេទិកាធុរកិច្ចអាមេរិក-កម្ពុជាឆ្លុះបញ្ចាំងឱ្យឃើញនូវសារៈសំខាន់នៃការពង្រឹងទំនាក់ទំនងទ្វេភាគីរវាងកម្ពុជា និងអាមេរិក ដោយឈរលើមូលដ្ឋានគោរពគ្នា ការផ្តល់ផលប្រយោជន៍ឱ្យគ្នាទៅវិញទៅមក និងគុណតម្លៃរួម។
សម្តេចធិបតី បានបង្ហាញក្តីសង្ឃឹមថា វិនិយោគិនសហរដ្ឋអាមេរិកនឹងឃើញពីកាលានុវត្តភាពក្នុងការវិនិយោគ និងសិក្សាបន្ថែមអំពីសក្ដានុពលសេដ្ឋកិច្ច និងឱកាសវិនិយោគនៅកម្ពុជា ដើម្បីជាច្រកនាំចេញទំនិញទៅកាន់ទីផ្សារអាមមេរិកឱ្យកាន់តែធំទូលាយថែមទៀត តាមរយៈសាជីវកម្មពហុជាតិអាមមេរិក។ កម្ពុជានៅតែបន្ដពង្រីកទំហំទីផ្សារខ្លួន តាមរយៈការធ្វើសមាហរណកម្មទៅក្នុងខ្សែច្រវាក់ផ្គត់ផ្គង់ និងខ្សែច្រវាក់តម្លៃសកល តាមរយៈកិច្ចព្រមព្រៀងពាណិជ្ជកម្មសេរីទាំងទ្វេភាគី និងពហុភាគី។
សម្តេចធិបតី ហ៊ុន ម៉ាណែត បានមានប្រសាសន៍ថា ៖ « ដូចមានពាក្យស្លោក «បានឃើញម្ដង ប្រសើរជាងបាន ឮមួយពាន់ដង» ដូច្នេះសូមវិនិយោគិនមកស្វែងយល់អំពីកម្ពុជា»។
បន្ថែមពីនេះ សម្តេចធិបតី ហ៊ុន ម៉ាណែត បានបញ្ជាក់ថា រាជរដ្ឋាភិបាល នឹងផ្ដល់ការគាំទ្រយ៉ាងមុតមាំដល់កាលានុវត្តនភាពសម្រាប់បង្កើតប្រតិបត្តិការ និងការពង្រីកធុរកិច្ច ព្រមទាំងដោះស្រាយរាល់បញ្ហាប្រឈម ទាំងបញ្ហាចាស់ និងថ្មី ដើម្បីជំរុញសន្ទុះនៃការអភិវឌ្ឍវិស័យឯកជនឱ្យបានពេញលេញ និងក្លាយជាដៃគូគន្លឹះរបស់រាជរដ្ឋាភិបាល ក្នុងការលើកកម្ពស់ការអភិវឌ្ឍសម្រាប់ជាប្រយោជន៍ទៅវិញទៅមក និងវិបុលភាពរួមប្រកបដោយបរិយាបន្ន។
សូមជម្រាបថា រយៈពេល៨ខែ ឆ្នាំ២០២៣នេះ ទំហំពាណិជ្ជកម្មកម្ពុជា-អាមេរិក សម្រេចបានជាង ៦,២៧២លានដុល្លារ ថយចុះ៥.៦% បើប្រៀបធៀបនឹងរយៈពេលដូចគ្នា នៅឆ្នាំ២០២២ មានចំនួន ៦,៦៤៥លានដុល្លារ។ នេះបើយោងតាមទិន្នន័យរបស់អគ្គនាយកដ្ឋានគយ និងរដ្ឋាករកម្ពុជា៕
Account
Security
Favourite Content