ក្រុមហ៊ុនផ្តល់នូវសេវាទូរគមនាគមន៍ធំជាងគេនៅកម្ពុជាបោះផ្សាយលក់មូលបត្រកម្មសិទ្ធិលើកដំបូង

ភ្នំពេញ ៖ ក្រុមហ៊ុន ខេម ជ្ជីអេសអេម ម.ក (សែលកាត) ដែលផ្តល់នូវសេវាទូរគមនាគមន៍ធំជាងគេនៅក្នុងប្រទេសកម្ពុជា បានប្រកាសបោះផ្សាយលក់មូលបត្រកម្មសិទ្ធិលើកដំបូងជាសាធារណៈ ក្នុងទំហំទឹកប្រាក់ប្រមាណ ៣០ លានដុល្លារអាមេរិក ជាមួយនឹងការផ្ដល់នូវការធានាភាគលាភមិនធ្លាប់មាន ពីមុនមកក្នុងទំហំ ៧% ក្នុងមួយឆ្នាំ សម្រាប់រយៈពេល ៥ ឆ្នាំ។

ក្រុមហ៊ុន ខេម ជ្ជីអេសអេម ម.ក (សែលកាត) និងផ្សារមូលបត្រកម្ពុជា(ផមក) កាលពីថ្ងៃទី០៥ ខែមេសា ឆ្នាំ២០២៣ បានសហការគ្នារៀបចំសន្និសីទសារព័ត៌មានស្តីពីការ បោះផ្សាយលក់មូលបត្រកម្មសិទ្ធិលើកដំបូងជាសាធារណៈរបស់ក្រុមហ៊ុន ខេម ជ្ជីអេសអេម ម.ក។

ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា បានលើកឡើថា ក្រុមហ៊ុននេះត្រូវបានកាន់កាប់ដោយជនជាតិខ្មែរមួយរយភាគរយ ហើយតាមរយៈគម្រូរបស់ ក្រុមហ៊ុនសែលកាត នឹងទាក់ទាញក្រុមហ៊ុនផ្សេងៗទៀតចាប់ផ្តើមធ្វើការបោះផ្សាយលក់មូលបត្រកម្មសិទ្ធិជាសាធារណៈ ជាបន្តបន្ទាប់។

ឯកឧត្តមបានមានប្រសាសន៍ថា ៖

“ទីផ្សារកាន់តែធំ មានន័យថាជាការបើកចំហរនឹងបង្ហាញថាសេដ្ឋកិច្ចយើងធំ ដែលនេះជាការបូកសរុបរួមនៃក្រុមហ៊ុនទាំងអស់ ក្នុងទីផ្សារបានប្រមាណជាង ២ ពាន់លានដុល្លារអាមេរិក ហើយនឹងបន្តឡើងម្តង ១ ពាន់លានដុល្លារ នៅពេលដែលទីផ្សារនេះទទួលបានការចុះបញ្ជីជាផ្លូវការរបស់ក្រុមហ៊ុនសែលកាត”

ឯកឧត្ដម ហុង សុហួរ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃផ្សារមូលបត្រកម្ពុជា បានថ្លែងថា នេះជាមោទនភាពរបស់ផ្សារមូលបត្រ ក្នុងការអនុម័តក្រុមហ៊ុនដ៍ធំមួយនៅក្នុងប្រទេសកម្ពុជាមកចូលរួមក្នុងវិស័យមូលបត្រ។

ឯកឧត្តមបានបញ្ជាក់ផងដែរថា នេះជាការបោះផ្សាយដែលមានទំហំប្រមាណ ៣០ លានដុល្លារអាមេរិក ជាមួយនឹងការផ្ដល់នូវការធានាភាគលាភមិនធ្លាប់មាន ពីមុនមកក្នុងទំហំ ៧% ក្នុងមួយឆ្នាំ សម្រាប់រយៈពេល ៥ ឆ្នាំ ដែលរំពឹងថានឹងអាចចុះបញ្ជីនៅថ្ងៃទី២០ ខែមិថុនា ឆ្នាំ២០២៣។

ក្រុមហ៊ុនសែលកាត នឹងក្លាយជាក្រុមហ៊ុនទីពីរ ដែលមានតម្លៃជាង ១ ពាន់លានដុល្លារអាមេរិកចូលក្នុងទីផ្សាររបស់យើង។ ដូចនេះ ក្នុងឆ្នាំ ២០២៣ នេះ គឺជាឆ្នាំដ៏អស្ចារ្យដែលផ្សារមូលបត្រកម្ពុជា រំពឹងថានឹងទទួលបានការចុះបញ្ជីលក់មូលបត្រកម្ម សិទ្ធិ ៣ ទៅ ៤ ក្រុមហ៊ុន និងមូលបត្របំណុល ៤ ទៅ៥ ក្រុមហ៊ុននៅក្នុងឆ្នាំតែមួយ។ ការណ៍នេះនាំមកនូវទំនុកចិត្ត ដែល បានមកពីវត្តមានរបស់ក្រុមហ៊ុន ដែលដឹកនាំដោយ អ្នកឧកញ៉ា ទៅដល់ក្រុមហ៊ុនដ៏ទៃទៀតក្នុងការចូលរួមជាមួយ ផ្សារមូលបត្រ។

ឯកឧត្តម បានគូសបញ្ជាក់ថា ការប្រែប្រួលដែលគួរកត់សម្គាល់ នៅឆ្នាំ ២០១៧ មានទំហំជួញដូរជាមធ្យម ប្រចាំថ្ងៃមានត្រឹមតែជាង ១ ម៉ឺនដុល្លារអាមេរិកប៉ុណ្ណោះ បានកើនឡើងរហូតដល់ ៥០ ម៉ឺនដុល្លារឆ្នាំ ២០២២ ព្រមទាំងការ កើនឡើងនូវចំនួនគណនីជួញដូរយ៉ាងច្រើនរហូតដល់ ៣៨.០០០ គណនីនៅដើមឆ្នាំ ២០២៣ នេះ។

ឯកឧត្តមរំពឹងថា ត្រឹមឆ្នាំ ២០២៣ នេះ គណនីសរុបនឹងហក់ទៅដល់ប្រមាណជា ៥ ម៉ឺនគណនី ជាមួយនឹងវិនិយោគិនសកម្មចូលរួមក្នុងការជួញដូរ ប្រចាំថ្ងៃនៅក្នុងខែមីនា ឆ្នាំ២០២៣ មានប្រមាណ ៣.០០០ នាក់ដែលបានដាក់បញ្ជាទិញលក់។ ផ្សារមូលបត្រកម្ពុជាបានដាក់គោលដៅ ក៏ដូចជាមហិច្ឆតាក្នុងការសម្រេចឱ្យបាននូវទំហំជួញដូរជាមធ្យមប្រចាំថ្ងៃចំនួន ១០០ លានដុល្លារអាមេរិក ស្របពេលដែលប្រទេសកម្ពុជាយើងក្លាយជាប្រទេសដែលមានចំណូលមធ្យមកម្រិតខ្ពស់ ក្នុងឆ្នាំ ២០៣០ ជាមួយនឹងការផ្តល់នូវប្រភពចំណូលអកម្មសម្រាប់ម្ចាស់អាជីវកម្ម និងប្រជាជនទូទៅផងដែរ។

លោក Simon John Perkins នាយកប្រតិបត្តិ នៃក្រុមហ៊ុន ខេម ជ្ជីអេសអេម ម.ក បានលើក ឡើងថា ក្រុមហ៊ុន សែលកាត គឺជាក្រុមហ៊ុនជោគជ័យមួយ ដែលមានអាយុកាលជាប្រវត្តិសាស្ត្រជាង ២៥ ឆ្នាំមកហើយ ក្នុងការផ្តល់នូវសេវាទូរគមនាគមន៍នៅក្នុងប្រទេសកម្ពុជា និងបានឆ្លងកាត់នូវបទពិសោធន៍គ្រប់សណ្ឋាន ដោយមានទាំងបញ្ហាហិរញ្ញវត្ថុ វិបត្តិក្ខវីដ១៩ ដែលមានលក្ខណៈជាសកល ប៉ុន្តែភាពជោគជ័យរបស់សែលកាតមកដល់ថ្ងៃនេះគី ដោយសារការផ្ដោតសំខាន់ទៅលើគុណភាព និងថ្នាក់ដឹកនាំដែលពោរពេញដោយបទពិសោធន៍៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល